MAZMUR 109:23 - KITAB NU TUMPU ALLA LELE MA'IMAI'

²³ Aku kinoboli' nolapusmo susumo, lolung de malomo, aku kinokabahakonmo susumo kihi-kihi'.

MAZMUR 109:23 ပူးပေါင်းရင်းမြစ်များ

1 TAWARIKH 29:15

Osumbu' nu Belento o Tumpu, saba' susumo to aha-aha mompolee' mami, kami suele monjalani kantumuu'an aiya salaku mian anu tinokaje mae kabai mian anu lengkat mae i salipu'an. Kantumuu'an mami ola sumo loolung motulu, ka' kami madi' moko ala monggoliliakon da madi' silaka.

AYUB 14:2

Ia minsumpe lantas mangkalualemo susumo bunga-bunga; susumo lolung monti-montiik madi'mo otoa.

MAZMUR 102:12

Kantumuu'anku ola sinaimpotulu sumomo lolung salatan malomo; aku nangkalualemo sumomo hemput.

MAZMUR 144:4

Mian aijo' ola susumo mombun saimpotulu, susumo lolung motulu, sumomo aijo' na kantumuu'annyo.

NOSABATMO 10:13

I Musa nohangkatmo tokonnyo, ka' Tumpu nompotimbalimo mombun lengkat i kabete'an aijo'mo na nonsongkohi lipu' aijo' toka sansina-sinaa ka' sampahu-pahu. De subu-subumo mombun aijo' mompuhakonmo mae kihi-kihi' haha aijo'

NOSABATMO 10:19

Sahingga binali'anmo nu Tumpu na jalan nu mombun nu kinsoban anu makansang hondo. Kihi-kihi' haha aijo' pinuuhakonmo nu mombun ka' binoanyomo nokiijo' i Ambai Gelagah. Sa'angu' pe'e madi' ko anu tinontuha' i songko-songko na tano' nu Mesir.

ANU MOMPOLELE POTATAE NU TUMPU 6:12

Mosia na mian timbali monsumbu' apaa na anu lebe ma'ima' hi ia i uno nu kantumuu'annyo anu madi' umun ka' madi' ko gunanyo, ka' motulu ola susumo lolung? Mosia na mian timbali mangalati' apaa na anu jadi saidi mae i dunia aiya de ia silakamo?

ANU MOMPOLELE POTATAE NU TUMPU 8:13

Panyo mule' ahi' mian anu ma'idek na palabuatannyo mohumpak kasusa'an. Kantumuu'annyo malia-lia' hondo madi' otoa susumo lolung. Ia de silakamo umunnyo ma'isa langkai' kabai bengkele'; kalana ia madi' tulu-tulutan hi Tumpunyo.

YAKOBUS 4:14

Apaa na anu timbali i kantumuu'an nu belemiu dodop, posi komiu pe'e madi' monsumbu'! Komiu ola sumo tibuk ola sasaingoni' na kantoan, lapas mae lanyapmo.