MAZMUR 112:9 - KITAB NU TUMPU ALLA LELE MA'IMAI'

⁹ Ia mombagi-bagiakon halata'nyo, ka' mombee'i apa-apaa hi mian anu kasiasi; ia saja' mombau anu ma'ima', kalana aijo' ia balakuasa ka' oholomati.

MAZMUR 112:9 ပူးပေါင်းရင်းမြစ်များ

MAZMUR 111:3

Pakalaja'an nu Tumpu talasanggo hondo ka' talalo o puji', ka'adilan-Nyo sampe toka sidu-sidutu'.

MAZMUR 112:3

Aha sa'anakan kayamo ka' madi'mo susa', ka' ia sanangmo na kantumuu'annyo sampe toka sidu-sidutu'.

MAZMUR 75:10

Panyo aku sabole-boleh saja' mombebakon Tumpu i Yakub, monyanyi, nyanyian anu bau pompuji' Ia.

MAZMUR 92:10

Osumbu' mami sampobali' nu Belento opateimo ingko-ingkot, o, Tumpu, iwi-iwi' na mian anu ma'idek na kinyonyoa oga'a-ga'at madi'mo oposa'angu'.

MAZMUR 92:11

Pinohosonmo nu Belento na aku susumo sapi' anu ma'ela', ka' nombalakatimo mae aku, da nohumpakmo kantumuu'an ma'ima'.

AMSAL 14:24

Mian anu pande opuji' kalana kapandeannyo; panyo mian anu punga' osumbu' kalana kaponga'annyo.

AMSAL 19:17

Montulungi mian anu kasiasi pokakanamo sumo monsaboli Tumpu; Tumpuje suele na mombalosakon.

AMSAL 21:26

Sansinaa-sinaa ia ola ahi' mompopikilakon mongkona apaa na anu nuka milui. Pada han mian anu madi' tageo' nakinyonyoanyo moko ala mombee'i molabi-labi.

ANU MOMPOLELE POTATAE NU TUMPU 11:6

Daagi subu-subu saumo na bine' nu beleyum; ka' boli mingkain mau mule' malomo, kalana madi' osumbu'to iya na anu sinaunto aijo' na anu tinumuu' ma'ima'. Ugaat ahi' ohu-ohua' tinumuu' ma'i-ma'ima'.

ANU MOMPOLELE POTATAE NU TUMPU 3:6

Tumpu na nontantukan tempo'nyo da okabot ka' tempo'nyo molapusmo, tempo'nyo da monguna' ka' tempo'nyo loyaan,

YESAYA 32:8

Panyo anu manonnong nakalakuannyo na saja' ahi' montanga'i palabuatan manonong ka' mombau apa-apaa saja' ahi' manonong.

YESAYA 58:10

Bee'i mongkaan na mian anu mo'ohop ka' tulungi na to mia-mian anu sinansalamo. De belemiu mombaumo sumo aijo', saba' pikat hondomi' anu atina' hi belemiu majingkamo susumo sinaa.

YESAYA 58:7

Obagi na kaanon nu belemiu hi mian anu mo'ohopmo, otalima na to mia-mian anu mahalajangan i laigan nu belemiu. Obee'i baju' na mian anu langgo' ka'boli mojalo i utus nu belemiu anu palalumo otulungi.

MATIUS 6:4

Bakas na palabuatanum aijo' madi' nu sumbu' mau pe'e ihe, boli mompiakon Tuumaum i suluga'. Ia montoa palabuatanum anu sulu-suluk aijo', ka' mombee'je tamboonyo hi beleyum.”

MARKUS 14:7

Mian kasiasi saja' atina hi komiu. Madi' ko tempo'nyo de komiu mongka'oho'mo, komiu timbali montulungi aha. Panyo Aku madi' saja' tiba komiu.

LUKAS 11:41

Anu i uno nu mangko' ka' i leanum aijo', aijo'mo na anu tionyo obee' miu hi to mia-mian anu kasiasi. Tiba jalan aijo', iwi-iwi' timbalije mompobelesi' butong komiu.

LUKAS 12:33

Pobaluk na anu daagi' hi beleyum ka' bee' na doinyo hi mian kasiasi. Pombaumo dompet bau kapentingan nu butongum, anu madi' toho' ma'idek, aijo'mo halata' anu opo una' i suluga'. Halata' aijo' madi' ko kapolapusannyo, kalana madi' nupoko ala nu anu buling, ka' atak madi' moko ala mongidei.

LUKAS 16:9

Lantas i Yesus po'ule' notatae, tukoo-Nyo, “Hongo! Pakemo na kakaya'an nu dunia aiya da mohumpak sangalu, da de kakaya'an nu dunia aiya madi'mo ko olinyo, komiu otalimaje i tampat kajojoongan anu sidu-sidutu'.

LUKAS 18:22

Nohongo aijo', i Yesus notatae, “Daagi' ko sa'angu' na han na anu tionyo nu bau: Pobaluk na anu iwi-iwi' hi beleyum, bee' hi mian kasiasi na doinyo, mohumpakje halata' i suluga' na beleyum. Lapas aijo' tokaje mae mombatuki Aku.”

YOHANES 13:29

Daagi' ko anu monsangka i Yesus nompokau i Yudas mongoli apa-apaa anu opalalui i bau-bauon aitu, kabai mombee'i doi sangkiding hi mian kasiasi – kalana i Yudas pontoongi doi anu nulimu' nu aha.

SISIKON NU TO RASUL-RASUL 20:35

I iwi-iwi' na han, aku nombee'imo sonto' hi komiu saba' kalana mokalaja totu-totu'u montulungimo to mia-mian anu madi' mahoson. Kalana tionyo ahi' o inau'to apaa na anu pinosi taloakonmo i Tumpu Yesus, ‘Lebe sanang na mombee'i ka' de mule' ola montalima.’ ”

SISIKON NU TO RASUL-RASUL 4:35

ka' binee' nu aha hi to rasul-rasul. Lapas aijo' doinyo obagi-bagiakonmo hi toto samian anu mompalalui.

ROMA 12:13

Otulungi ka' posukupakon na kapalaluan nu to mia-mian Kristen sangga'at, ka' olabot na to Utu-utus anu sangko agama, anu ma'isa osumbu'to nu kita Utus tiba kinyonyoa anu sanang i laigan beleyum.

2 KORINTUS 8:9

Kalana osumbu' miu hondo kita talalo nukalibosi i Yesus Kristus Tumpunto. Ia kaya, panyo Ia nompotimbalimo butong-Nyo kasiasi kalana kapentingan miu da kalana Ia kinasiasimo aijo', komiu timbalimo kaya.

PO'ULE' INGULIT 15:11

Hi aha mian nu Israel saja' ko mian to pia-piangkuka anu kasiasi ka' kasusa'an. Kalana aijo' Ku palentahkon hi belemiu da manonong hi aha.”

PO'ULE' INGULIT 15:14

Obee'i na ia apaa na anu binee'mo nu Tumpu Allah nu belemiu hi belemiu, ka' sanang ahi' na kinyonyoa mombee'i mee' ka' domba, gandum ka' anggur.

PO'ULE' INGULIT 24:13

panyo tionyo ahi' osule'akonmo hi ia, de malomo, da Tumpu Allah nu belemiu sanang hi belemiu.

1 TIMOTIUS 6:18

Poita hi aha da mompotoa ka'ima'an, da manjoo' na mombau hahan anu ma'ima', manonong, ka' mongka'ima'i mobagi.

IBRANI 13:16

Boli okolilimi na mombau anu ma'ima' ka' mompaha tulu-tulungi, kalana aijo'mo na koloban anu momposanang kinyonyoa nu Tumpu.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.

ANU PINOTO'I HI YOHANES 22:11

Mian anu ma'idek, bakasmo da saja' mombau anu ma'idek; mian anu mahenyu, bakasmo da mahenyu na butongnyo; mian anu mombatuki pongka'oho' nu Tumpu, bakasmo da saja' mombatuki pongka'oho' nu Tumpu, ka' mian anu tumuu' samata-mata hi Tumpu, bakasmo da saja' tumuu' hi Tumpu.”

1 SAMUEL 2:1

Lantas i Hana binalado'amo, ia notatae, “Tumpu nompolame'mo kinyonyoangku; anu binau binauNyo nomposanangmo santu'ku. Sinanangmo na aku mompopo ambang sampo bali'ku, kalana totu-totu'u Tumpu Allah nontulungimo mae aku.

1 SAMUEL 2:30

Aku Tumpu Allah nu Israel, naipuan mae binalajanji'mo da belemiu salaigan ka' belemiu sa'angu' na tulunan mombau anu Ku palentahkon timbali imam sampe toka sidu-sidutu'. Panyo uuka aiya madi'mo Ku ka'ima'i na anu sumo aijo'! Kalana anu mongadati Aku suele Ku adati, panyo anu mongambangi Aku suele Ku ambangi.