MAZMUR 109:20 - KITAB NU TUMPU ALLA LELE MA'IMAI'

²⁰ O, Tumpu nabu'akonmo na hukuman aijo' hi mian anu montutuk mae aku, hi aha anu motatae mae ma'idek hi belengku.

MAZMUR 109:20 ပူးပေါင်းရင်းမြစ်များ

2 SAMUEL 17:23

Salatan sinumbu'mo i Ahitofel taalu' pokinde'nyo madi' tinulutan pinokonanyomo na bau kasake'an i keledainyo ka' ninsusule'mo i kota'nyo. Noko baunyo na kalajanyo iwi-iwi' ia ninoo'mo naningkalayo' lantas ilamunmo itampat polamunan aha sa'anakan.

2 SAMUEL 18:32

Pinokilawamo i tomundo', “Pa' i Absalom olitau aijo' daagi ahi' tutuu'?” Lantas tinaamanmo nu posaihon aijo', “Paya' iwi-iwi' na anu monsampo bali' belento Tomundo' ka' iwi-iwi' na mian anu saja' moto muhut mombau anu ma'idek hi belento Tomundo' tinokanmo nu ukun pokakanamo susumo olitau aijo'.”

1 TOMU-TOMUNDO' 2:44

Nusumbu' totu-totu'u na ka'idekan nu beleyum iwi-iwi' hi tuumangku. Kalana aijo', Tumpu mohukummo beleyum,

MAZMUR 110:1

Mazmur i Daud. Tumpu nompoto'imo hi tuanku, “Suhangmo i sasu koanan-Ku, sangkut aha anu monsampobali' beleyum Ku popatundu'mo hi beleyum.”

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

MAZMUR 71:10

kalana iwi-iwi' na anu monsampobali' mae aku mombisalakonmo aku, to mia-mian anu kahanda'mo monsilakai mae aku nosa'angu'mo.

MAZMUR 94:23

Ia mohukumo mian anu ma'idek na kinyonyoanyo sitimbang tiba palabuatan ma'idek anu binaunyomo, ka' mompomomo'mo nganga' nu aha kalana dosa' nu aha. Tumpunto mompomomo'mo nganga' nu aha.

MATIUS 11:19

Sinaa aiya Anak nu Mian toka – Ia mongkaan ka' monginum; ka' aitu to mia-mian motatae, ‘Toa na mian aijo'! Majoko', saja' malangu, sangalu nu anu saja' montage hasin, ka' sangalu nu mian anu baladosa'.’ Mau mule' sumo aijo', kapandean nu Tumpu otoa i kasawe'annyo mae.”

MATIUS 12:24

Salatan to mia-mian Farisi nohongomo aijo', aha nontaami, “Mian aiya timbali molaa' roh anu ma'idek, kalana i Beelzebul kapala nu to roh-roh ma'idek, nombee'mo kuasa aijo' hi aha.”

MARKUS 9:39

Panyo i Yesus notatae, “Boli montewa' ia, kalana madi' ko samian pe'e moko ala mombau anu okabangangi mompake sanggong-Ku, ka' lamba-lamba montawasi Aku.

LUKAS 19:27

Ka' uuka boamo mae na sampo bali'ku haha atina' anu madi' mongka'oho' aku timbali tomundo'nyo. Pateimo na aha iwi-iwi' aiya i ahopku!’ ”

1 KORINTUS 12:3

Tionyo ahi' osumbu' miu saba' mian anu nu kuasaimo nu Roh nu Tumpu madi' moko ala motatae, “Kinutukan na i Yesus!” Sumo aitu mule' madi' ko samian pe'e moko ala montaloakon, “I Yesus Tumpu!” de mian aijo' madi' nu kuasai nu Roh nu Tumpu Allah.

2 TIMOTIUS 4:14

I Aleksander, tukang tutuk tambaga aijo' nombaumo hahan anu ma'idek hondo hi belengku. Tumpuje na mombalosi ia sitimbang tiba apaa na anu binaunyomo.