MAZMUR 109:5 - KITAB NU TUMPU ALLA LELE MA'IMAI'

⁵ Kanononganku nubalosakon mae nu aha nu palabuatan anu ma'idek, ka' kalibosanku nubalosakon mae nu aha nu han mongka'ideki mae aku.

MAZMUR 109:5 ပူးပေါင်းရင်းမြစ်များ

KAJADIAN 44:4

Aha ma'isa majo'on lengkat i kota aijo', tempo'nyo aijo' i Yusuf notataemo hi kapala nu anu mongulus laigannyo, “Lia-lia' loloi' na mian haha kiijo'. De osampamo, taloakon hi aha, 'Kadaka' komiu nombalosimo ka'ima'an nu ka'idekan?

2 SAMUEL 15:12

Lantas hau-haunyo i Absalom nonsombahkonmo koloban ia mule' ahi' nonsaimo mian namba i kota' Gilo da molaga mae i Ahitofel, sala'samian anu lewa' mompokinde'i Tomundo' Daud. Sumo aijo' na kasangaja'an anu ma'idek hi Tomundo' lebemo nompaka pahoson ka' nompaka panjoo'mo na anu mombatuki i Absalom.

2 SAMUEL 15:31

Salatan pinoto'imo hi Daud na i Ahitofel suele naninggalumo ka' nosangaja'mo hi Absalom, i Daud binalado'amo sumo uuka, “O Tumpu de timbali da pokinde' i Ahitofel boli mingkaliangan!”

MAZMUR 38:20

To mia-mian anu mongewa mae aku da'isan ka' to hoso-hoson, aha mongka'ideki mae jalan nu kantumuu'anku.

AMSAL 17:13

Ihe na mombalosi ka'ima'an nu palabuatan anu ma'idek; ka'idekan suele madi' opoko ala osabatakon lengkat ilaigannyo.

YEREMIA 18:20

Pa' pantas na palabuatan anu ma'ima' obalosakon nu palabuatan anu ma'idek? Panyo aha nongkekemo bolo' da aku manabu' i unonyo. Inau'akon mae kalana aku nontinjohimo aha i ahop nu Belento, da Belento bolimo montambuha'i aha.

LUKAS 6:16

i Yudas anak i Yakobus ka' i Yudas Iskariot anu saidi' mae tinimbali anu palangues.

YOHANES 13:18

Apaa na anu Kutaloakon aiya misa' mongkona komiu iwi-iwi'. Kusumbu' ihe-he na anu pinile'an-Kumo. Panyo apaa na anu tinulismo i uno nu Kitab nu Tumpu tionyo timbali, aijo'mo, ‘Mian anu mongkaan hingga-hinggat tiba Aku na saidi' mae mongewa Aku.’

1 SAMUEL 19:5

Ia nombatoni'akonmo nyawanyo tempo'nyo ia kahanda'mo mompatei i Goliat ka' Tumpu nombee'mo ka untungan nahampate anu daka' hondo hi Israel kalana ia. Belento Tuumangku nontoamo apaa na anu jinadimo aijo', ka' belento Tuumangku binilahimo tempo'nyo aitu. Jadi kadaka' uuka aiya belento Tuumangku kahanda'mo mongkabisa'i mian nau madi' kosala'nyo, ka' kahanda'mo mompatei i Daud anu madi' kosala'nyo apa-apaa?”