MAZMUR 112:2 - KITAB NU TUMPU ALLA LELE MA'IMAI'

² To ana-anaknyo na mongkuasaije lipu' aiya, lee' nu mian anu manonong obalakati.

MAZMUR 112:2 ပူးပေါင်းရင်းမြစ်များ

KAJADIAN 17:7

Ku totu'uakonje na palajanjian-Ku hi beleyum, ka' toka-toka hi lee' nu beleyum molundu-lundu, ka' palajanjian aijo' sampe toka sidu-sidutu'. Aku timbalimo Tumpu Allah nu beleyum ka' Tumpu Allah nu lee' nu beleyum.

KAJADIAN 25:11

Salatan i Abraham sinilakamo, Tumpu Allah nombalakatimo i Ishak anak i Abraham. Tempo'nyo aitu i Ishak jinojoongmo koko bubung anu osanggohi, “Ia Anu Mompalahatikan mae Aku”.

MAZMUR 102:28

Panyo Belento na satataapnyo ahi', kantumuu'an nu Belento madi' ko ka'ahenannyo.

MAZMUR 25:13

Aha saja' tumuu' bilahi, makumpu nu aha na montoongimo tano' pusaka' nu aha.

MAZMUR 37:26

Ia ola saja monsabolakon ka' mombee'i ka' to ana-anaknyo tinimbalimo balakat hi ia.

AMSAL 11:21

Mian anu ma'idek na kinyonyoanyo memang mohumpakmo hukuman; panyo mian anu manonong mohumpakmo kasalamatan.

AMSAL 13:22

Mian anu manonong mombee' kakaya'annyo hi to maku-makumpunyo, panyo kakaya'an nu mian anu baladosa' opo una'mo hi mian anu hodi' na kinyonyoanyo.

AMSAL 20:7

To ana-anak untung hondo de ko tuumanyo anu manonong ka' kantumuu'annyo madi' tageo' na kinyonyoa.

YEREMIA 32:39

Ku bee'imo na aha tujuan nu kantumuu'an samata-mata ola sa'angu': aijo'mo, moholomati mae Aku sampe toka sidu-sidutu'; han aijo' na mombee'i ka'ima'an nu kantumuu'an nu aha, ka' suele kona hi lee' nu aha.

SISIKON NU TO RASUL-RASUL 2:39

Kalana anu jinanji'mo nu Tumpu aijo' bau bagi miu tiba lee' miu, tiba bau bagi nu to mia-mian anu daagi' kiijo' mae i tampat-tampat anu majo'on – aijo'mo iwi-iwi' na mian anu i laga nu Tumpu Tumpunto da toka hi Ia.”