MAZMUR 107:6 - KITAB NU TUMPU ALLA LELE MA'IMAI'

⁶ I uno nu kasusa'an aha nongkakasemo hi Tumpu, ka' Ia nompobebasmo aha da madi'mo mongoa'i kasansala'an.

MAZMUR 107:6 ပူးပေါင်းရင်းမြစ်များ

2 SAMUEL 22:7

I uno nu kasansala'anku aku notataemo hi Tumpu aku noloboo'mo hi Tumpu Allah-ngku momoita da otulungi mae. Kiita mae i Laigan-Nyo ihongo-Nyomo na potatengku ka' inginau'-Nyomo apaa na anu tinaeakonku.

MAZMUR 106:44

Panyo ihongomo mae nu Tumpu na aha nolobo', ia nonginau'mo kasusa'an nu aha.

MAZMUR 107:13

Aha i uno nu kasusa'an nomoitamo tulung hi Tumpu, ka' Ia nompobebasmo aha da madi'mo mongoa'i kasansala'an.

MAZMUR 107:19

I uno nu kasusa'an, aha nomoitamo tulung hi Tumpu, ka' Ia nompobebasmo aha da madi'mo mongoa'i sakisa.

MAZMUR 107:28

I uno nu kasusa'an aha nomoitamo tulung hi Tumpu, ka' Ia nompobebasmo aha da madi'mo mongoa'i sakisa.

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

HOSEA 5:15

Mian-Ku anu palesayamo Ku pala'imo sampe aha talalomo hondo sansala kalana iwi-iwi' na dosa'nu aha lantas aha molioje Aku. Ku gantang i unoje nu kasusa'an nu aha, aha pagalaje molio Aku.”

2 TIMOTIUS 3:11

Beleyum nontoamo aku kinabisa'anmo ka' aku sinansalamo. Beleyum nonsumbu'mo iwi-iwi' apaa na anu jinadimo hi butongku i Antiokhia, i Ikonium, ka' i Listra; ka' beleyum nonsumbu'mo iwi-iwi' anu ingoa'ankumo! Panyo Tumpu nomposalamatmo aku i han iwi-iwi' aijo'.