MAZMUR 115:12 - KITAB NU TUMPU ALLA LELE MA'IMAI'

¹² Tumpu monginau' kita ka' nu balakati na kita, Nu balakati na mian nu Israel ka' iwi-iwi' na imam lee' i Harun.

MAZMUR 115:12 ပူးပေါင်းရင်းမြစ်များ

KAJADIAN 8:1

Tumpu Allah madi' mongkolilimi i Nuh ka' binatangnyo iwi-iwi' anu daagi' hi ia i uno nu kapan aijo'. Tumpu Allah nompotobungmo mombun, sahingga uee nontampu'unimo tinolo tutus.

MAZMUR 135:19

O puji' na Tumpu o mian nu Israel, O puji' na Ia, o to ima-imam nu Tumpu!

MAZMUR 136:23

Ia madi' mongkolilimi kita, tempo'nyo kita pinatundu'mo; kalibosan-Nyo sampe toka sidu-sidutu'.

MAZMUR 25:7

Ampuniakon mae na dosa' ka' kasala'an tempo'nyo aku daagi' olitau, inau'akon mae na aku i uno nu kalibosan ka' kanonongan nu Belento.

MAZMUR 67:7

Tano' kino hasinnyomo, Tumpu, Tumpunto nombalakatimo mae kita.

YESAYA 44:21

Tumpu notatae, “O, tutugi na iwi-iwi' aiya, o, Israel, kalana beleyumo na posaihon-Ku. Aku nompotimbalimo beleyum ka' mule' beleyumo na posaihon-Ku, o, Israel, Aku madi' mongkolilimi beleyum!

NOMBILANGMO 6:27

Ka' Tumpu notatae mule', “De aha monsanggo sanggong-Ku salaku bau pombalakati bansa nu aha Israel, Ku balakatimo na aha.”

SISIKON NU TO RASUL-RASUL 10:4

I Kornelius nontonto'i Malaikat aijo' ka' nabuhukmo lantas notatae, “Daagi' ko apaa Tuan?” Tinaaman nu malaikat aijo', “Do'aum ka' ka'ima'an nu kinyonyoaum tinalimamo nu Tumpu ka' Tumpu nonginau'mo beleyum.

SISIKON NU TO RASUL-RASUL 3:26

Aijo' na sababnyo Tumpu nompile'i Posaihon-Nyo, lantas nonsai Ia toka mae hi komiu momonanyo, da Ia mombalakati komiu. Bau-baunyo nu Ia mombalakati aijo'mo mompotimbali to Utu-utus iwi-iwi' balatobat i bau-baunyo nu kantumuu'anum anu ma'idek.”

GALATIA 3:14

I Kristus nombau sumo aijo' da balakat anu jinanji'mo nu Tumpu hi Abraham obee' suele hi to mia-mian anu misa' Yahudi. Tiba jalan anu sumo aijo' kita suele palesayamo hi Tumpu Allah, timbali mohumpak Roh anu jinanji'mo nu Tumpu.

GALATIA 3:29

De komiu i Kristusmo na tumpunyo, saba' komiu lee'mo i Abraham. Ka' komiu montalimamo apaa na anu jinanji'mo nu Tumpu Allah.

EFESUS 1:3

Puji' na Tumpu, Tuuma Tumpunto i Yesus Kristus! Ia nombalakatimo kita nu iwi-iwi' na balakat nu Tumpu i uno nu suluga', kalana kita nosa'angu'mo tiba i Kristus.