MAZMUR 110:3 - KITAB NU TUMPU ALLA LELE MA'IMAI'

³ De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

MAZMUR 110:3 ပူးပေါင်းရင်းမြစ်များ

1 TAWARIKH 16:29

O puji' na sanggo-Nyo anu talasanggo ka' oboa na koloban i uno nu laigan-Nyo. Osombah na Tumpu, ka' opusok ahi' na baju' anu opusok de monsombahmo.

NEHEMIA 11:2

Aha aijo' daagi' ko anu sanang na jojoong i kota' Yerusalem ka' aha o puji' nu mian da'isan.

MAZMUR 29:2

O puji' na sanggo nu Tumpu anu talasanggo osombah na Ia nu baju' anu opusok de monsombahmo.

MAZMUR 96:9

Osombah na Tumpu, mompusok baju' anu opake de monsombah mo Ia! Langkakatanmo i ahop-Nyo, o dunia songko-songko!

YEHEZKIEL 43:12

Sumo uuka na anu ahi' saja' obau i Laigan nu Tumpu: Songko-songko na daerahnyo anu ibawo nu bungkutnyo susi' hondo.”

MIKHA 5:6

Aha mian nu Israel anu daagi' tinontuha' timbalimo susumo dondu'ok ka' loop hondo anu lengkat mae hi Tumpu da bau bagi nu to bansa-bansa ka' mule' susumo ujan tudunmo mongujani sosu'anon. Aha palesaya memo ahi' hi Tumpu ka' misa'mo hi manusia.

SISIKON NU TO RASUL-RASUL 1:8

Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”

SISIKON NU TO RASUL-RASUL 19:20

Tiba jalan anu okabangangi sumo aijo', potatae nu Tumpu nompaka togilelemo ka' nompaka pahosonmo na kuasanyo.

SISIKON NU TO RASUL-RASUL 2:33

Ia i hangkat ka' pinosuhang i kasuhangan anu matangkas ka' binee'an kakuasa'an nu Tumpu, lantas nontalimamo Roh nu Tumpu Allah anu noko janji'mo nu Tuuma. Ka' anu ihongomo miu uuka aiya ka' tinoamo saba' Roh'mo ai-aijo' na anu ilambe'akon-Nyo hi kami.

SISIKON NU TO RASUL-RASUL 2:41

Manjoo' na mian palesaya i anu nu taloakon i Petrus, lantas aha pinalamandikan. Sahingga konjoo' nu mian palesaya i sinaa aitu nintuang mule' totolu' na madala na mian.

SISIKON NU TO RASUL-RASUL 21:20

Noko hongo sisik i Paulus aijo', aha iwi-iwi' nompuji'mo Tumpu. Lapas aijo' aha notatae hi Paulus, “Utusku Paulus! Kita utus tionyo monsumbu' saba' nomada-madalamo na to mia-mian Yahudi anu pinalesayamo hi Yesus. Aha iwi-iwi' aijo'mo, na to mia-mian anu saja'mo nombatuki atulan i Musa.

SISIKON NU TO RASUL-RASUL 4:4

Panyo to mia-mian anu nohongomo ajalan nu to rasul-rasul aijo', manjoo'mo na anu pinalesaya. Sahingga konjoo' nu aha nintuangmo sampe tinimbalimo kila-kila olima' na madala na mian.

2 KORINTUS 13:4

Memang tempo'nyo Ia sinalib, Ia madi'mo noko ala nombau apa-apaa, panyo uuka aiya Ia tinumuu'mo kalana kuasa nu Tumpu Allah. Kami suele madi' moko ala mombau apa-apaa i uno nu kantumuu'an mami mosa'angu' tiba i Kristus. Panyo de mongahopi komiu, kami suele mahosonmo hingga-hinggat tiba i Kristus kalana kuasa nu Tumpu.

2 KORINTUS 8:12

De komiu halala' na mombee' saba' nutalima nu Tumpu na anu obee' aijo' iyamo na anu daagi' hi belemiu, misa' pa' apaa na anu madi' hi belemiu.

2 KORINTUS 8:16

Tahahumo hondo na kami montalima kase hi Tumpu, kalana Ia nompotimbalimo i Titus nakekemo sumo kami da montulungi komiu!

EFESUS 1:4

Ma'isa pe'e dunia aiya pinotimbali, Tumpu nompile'imo kita kalana pinalesayamo hi Kristus ko kahanda' da kita timbalimo samata-mata iamo na tumpu-Nyo, ka' madi' ko ideknyo i ahop-Nyo. Kalana kalibosan nu Tumpu.

FILIPI 2:13

kalana Tumpu na mokalaja i uno nu butong miu da mompotimbali komiu halala' ka' moko ala momposanang kinyonyoa nu Tumpu.

1 TESALONIKA 4:7

Tumpu nolagamo kita misa' da kita tumuu' masala', panyo da kita tumuu' ihan momposanang kinyonyoa-Nyo.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.

ANU PINOTO'I HI YOHANES 7:9

Lapas aijo' aku nontoa mule', ka' nondin mian manjoo' hondo – madi' ko samian pe'e na moko ala molekeng konjoo'nyo. Aha to mia-mian anu lengkat mae i toto sa'angu' na bansa, tulunan, negara, ka' basa'. Aha nompusok juba' anu to pute-pute' ka' i lima nu aha paha-paha totoong na to panga-panga' nu kau' palem, mian da'isan haha aijo' tinuminjoo' nongahopi suhangan aijo', ka' mo'ahop hi Anak nu Domba aijo'.

TO MIA-MIAN KOPIAN 5:2

Opuji' na Tumpu kalana suludadu iwi-iwi' nu aha mian Israel mongka'oho'mo mahampate, ka' mian da'isan suele mongka'oho'mo mamba mahampate.

TO MIA-MIAN KOPIAN 5:9

Kona hi aha kapala nu suludadu nu aha Israel anu matangkas hondo na pangkatnyo anu sanang na kinyonyoanyo nompoita mamba mahampate talalo hondo ku angga'i. Opuji' na Tumpu!