MAZMUR 109:13 - KITAB NU TUMPU ALLA LELE MA'IMAI'

¹³ Bakas da iwi-iwi' na lee'nyo opateimo, ka' sanggonyo nu kolilimimo nu tulunan anu aiya mae i ahop.

MAZMUR 109:13 ပူးပေါင်းရင်းမြစ်များ

1 TOMU-TOMUNDO' 16:11

Madi' pinin salatan i Zimri tinimbalimo tomundo' pinateannyomo iwi-iwi' na aha salaigan i Tomundo' Baesa. Ka' mule' anak nu utus i Baesa iwi-iwi' anu to momo'ane ka' mule' to sanga-sangalu nu aha sa'anakan mae, madi' daagi' ko anu pinotumuu'.

AYUB 18:17

Ia madi'mo sinumbu-sumbu' i unonyo kabai i sambiha' nu kota'; mau pe' samian madi'mo ko anu nonsumbu-sumbu' sanggonyo.

AYUB 18:19

Ia madi'mo ko lee' ka' anak; i kampung kinahampeannyo mau samian madi'mo kino tuha'nyo.

MAZMUR 21:10

Ia toka mae sumo apu anu moakmo kahanda'mo mompatei aha. Tinambuha'anmo nu Tumpu na aha kalana aitu aha ohopu'imo, ka' nuangotimu nu apu.

MAZMUR 21:11

Lee' mae nu aha madi'mo ko anu tontuha' nupateimo i tomundo' na aha iwi-iwi'.

MAZMUR 37:28

Kalana Tumpu na mongka'ima'i ahi' palabuatan anu ma'ima' ka' adin, mian anu tulu-tulutan hi Ia madi' ola Nu pojohok tumuu' susa'. Ia monjagai aha sampe toka sidu-sidutu', panyo lee' nu mian anu ma'idek na kinyonyoanyo na opateimo ahi'.

AMSAL 10:7

Saja' o inau' na mian anu manonong, aijo' salakumo sa'angu' na balakat; panyo mian anu ma'idek na kinyonyoanyo malia' hondo okolilimi.

YEREMIA 22:30

“Mian aijo' tinantukanmo nu Tumpu madi'mo ko to ana-anaknyo ka' saja' madi' mingkaliangan i uno nu kantumuu'annyo. Sadangkan lee'nyo suele madi'mo daagi' ko anu mingkaliangan na mompalentah i Yehuda salaku tomundo' lee' mae i Daud. Aku, Tumpu notataemo.”

NOMBILANGMO 27:4

Panyo kadaka' madi'mo ko sanggonyo hi bansa Israel ugaat kalana ia madi' ko lee' anak mo'ane? Bee'i mae na kami tano' pusaka' hingga-hinggat tiba to utu-utus nu tuuma mami.”

PO'ULE' INGULIT 25:19

Mokonyo aijo' de Tumpu Allah nu belemiu mombee'mo lipu' aijo' hi belemiu ka' iwi-iwi' na sampobali' nu belemiu anu kiijo' mae montikubi belemiu madi'mo mompoposia belemiu iwi-iwi' na mian nu Amalek aijo' tionyo ahi' opatei miu sahingga aha madi'mo lewa' o inau'. Boli okolilimi!”

PO'ULE' INGULIT 29:20

Tumpu madi' mongampuni mian anu susumo aijo'. Panyo ola ahi' mohumpakmo tambuha' nu Tumpu anu taha-tahahumo, ka' iwi-iwi' na balaa' anu tinulismo i kitab aiya mongkonamo ia, sahingga ia nupateimo nu Tumpu.

PO'ULE' INGULIT 9:14

Boli soba-soba mongewa Aku. Ku silakaimo na aha, sahingga aha madi'mo daagi' o'inau'. Panyo beleyum Ku potimbalimo Tuuma nu sa'angu' na bansa anu lebe da'isan ka' lebe mahoson molingkudui aha.’

1 SAMUEL 3:13

Pinoto'ing-Kumo hi aha tukoong-Ku aha salaigan saidi' mae Ku hukumje sampe toka sidu-sidutu' kalana to ana-anaknyo nongambangimo Aku. I Eli nonsumbu'mo dosa' nu aha haha aijo' panyo ia madi' montambuha'i aha.