MAZMUR 108:6 - KITAB NU TUMPU ALLA LELE MA'IMAI'

⁶ O, Tumpu, potoa mae na katalasanggoan nu-Belento aita' mae i langit, ka' kadaka'an nu sanggo nu-Belento i songko-songko na dunia.

MAZMUR 108:6 ပူးပေါင်းရင်းမြစ်များ

2 SAMUEL 12:25

Tumpu mongkalibosi anak aijo' ka' nonsaimo i Nabi Natan da mamba monsanggohi anak aijo' i Yedija, kalana Tumpu mongkalibosi ia.

1 TOMU-TOMUNDO' 18:24

Nabi nu Baal haha aijo' balado'a hi pilogot nu aha, ka' aku suele balado'aje hi Tumpu. Anu montudunakon mae apu salaku pontaaminyo. Aijo'mo na Tumpu Allah.” Iwi-iwi' na mian da'isan nontaamimo daka-daka' na potatae, koonyo nu aha, “Situju.”

1 TOMU-TOMUNDO' 18:26

Sahingga aha nompile'mo sa'angu' na sapi' lantas pinotoukamo nu aha. Lapas aijo' aha binalado'amo hi Baal nu aha, lengkat pe'e daagi' subu sangkutnyo tinoka sonsu'un na sinaa, ka' lewa' nolo-noloboo', “Taami mae na kami Baal!” Sumo aijo' na aha nombau ka'mule' lewa'mo nonsalelei montikubi mezbah nu aha. Panyo' madi' hondo-hondo ko anu nontaami mae.

1 TOMU-TOMUNDO' 18:29

Sumo aijo' na aha nombau ka' saja'mo pino'uli-ulit nu aha sampe sangkut malom sumomo mian anu sinoku'onmo nu setan. Panyo' madi' ko anu nontaami mae ka' madi' ko anu nompajuli mae.

MAZMUR 54:1

Anu mongkapalai panyanyi. Kinuti'akon kasapi'. Nyanyian pangajalan i Daud,

MAZMUR 57:6

O, Tumpu, potoa mae na katalasanggoan nu Belento aita' i langit, ka' katalasanggoan nu Belento suele i songko-songko na dunia.

NOSABATMO 15:6

O Tumpu, kahosonan nu Belento talalo hondo okabangangi, binaumo nu Belento na anu monsampobali' nosungke-sungkehetmo.

YESAYA 65:24

Ma'isa pe'e aha mongkakase mae, Ku taamimo na aha, ma'isa pe'e aha lapas na balado'a, Ku talimamo na do'a nu aha.

YEREMIA 33:3

“Poloboo'mo mae hi Belengku da Ku taamije; Ku poto'ije hi beleyum hahan anu handa hondo ka' anu okahelani hondo ka' ma'isa nu sumbu' nu beleyum.

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

MATIUS 3:17

Lapas aitu hongomo na potatae nu Tumpu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku.”

ROMA 1:7

Mokonyo aijo' aku nontulis toka hi komiu. O' amalakon da Tumpu Tuumanto ka' i Tumpu Yesus Kristus mombee'i balakat kopi-kopian hi komiu.

EFESUS 1:6

Puji' na Tumpu anu talalo talasanggo kalana palesaya hi Anak-Nyo anu nu nukanonongi hondo, Ia suele nongkalibosimo hondo kita.

PO'ULE' INGULIT 33:12

Mongkona tulunan i Benyamin, ia notatae: “Aiyamo na tulunan nu bansa anu nukalibosi nu Tumpu. Ia monjagai aha pihi ka' malom ka' jinojoongmo hi aha.”

KOLOSE 3:12

Kita Utus mian anu palesayamo hi Tumpu. Tumpu nongkalibosimo komiu ka' nompile'imo da timbali iamo samata-mata na tumpu-Nyo. Mokonyo aijo' komiu tionyo ahi' mompotoa kalibosan, komiu tionyo ahi' manonong, boli kobubuun, motatae madi' ko pesa-pesa, ka' sabaan na mongoa'i sansala.