MAZMUR 116:7 - KITAB NU TUMPU ALLA LELE MA'IMAI'

⁷ Pinosanangkumo na kinyonyoangku, kalana nu kanonongi nu Tumpu na aku.

MAZMUR 116:7 ပူးပေါင်းရင်းမြစ်များ

MAZMUR 119:17

De timbali da Belento manonong mae hi posaihon nu Belento aiya, da aku sabole-boleh tumuu' ka' montuluti pangajalan nu Belento.

MAZMUR 13:6

Kalana aku montaha'imani kalibosan mae nu Belento sahingga aku lame'mo kalana Belento nomposalamatmo aku. Aku manyanyimo mompuji' Tumpu, kalana Ia nombaumo mae anu ma'ima' hi belengku!

MAZMUR 95:11

Sahingga kalana anu notambuha'mo, aku binasumpa'mo, aha madi'mo timbali minsoop i lipu' aijo' da milawe hingga-hinggat tiba aku.”

YEREMIA 30:10

Mian anu palesayamo hi beleng-Ku aha Israel, boli mabuhuk! Posaihon-Ku i Yakub boli langkakatan! Belemiu tiba lee' nu belemiu Ku posalamatmo lengkat mae ilipu' anu majo'on, tampat pinomboan belemiu. Belemiu minsusule'mo ka' jojoongmo ilipu' nu belemiu ka' madi'mo ko anu mompoposia. Belemiu tumuu'mo sanang; madi'mo daagi' ko anu okabuhuk nu belemiu.

YEREMIA 6:16

Tumpu notatae hi mian anu palesayamo hi Ia, “Tinjo' ipopanga'an-popanga'an nu jalan ka' palahatikan ima-ima'! Pokilawa na jalan anu naipuan mae, ka' iya na anu ma'ima'an hondo na jalan haha aijo'. Tuusakonmo na jalan aijo' da belemiu tumuu' madi' ko anu mompoposia.” Panyo aha notatae, “Madi', kami madi' mongka'oho' montuusakon jalan aijo'!”

HOSEA 2:7

Ia mololoi'mo to sindu-sindua'annyo, panyo madi' nusampa na aha. Ia molio aha, panyo ia madi' nompahakabot aha. Lantas ia notatae, ‘Aku minsusule'mo hi langkai'ku anu momona; u'utu mae lebe ma'ima' na ka'ada'anku tiba sinaa uuka.’