MAZMUR 116:17 - KITAB NU TUMPU ALLA LELE MA'IMAI'

¹⁷ Aku momboamo koloban bau pontalima kaseh hi Belento, ka' mompotoka do'a hi Belento.

MAZMUR 116:17 ပူးပေါင်းရင်းမြစ်များ

MAZMUR 107:22

Sahanyo aha montalima kaseh ka' momboa anu osombahkon, ka' mule' mombebakon apa-apaa na anu binau-Nyomo, olaguakon nu nyanyian anu bilahi.

MAZMUR 116:13

Aku momboamo anggur osombahkon hi Tumpu bau pontalima kaseh kalana Ia nontulungimo mae.

MAZMUR 50:14

Palasombahkon na koloban bau pontalima kaseh hi Tumpu, tionyo ahi' nu ganapi' na anu jinanji'mo nu belemiu Anu Matangkas na Kuasa-Nyo.

IMAMAT 7:12

De koloban aijo' osombahkon bau pontalima kase, saba' tiba binatang aijo' tionyo ahi' okolobanakon suele na roti anu madi' ogalo'i ragi. Roti aijo' timbali opodaka' na mongkompon labu tiba lanya' zaitun, kabai roti anu ise' pinanggang anu osapui nu lanya', kabai labu na obau kukis ogalo'i nu lanya' nu zaitun.

SISIKON NU TO RASUL-RASUL 2:42

Totu-totu'u na aha saja' binalajan hi to rasul-rasul, ka' saja' silimu' hingga-hinggat. Aha nongkaan hingga-hinggat ka' balado'a hingga-hinggat.

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

PO'ULE' INGULIT 12:6

I tampatmo aijo' na tionyo ahi' pomboan nu belemiu to kolo-koloban anu opotunu ka' to kolo-koloban sangga'at, anu osombahkon nu belemiu sambagian o ala i anu sampulu' na bagian tiba iwi-iwi' na anu osombahkon sangga'at, koloban bau pombayan anu jinanji'mo nu belemiu, koloban kasanangan nu kinyonyoa miu ka' anak nu sapi' ka' mee' ka' domba nu belemiu anu momona pino'anaknyo.

IBRANI 13:15

Kalana aijo', binuka'mo i Yesus na jalan sahingga kita saja'mo ahi' mompuji-puji' Tumpu; aijo' salakumo koloban pontalima kasento hi Ia, anu osombahkonto otaloakon nu biwi bau pompopodaka' sanggo-Nyo.