MAZMUR 113:5 - KITAB NU TUMPU ALLA LELE MA'IMAI'

⁵ Ihe na sumo Tumpunto? Ia mompalentah aita' mae i tampat anu matangkas.

MAZMUR 113:5 ပူးပေါင်းရင်းမြစ်များ

MAZMUR 103:19

Tumpu mompalentah kiita' mae i suluga', iamo na tomundo anu mongkuasai iwi-iwi'.

MAZMUR 11:4

Tumpu kiita' mae i Laigan-Nyo anu susi' hondo, kasuhangan-Nyo kiita' mae i suluga'. Ia lewa' mompotomatakon mian ka' monsumbu' iwi-iwi' apaa na anu nubau nu aha.

MAZMUR 35:10

Sahondo-hondonyo na kinyonyoangku montaloakon, “Tumpu, Belento madi' koanu timbali pompokakanakonan! Belento nompobebasmo anu madi' mahoson da madi'mo nu kuasai nu anu mahoson, Anu kasiasi ka' sansala da madi'mo sola' obee' kasansala'an.”

MAZMUR 89:6

Sidang nu aha mian nu suluga' nompuji'mo palabuatan nu Belento anu okabangangi, ka' nonyanyiakonmo kanonongan nu Belento o, Tumpu.

MAZMUR 89:7

Aita' mae i langit madi' ko anu susumo Belento o, Tumpu, madi' ko malaekat nu suluga' anu mompokakanai Belento.

MAZMUR 89:8

Belento oholomati nu aha to mia-mian anu susi', nakabuhuk hondo nu aha iwi-iwi' anu montikubi mae Belento.

MAZMUR 89:9

O, Tumpu, Tumpu Anu Daka' na Kuasa-Nyo, ihe na anu susumo Belento na kohosonnyo? Belento manonong hondo i han iwi-iwi' o, Tumpu.

NOSABATMO 15:11

Iya na Tumpu Allah sangga'at anu moko ala mohungku'i Belento, o Tumpu Anu Talasanggo hondo ka' anu susi'? Ihe na moko ala mombau anu okabangangi ka' mombau palabuatan anu daka' susumo Tumpu?

YESAYA 16:5

Lapas aijo' samian na lee' mai i Daud timbalimo tomundo' ka' mompalentahmo bansanyo ka' saja ahi ko kalibosan ka' ule' madi' geguan. Ia na montoongi ahi' ka adilan ka' mule' malia' ahi' na bala ulusan mombau anu sahondo-hondonyo.)

YESAYA 40:18

Jadi ihe na timbali bau pompokakana konan nu beleyum Tumpu? Ihe na nu anggap pokakana tiba Ia?

YESAYA 40:25

Ihe na nu anggap pokakana sumo Tumpu Anu Daka' na Kuasanyo? Ihe na bau pompokakanakonan nu beleyum Ia?

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YEREMIA 10:6

Tumpu anu talasanggo hondo Belento madi' ko anu moko ala mongkakanai sanggo nu Belento talasanggo hondo ka' balakuasa hondo.

PO'ULE' INGULIT 33:26

“O Israel! Tumpu Allah nu belemiu madi' sumo pilogot; Talasanggo na Ia nontuluimo langit ka' nonsoopmo mae kundom kahanda' montulungi belemiu.