MAZMUR 11:1 - KITAB NU TUMPU ALLA LELE MA'IMAI'

¹ Anu mihohung panyanyi. Mazmur i Daud. Aku minsondo' hi Tumpu; madi' kogunanyo na motatae hi belengku, “Posalamat na butong nu beleyum susumo tomonsi' anu lumap mokiita' i bungkutnyo.

MAZMUR 11:1 ပူးပေါင်းရင်းမြစ်များ

2 TAWARIKH 14:11

Lantas i Asa binalado'amo hi Tumpu Allah-nyo, “O Tumpu, olamo belento na timbali montulungi mian anu madi' mahoson mongewa anu mahoson. Tulungi mae na kami uuka aiya, O Tumpu Allah mami! Samata-mata olamo hi belento na patisehan mami, ka' hi sanggo nu Belento na kami nambamo mahampate mongewa gombuan nu suludadu anu manjoo' hondo aiya. O Tumpu belentomo na Tumpu Allah mami. Boli opobee' na butong nu Belento nu patundu'mo nu samian na manusia.”

2 TAWARIKH 16:8

Te kinolilimanmo na Sudan ka' Libia anu manjoo' hondo na suludadunyo ka' manjoo' na karetanyo anu bau pahampate ka' suludadunyo anu monsake'i ajahan? Panyo maumo sumo aijo' Tumpu nombee'i ka'untungan nahampate na belemiu nompatundu' aha, kalana beleyum samata-mata taha'iman hi Ia.

NEHEMIA 6:11

Panyo tinaamanku, “Aku aiya misa' mian anu mongka'oho' mopalai. Salaku mian anu madi' ko pangkatnyo i Laigan nu Tumpu madi' timbali minsoop, boli-boli aku silaka. Madi', aku madi' mongka'oho'!”

MAZMUR 16:1

Jagaiakon mae na aku, o Tumpu, kalana hi Belento-Mo na pihohunganku.

MAZMUR 25:2

O Tumpu-ngku, aku palesayamo hi Belento! Boli pojohok na aku opopo'ambang, ka' boli nu soso'oya'i nu anu monsampo bali' mae aku.

MAZMUR 31:14

Iyaya mae daagi'mo ko anu okabuhuk; ihongongkumo na anu monsampobali' mae aku lewa' basisik. Aha binasangaja'mo mongewamo mae aku, ka' binatanga'mo da mompateimo mae aku.

MAZMUR 56:11

Aku mompuji'mo Tumpu, kalana apaa na anu jinanji'Nyomo.

MAZMUR 7:1

Nyanyian i Daud humang hi Tumpu, kalana i Kus mian nu Benyamin ai-aijo'.

MAZMUR 7:2

O Tumpu-ngku, aku mihohung hi Belento; posalamat mae ka' polapas mae na aku hi iwi-iwi' na mian anu mololoi' mae aku.

MAZMUR 9:10

Tumpu aijo' tampat pinsendo'an nu mian anu sinakisamo, tampat pingkongan de kasusa'anmo.

AMSAL 6:5

Lapasakon na butong nu beleyum i so'o aijo' susumo tomonsi' kabai kijang anu nolapasmo hi topo bebas.

YEREMIA 48:14

Mosia na to momo'ane nu aha Moab daagi' motatae, ‘Kami talenga', suludadu anu baani' anu inguji'mo i uno nu pahampatean?’

LUKAS 13:31

I sinaa aitu mule', daagi' ko to pia-piangkuka na mian nu Farisi tinoka hi Yesus ka' notatae, “Boli jojoong i aiya! Lako'mo i tampat sangga'at, kalana i Herodes moniatmo mompatei Beleyum.”

1 SAMUEL 19:11

Pihi-pihi aijo' i Saul nonsaimo mian tinopia-piangkuka namba hi laigan i Daud mondoyoni da opateimo daagi subu. Panyo i Mikhal bengkele'nyo nompoto'imo hi ia, “De beleyum madi' mopalai pihi uuka aiya, dodop subu-subu beleyum opateimo.”

1 SAMUEL 20:38

Palia-lia' sangkiding, boli tongo!” Anak aijo' nontolukmo hihis aijo' ka' po ule'mo ninsusule' hi tuannyo.

1 SAMUEL 22:3

Lengkat iliang aijo' i Daud nambamo i Mizpa kiijo' mae i Moab, ka' nompoto'imo hi tomundo' nu aha lipu' Moab, “De timbali da tuuma tiba tinangku aiya jojoong pe'e hi belento Tuanku, sampe saidi' mae kusumbu' pa' mosia na koonyo nu Tumpu Allah hi belengku.”

1 SAMUEL 23:14

Lapas aijo' i Daud jonojoongmo i liang nu bungkutnyo anu lewa' panisulukan kiijo' mae i padang anu mapeges anu kiijo' i Zif. Ia saja'mo nu loloi' i Saul, panyo madi' nu bee' nu Tumpu hi tomundo' aijo'.

1 SAMUEL 27:1

I Daud binapikinmo i uno nu kinyonyoanyo, “Maumo pa' mosiamo, memang i sinaa sangga'at aku tionyo ahi' nu pateimo i Saul. Jadi madi'mo ko jalan sangga'at na ku ala, ola ahi' mopalaimo mamba i lipu' nu aha mian Filistin.”