MAZMUR 114:2 - KITAB NU TUMPU ALLA LELE MA'IMAI'

² Tumpu nompotimbalimo Yehuda tampat-Nyo anu susi'.

MAZMUR 114:2 ပူးပေါင်းရင်းမြစ်များ

NOSABATMO 15:17

Lantas Israel binoamo nu Belento namba i tampat anu pinile'anmo nu Belento da bau kajojoongan nu belento. Aha jinojoongmo i bungkutnyo nu Belento anu susi', i laigan anu pinosi potinjo nu Belento.

NOSABATMO 25:8

Pokau na bansa aijo' mombau sa'angu' na kemah ponsomban Aku, da Aku jojoong hi aha.

NOSABATMO 6:7

Belemiu Ku boamo i lipu' anu jina-jinanji'-Kumo ka' binauakonmo sumpa' hi Abraham, hi Ishak, ka' hi Yakub; tano' aijo' Ku bee'mo hi belemiu, belemiumo na tumpunyo. Akumo na Tumpu.”

IMAMAT 11:45

Akumo na Tumpu Allah anu nomboamo mae belemiu nosabat lengkat mae i Mesir, da Aku timbalimo Tumpu Allah nu belemiu. Tionyo ahi' belemiu susi', kalana Aku Susi'.

PO'ULE' INGULIT 23:14

Tumpu nu belemiu na montoa belemiu i kemah miu ka' monjagai belemiu ka' mombee'i belemiu ka'untungan de mahampatemo tiba sampobali' nu belemiu. Jadi sabole-bole o inau' da kemah miu tataap belesi'. Boli sampe daagi' ko apa-apaa anu madi' singkosok atina' hi belemiu, da belemiu boli nupala'i nu Tumpu.”

PO'ULE' INGULIT 27:12

“De belemiu moko potaapmo i Kaunyo nu Yordan, tulunan nu bansa Simeon, Lewi, Yehuda, Isakhar, Yusuf ka' Benyamin tionyo ahi' tuminjo aita' i Bungkutnyo nu Gerizim de otaloakonmo na balakat hi bansa aiya.

PO'ULE' INGULIT 27:9

Lapas aijo' tiba to ima-imam aha mian Lewi, i Musa notataemo hi iwi-iwi' bansa Israel, “To utu-utus, o'intoomakon ka' opotombihing mae! Sinaa aiya belemiu tinimbalimo mian anu pinalesayamo hi Tumpu Allah nu belemiu.

PO'ULE' INGULIT 7:6

Bau na iwi-iwi' aijo' kalana belemiu anumo nu Tumpu Allah nu belemiu. Iwi-iwi' na bansa anu i dunia aiya belemiumo na anu pinile'anmo nu Tumpu Allah nu belemiu da timbalimo mian anu palesayamo ka' talasanggo.

ANU PINOTO'I HI YOHANES 21:3

Lantas aku nohongomo potatae lengkat mae i kasuhangan aijo' notatae mae daka-daka', “Tempo' uuka tampat kajojoongan nu Tumpu tibamo mian! Ia tumuu'mo tiba aha, ka' aha timbalimo mian anu palesayamo hi Ia. Tumpu jojoongmo tiba aha, ka' timbalimo Tumpu nu aha.