MAZMUR 111:2 - KITAB NU TUMPU ALLA LELE MA'IMAI'

² Totu-totu'u okabangangi hondo na apa-apaa anu binaumo nu Tumpu, pantasmo na oselidiki nu to mia-mian anu mongka'ima'i.

MAZMUR 111:2 ပူးပေါင်းရင်းမြစ်များ

AYUB 37:14

Soba pomohokot pe'e, o Ayub, ka' potombihing mae; sabole-bole o'inau' na hahan anu okabangangi anu binaumo nu Tumpu Allah.

AYUB 37:7

Kalaja nu manusia tinewa'nyomo da nusumbu' nu aha taalu' Ia hau-haunyomo mokalaja.

AYUB 5:9

Iwi-iwi' na anu binaumo nu Tumpu Allah talalo hondo oka bangangi; madi' opoko ala osumbu-sumbu'to. Anu okabangangi iwi-iwi' bibinau-Nyomo madi' opoko ala osumbu'to na konjoo'nyo ka' madi' ko kamingkotannyo.

AYUB 9:10

Madi' opoko ala osumbu'to na kalaja-Nyo iwi-iwi', madi' opoko ala olekengto na anu okabangangi bibinau-Nyomo.

MAZMUR 104:24

Talalo hondo manjoo' na anu pinotimbalimo nu Belento, Tumpu, iwi-iwi' pinotutugakonmo nu Belento ima-ima' na nompotimbali; dunia nobuke'mo nu anu pinotimbalimo nu Belento.

MAZMUR 104:34

O' amalakon da nyanyianku sanang na ia mohongo, kalana Iamo na nompolame' kinyonyoangku.

MAZMUR 107:43

O'amalakon da mian anu pande mompotutugakon iwi-iwi' aijo' ka' mongakui tukoonyo Tumpu sabole-boleh mongkalibosi.

MAZMUR 118:15

Potombihing na taligala kiijo' i iwi-iwi na kemah nu mian anu palesayamo hi – Ia, kalana inguntungmo na nahampate. “Tumpu nombaumo palabuatan anu daka' hondo!

MAZMUR 139:14

Ku puji' na Belento kalana aku talalo ahi' ma'ima'! Iwi-iwi' na anu binaumo nu Belento okahelani ka' talalo ahi' okabangangi, totu-totu'u ku sumbu' na han aijo'.

MAZMUR 143:5

Ku inau' hondo na kantumuu'anku i sinaa anu i hikuhakonmo: ku popikilakon iwi-iwi' apaa na anu binaumo nu Belento, ku tutugi iwi-iwi' apaa na anu binaumo nu Belento.

AMSAL 17:16

Palasuma na mian anu ponga' mompomingkot doi da molio kapandean bapikin; kalana ia madi' ko pikilan anu ma'ima'.

AMSAL 24:14

sumo aijo'mo na kapanden bapikin ma'ima' na nu oa'i nu santuu' nu beleyum. De beleyum pande kantumuu'an nu beleyum timbali ma'ima' aiya mae i ahop.

ANU MOMPOLELE POTATAE NU TUMPU 3:11

Ia nontantukanmo tempo' anu madi' sala' hi iwi-iwi' na anu jinadimo. Ia nombee'imo anu oka'ima' into da monsumbu' apaa na aiya mae i ahop, panyo kita madi' moko ala monsumbu' palabuatan nu Tumpu daagi' pe'e i monanyo toka-toka imihinyo.

YESAYA 40:12

Ihe na moko ala montakan ndalangon nu pala nu limanyo, kabai mongukun aita' langa ola ojingkan nu lima? Ihe na moko ala montakan tano' nu dunia aiya nu pontakan, kabai montimbang bungkutnyo tiba puge'nyo nu timbangan?

DANIEL 4:3

Daka' hondo na anu okabangangi binau-Nyomo Daka'hondo na anu okahebati anu ma'isa toho' jinadi binau-Nyomo. Tumpu timbalimo tomundo' sampe toka sidu-sidutu'. Ia balakuasa sampe toka sidu-sidutu'.”

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

ROMA 8:6

De pikilanum kinuasanmo nu sipat nu mian, saba' ahennyo kapatean. Panyo de pikilanum kinuasanmo nu Roh nu Tumpu, saba' ahennyo aijo'mo na kantumuu'an ka' kadamean tiba Tumpu Allah.

EFESUS 1:19

ka' palias na kodaka'nyo na kuasa nu Tumpu mokalaja hi kita anu palesayamo. Kuasa nu Tumpu aijo' pokakanamo sumo kuasa anu madi' ko gampanyo.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!