MAZMUR 109:2 - KITAB NU TUMPU ALLA LELE MA'IMAI'

² Kalana aku tinumbuhanmo mae nu mian anu toto ide-idek na kinyonyoanyo ka' anu saja' mongakali anu lewa' mombebakon sisi-sisik anu madi' totu'u mongkona aku.

MAZMUR 109:2 ပူးပေါင်းရင်းမြစ်များ

KAJADIAN 40:15

Kalana, aku sabenannyo naipuan mae i hakop ka' pinalaihakon lengkat mae i lipu' nu mian Ibrani ka' suele mule' i aiya, aiya i Mesir madi' toho' aku nombau anu ma'idek padahan pinosoopmo i uno nu talungku'.”

2 SAMUEL 17:1

Lapas aijo' madi' pinin notatae mule' na i Ahitofel hi Absalom, “Pobee' mae na aku mompile'i aha 12.000 na mian. Da saidi de malomo aku mambamo mololoi'i Daud.

MAZMUR 140:3

Aha ko tanga'an anu ma'idek i uno nu kinyonyoa nu aha, ka' sansina-sinaa saja' monsaduakon painggagah.

MAZMUR 31:13

Aku kinolilimanmo susumo mian anu sinilakamo, ka' mule' tinimbalimo susumo balang anu ingalinmo.

MAZMUR 31:18

Boli opojohok mae na aku mohumpak ambang, o Tumpu, kalana aku nongkakasemo hi Belento. Pojohok na mian anu ma'idek na palabuatannyo opopo ambang, ka' hoko-hokot aha mintatau'mo idunia nu mian anu sinilakamo.

MAZMUR 52:4

Sansina-sinaa beleyum mongakali ka' saja' montanga'i mombau anu ma'idek; jila' nu beleyum sumomo ahi' piso' pongkis ubak anu matajom hondo.

AMSAL 12:19

Baleko' ola sangkinihap nu sumbu'mo nu mian; panyo potatae anu totu'u tataap sampe toka sidu-sidutu'.

AMSAL 15:28

Mian anu manonong nu tutugi pe'e ahi' na anu nu taeakon; panyo mian anu ma'idek na kinyonyoanyo montaeakon hahan anu ma'idek.

YEREMIA 9:3

ka' saja' balaniat da baleko'. Isongko-songko na lipu' palabuatan anu totu'u madi'mo balakuasa, pakalaus kinyonyoa anu madi'mo hodi' jinadimo iyaya mae. Tumpu notatae, “Mian anu palesayamo hi beleng-Ku nombaumo palabuatan anu ma'idek madi'mo kinokabelentiannyo, aha madi'mo nongakui Aku salaku Tumpu Allah nu aha.”

YEREMIA 9:5

Iwi-iwi' mompaha aka-akalimo madi'mo ko anu motatae sahondo-hondonyo. Nganga' nu aha kinobisa'nyomo nu baleko' madi'mo nu poko pala'i nu aha na dosa' nu aha. Buhingison nompaka buhingisonmo mongakali nompaka pongakalimo sabole-bolemo saja nu bau nu aha aha madi'mo hondo-hondo montalima Tumpu.

SISIKON NU TO RASUL-RASUL 6:13

Ka' aha nompopangadap mule' to saki-sakisi anu mombee'i to kata-katalangan anu madi' totu'u mongkona i Stefanus. To saki-sakisi aijo' notatae, “Mian aiya saja' mompopo'ise' Laigan nu Tumpu anu susi' ka' mompopo'ise' to pale-palentah nu Tumpu anu pinotokakonmo i Musa.