MAZMUR 107:7 - KITAB NU TUMPU ALLA LELE MA'IMAI'

⁷ Ia nolaya'mo aha da nontulumo jalan anu hodi' nambamo i kota' da bau kajojoongan.

MAZMUR 107:7 ပူးပေါင်းရင်းမြစ်များ

NEHEMIA 11:3

I kota-kota' sangga'at, mian da'isan nu Israel, to ima-imam, to mia-mian nu Lewi anu mokalaja i Laigan nu Tumpu, lantas lee' mae nu to posa-posaihon i Salomo jojoong i posi tano' nu aha ka' i to kota-kota' nu aha.

MAZMUR 107:36

To mia-mian anu mo'ohop pinojoong-Nyomo kiijo' mae, aha nombaumo kota' da bau kajojoongan nu aha.

MAZMUR 107:4

Daagi' ko anu lewa'mo namba momoya i tampat padang anu mateges, ka' madi'mo nonsumbu' jalan mamba i kota' da bau kajojoongan.

MAZMUR 136:16

I laya'-Nyomo na mian anu pinalesayamo hi Ia notulu i tampat padang anu mateges; kalibosannyo sampe toka sidu-sidutu'.

MAZMUR 77:20

Belento i lumajangmo nontulu bokon, i lumajang i ndalangon, panyo lawo nu Belento madi' tinoa-toa.

MAZMUR 78:52

Lantas i laya'nyomo na mian anu palesayamo hi ia susumo sanggombu na domba, ka' nolaya'mo notulu tampat padang anu mateges.

YESAYA 30:21

De belemiu madi'mo montulu ijalan anu memang ahi' ojalani, aitu mae ihiku nu belemiu ohongomo na potatae-Nyo montaloakon, “Aiya ahi' mae na jalan; tuusakon na jalan aiya.”

YESAYA 32:18

Mian anu palesayamo hi Tumpu bebasmo ikasusa'an ka' tumuu'mo itampat anu madi' ko anu mompoposia ka' madi'mo ko anu mombau kahengge'an.

YESAYA 48:17

Koonyo nu Tumpu nu Israel anu susi' anu Momposalamatmo beleyum, “Akumo na Tumpu nu beleyum anu nompogulu'mo hi beleyum apaa na anu mingguna hi beleyum, ka' nompotiju'mo beeyum jalan anu tionyo ahi' otului.

YEREMIA 31:24

Mian jojoongmo i Yehuda ka' ikampungnyo anu toto ise-ise'. Ikiijo' mae ko anumo mongale' ka' mompotuu' sapi' tiba domba.

YEREMIA 31:9

Aha lumajang humang Ku hase' ka' mule' Ku laya' na aha. Ku boa na aha montulu tampat-tampat anu manjoo' na ueenyo, montulu jalan daka' itampat nu aha lumajang aha madi' tosumpun. Kona hi aha Israel Aku sumomo ahi' tuuma nu aha; i Efraim aijo'mo na anak-Ku momo'ane anu tumpenyo.”

YEREMIA 6:16

Tumpu notatae hi mian anu palesayamo hi Ia, “Tinjo' ipopanga'an-popanga'an nu jalan ka' palahatikan ima-ima'! Pokilawa na jalan anu naipuan mae, ka' iya na anu ma'ima'an hondo na jalan haha aijo'. Tuusakonmo na jalan aijo' da belemiu tumuu' madi' ko anu mompoposia.” Panyo aha notatae, “Madi', kami madi' mongka'oho' montuusakon jalan aijo'!”

NOMBILANGMO 9:22

De kundom aijo' daagi' mohohungi Kemah nu Tumpu, pa' uansinaa, sambitu'on, sataun kabai molabi, tempo'nyo aijo' aha tionyo ahi' jojoong i tampat aijo'. De kundom aijo' moliba'mo, atina'je ka' aha mambamo.

IBRANI 11:16

Panyo aha memang ahi' monginde'i sa'angu' na lipu' anu lebe ma'ima', aijo'mo lipu' anu kiita' i Suluga'. Aijo' na sababnyo Tumpu madi' ma'ambang de aha monsanggo Ia Tumpu nu aha, kalana Tumpu nomposadiamo sa'angu' na kota bau kajojoongan nu aha.

IBRANI 12:22

Panyo mule', komiu tinokamo i Bungkutnyo nu Sion, ka' kota' nu Tumpu anu tumuu', aijo'mo Yerusalem anu i suluga', anu ko malaikatnyo momada-madala na konjoo'nyo.

2 PETRUS 2:15

Kalana aha madi' mongka'oho' montuluti jalan anu hodi', sahingga aha tinalasmo. Aha nongalamo jalan anu tinuus i Bileam, anak i Beor naipuan mae. I Bileam aiya mongka'ima'i hondo da mohumpak doi i palabuatannyo anu ma'idek.

2 PETRUS 2:21

Lebe ma'ima' mian anu susumo aijo' madi' toho' nonsumbu' jalan anu totu'u lengkat mae hi Tumpu, da boli ola aha monsumbu' padahan lapas mae madi'mo mongka'oho' montuluti to pale-palentah anu binee'mo nu Tumpu hi aha.