MAZMUR 110:2 - KITAB NU TUMPU ALLA LELE MA'IMAI'

² Lengkat mae i Sion Tumpu mompodaka'mo kalaja'an nu beleyum; kuasaimo na aha anu monsampobali' beleyum!

MAZMUR 110:2 ပူးပေါင်းရင်းမြစ်များ

MAZMUR 72:8

Kalaja'annyo mompaka pintuangmo lengkat mae i ambai santoanyo toka-toka i ambai santoanyo mule', ko ewanyo lengkat mae i sasu kabete'an toka-toka i sasu kinsoban.

NOSABATMO 7:19

Tumpu nompoto'i hi Musa, “Pokaumo na i Harun mongala tokonnyo ka' opotadu mompatui iwi-iwi' na kaunyo to sepe-sepe' ka' to kola-kolam anu aiya i Mesir. Ueenyo timbalimo baso', ka' i songko-songko na lipu' ko baso'nyomo ka' mule' i toka-kas pongisian uee, ka' to gumba-gumbang batu.”

NOSABATMO 8:5

Tumpu notatae hi Musa, “Pokau na i Harun montangkakon tokonnyo mokiijo' i sasu nu to kau-kaunyo, to sepe-sepe' ka' hi to kola-kolam, da to baha-bahangkak lubat ka' monsongkohi tano' nu Mesir.”

YESAYA 2:3

aha iwi-iwi' motatae, “Imbo' da kita mokiita' mindako i ‘Bungkutnyo nu Tumpu,’ ilaigan nu Tumpu Israel. Laje na mongajan mae kita apaa na anu tionyo ahi' obaunto. Kita mombatukimo kajalanan-Nyo kalana ajalan nu Tumpu molengkat mae i Yerusalem, Ia motatae lengkat mae i Sion.”

YEREMIA 48:17

O, belemiu negara-negara anu mompaha ohani Moab anu nonsumbu'mo kamajuannyo, haangimo na ia! Taloakon, ‘Moab madi'mo daagi' balakuasa, kaholomatan tiba kahosonannyo imadi'anmo!’

YEHEZKIEL 19:14

Batang nu anggur aijo' kinaanmo nu apu anu nolele, panga'nyo tiba bua'nyo nopapumo ingko-ingkot. Panga'nyo tempo uuka aiya madi'mo nahoson, madi'mo timbali obau tokon nu kalaja'an. Aijo'mo na haang anu saja' opo uli-ulit na onyanyiakon nu aha mian.

YEHEZKIEL 47:1

Mo'ane aijo' nomboa mule' aku isabatan pinsoopan mokiijo' i Laigan nu Tumpu. Aku nontoamo uee mo ili lengkat mae akaong i aluk nu sabatan aijo' mamba isasu kabete'an, susumo suele Laigan nu Tumpu mongahopi sasu kabete'an. Uee aijo' mo ili lengkat mae akaong i aluk nu sabatan Laigan nu Tumpu bahagian salatan montulu sulapa'nyo sasu salatan nu mezbah.

MIKHA 4:2

aha iwi-iwi' motataemo, “Imbo' da kita mamba mindako mokiita' i puge'nyo nu Tumpu i Laigan nu Tumpu Israel! Ia nompogulu'mo hi kita apaa na anu tionyo ahi' obaunto. Kita mombatukimo pangajalan-Nyo kalana pangajalan nu Tumpu lengkat mae i Yerusalem; kiita mae i Sion Ia notataemo hi mian-Nyo anu palesayamo.”

MIKHA 7:14

O, Tumpu ojagaiakon mae na mian anu palesayamo hi Belento, mian anu pinile'anmo nu Belento. Aha nosi tademo na jinojoong i uno nu alas anu ewa hondo i daerah nu tano' anu ma'omuk. Bisa-bisa aha mohumpak anu okaan i padang hemput kiijo' mae i Basan ka' mule' kiijo' mae i Gilead susumo tempo'nyo naipuan mae.

ROMA 1:16

Ku palesaya hondo na Lele Ma'ima' aijo', kalana lele aijo' kahosonan nu Tumpu momposalamat iwi-iwi' na mian palesaya; momonanyo hi mian Yahudi, ka' bansa suele sangga'at.

1 TESALONIKA 2:13

Daagi' mule' ko sa'angu' na han anu sangga'at, anu mombau kami saja' montalima kase hi Tumpu. Han aijo' aitumo, saaba' tempo'nyo kami nompotokakon lele lengkat mae hi Tumpu Allah toka hi komiu, komiu nohongomo ka' montalimamo lele aijo' misa' sumo lele lengkat hi mian, panyo sumo lele anu totu-totu'u lengkat mae hi Tumpu. Iamo na anu mokalaja i uno nu butong miu anu pinalesayamo hi Kristus.

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.