MAZMUR 109:28 - KITAB NU TUMPU ALLA LELE MA'IMAI'

²⁸ Mau mule' aha mongkutuki mae aku, o' amalakon da Belento mombalakati mae aku. Mau mule' aha mongewa mae aku, aha saidi' mae opopo ambangje; panyo o' amalakon, aku posaihon nu Belento, mohumpak kalame'an.

MAZMUR 109:28 ပူးပေါင်းရင်းမြစ်များ

MAZMUR 109:17

Ia sanang hondo na mongkutuki; bakas da ia nukona nu kutuk! Ia madi' sanang na mombalakati, Bakas da ia madi' mohumpak balakat!

AMSAL 26:2

Susumo tomonsi' lumahap, ka' ko laha-lahap aita ilanga sumo aitu mule' pongkutuki madi' nu kona na mian anu madi' ko sala'nyo.

NOMBILANGMO 22:12

Tumpu Allah notataemo hi Bileam, “Boli mamba tiba mian haha aijo' ka' boli mongkutuki bansa aijo', kalana aha binalakatan-Kumo.”

NOMBILANGMO 23:20

Aku sinai mae da mombalakati; ka' de Tumpu Allah mombalakatimo, madi'mo po'ule' Nu babali'i.

NOMBILANGMO 23:23

Madi' ko ajimat anu mongkona i Yakub madi' ko to boli-bolian anu moko ala mombau apa-apaa hi Israel. Mongkona bansa aijo' mian notatae, ‘Toa na hahan anu okabangangi anu binaumo nu Tumpu Allah!’

YOHANES 16:22

Sumo aitu mule' na komiu: Uuka komiu susa' na kinyonyoa, panyo Aku singkabotje mule' tiba komiu, sahingga kinyonyoaum po'ule'je lame'; ka' madi' ko samian pe'e na moko ala kalame'an aijo' i kinyonyoaum.

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.