MAZMUR 116:5 - KITAB NU TUMPU ALLA LELE MA'IMAI'

⁵ Tumpu aijo' pangkalibosi ka'adin! Tumpu Allah-nto saja' hondo mongkalibosi.

MAZMUR 116:5 ပူးပေါင်းရင်းမြစ်များ

EZRA 9:15

O Tumpu, Tumpu Allah Israel, belento adin panyo maumo sumo aitu opobee' ahi' nu Belento na kami tumuu'. O akui mami na kasala'an mami hi belento; kami madi'mo ko hak toka mangadap hi ahop nu Belento.”

NEHEMIA 9:17

Aha madi'mo nohongo-hongo, iwi-iwi' na kanonongan nu Belento madi'mo pinajulian nu aha. Ka' iwi-iwi' na anu binaumo nu Belento oka-okabangangi madi'mo nu inau' nu aha. Kalana aha kinobubuunmo sahingga aha nompile'imo samian anu binau kapala, da momboa aha mamba i Mesir, ka' po ule'mo timbali posaihon. Panyo Belento Tumpu Allah sanang na kinyonyoa mongampuni, talalo hondo sabaan, manonong ka' mule' talalo hondo mongkalibosi. Kalibosan nu belento totu-totu'u madi' hondo ko gampanyo; Belento madi' nompojohok aha.

NEHEMIA 9:31

Panyo kalana kalibosan nu Belento talalo ahi' daka', madi' ahi' pinojohok nu Belento kabai pinatean nu Belento na aha. Memang Belentomo na Tumpu Allah anu madi' ko gampanyo; Belento talalo ahi' mongkanonongi, saja' mongkalibosi!

NEHEMIA 9:33

Kaputusan nu Belento adin, Belento nohukumo kami anu binaladosa'mo; Belento sabole-bole ahi' monginau' kami, maumo kami saja'mo nongoa'i kasansala'an.

NEHEMIA 9:8

Tinokan nu Belento na ia tulu-tulutan hi Belento ka' mohongo-hongo. Lantas nombaumo na Belento tiba ia palajanjian anu otaha'imani hondo. Tano' nu Kana'an, Het tiba Amori, tano' Feris, Yebus tiba Girgasi. Iwi-iwi' aijo' Nu bee'mo hi aha salaku bau kajojoongan nu lee'nyo iwi-iwi'. Lapas aijo' ginanapanmo nu Belento na palajanjian aijo' hi ia. Kalana Belento adin ka' mule' totu-totu'u na kinyonyoa.

MAZMUR 103:8

Kalana Tumpu saja' mongkalibosi ka' mongkanonongi, Ia talalo hondo sabaan ka' kalibosannyo daka' hondo.

MAZMUR 112:4

Jingka monjingkaimo i uno nu pikat kona hi mian anu hodi' na kinyonyoanyo, kona hi mian anu adin, pangkalibosi ka' manonong.

MAZMUR 115:1

Misa' kami, o Tumpu, misa' kami, panyo olamo ahi' Belento na tionyo o puji', kalana Belento manonong ka' saja' mongkalibosi.

MAZMUR 119:137

Belento adin, o, Tumpu iwi-iwi' na atulan nu Belento kinonamo hondo.

MAZMUR 145:17

Tumpu adin hondo i han iwi-iwi' apaa na anu Nu bau ka' talalo hondo nu kalibosi apaa na anu binau-Nyomo.

MAZMUR 86:15

Panyo Belento, o, Tumpu, Tumpu anu pangkalibosi ka' manononghondo, sabaan hondo, saja' mongkalibosi, ka' manonong.

MAZMUR 86:5

Belento manonong, o, Tumpu, ka' kahanda' mongampuni, mian anu balado'a hi Belento, saja' nukalibosi nu Belento, nukalibosan anu madi' ko kamingkotannyo.

YESAYA 45:21

Kalak mae na palakala nu beleyum ka' poto'i mae na bukuti'nyo iwi-iwi', sampamo ahi' na aha basale' hingga-hinggat. Ihe na nompolelemo han aijo' ka' nompoto'imo salatanmo pe'e naipuan mae? Temisa' Aku ahi', na Tumpu? Madi' ko tumpu sangga'at, olanyomo ahi' Aku. Akumo na Tumpu anu adin ka' anu Momposalamat, madi'mo daagi' kosangga'atannyo, olanyomo ahi' Aku!

YEREMIA 12:1

“De ku poto'i na palakalangku hi Belento, o Tumpu, tantu saidi' mae onyata' je memang ahi' Belento na totu'u. Panyo aku ko kahanda'ahi' mompoto'i hi Belento mongkona han ka adilan: Kadaka' mian anu palabuatannyo ma'idek na mohumpak kantumuu'an ma'ima'? Ka' mule' kadaka' mian anu tageo' na kinyonyoanyo na mohumpak kabilahian?

DANIEL 9:14

Belento o, Tumpu, na Tumpu mami anu nohukumo kami nu balaa' anu pinosadiamo nu Belento; kaputusan nu Belento saja' kona ka' adin, panyo kami madi' nompotombihing potatae nu Belento.

DANIEL 9:7

O, Tumpu kaputusan nu belento saja' kona ka' adin, panyo kami saja' hondo mombau anu moko ambang hi posi butong mami, aijo'mo kami iwi-iwi' na mian anu sa'a-sa'angu' na bansa tiba kami anu binagi-bagimo nu belento iyaya na lipu' anu majo'on ka' anu ohani kalana aha madi' tulu-tulutan hi Belento.

DANIEL 9:9

Belento saja' nongampuni ka' mule' nongkalibosi mae, maumo kami saja' panggaga hi belento.

EFESUS 2:4

Panyo palias na kodaka'nyo na kanonongan nu kinyonyoa nu Tumpu! Ia nongkalibosimo kita sumo aijo',

1 TIMOTIUS 1:14

Ka' aku pinaka bee'an mule' balakat nu Tumpunto. Ia nombee'imo aku da moko ala palesaya hi Ia ka' mongkalibosi sangko manusia. Da moko ala sumo aijo' binee'mo hi kita iwi-iwi' anu nosa'angu'mo tiba i Kristus Yesus.

1 YOHANES 1:9

Panyo de kita mongakui iwi-iwi' na dosa'to hi Tumpu, Ia monsidahakonmo janji'-Nyo ka' mombaumo apaa na anu adin. Ia mongampunimo iwi-iwi' na dosa'to, ka' mompolomasmo kasala'anto iwi-iwi' anu binauntomo.