MAZMUR 107:14 - KITAB NU TUMPU ALLA LELE MA'IMAI'

¹⁴ Aha i uno nu pikat, sinabatakon-Nyomo, ka' nombotu'akonmo lante' besak anu pinompungu aha.

MAZMUR 107:14 ပူးပေါင်းရင်းမြစ်များ

AYUB 15:22

Ia madi'mo ko popalaiannyo da monggoliliakon kantumuu'an anu pinintungmo, kalana bajak anu mompatei nololoi'mo ia maumo pa' moya na ia.

AYUB 15:30

Madi'mo ko popalaiannyo na ia i kantumuu'annyo anu pintungmo hondo; apu montanggotimo iwi-iwi' na sumpenyo. Ia silakamo nu sawo nu Tumpu Allah.

AYUB 19:8

Tumpu Allah nongompomo jalanku, aku madi'mo moko ala motulu, kajalananku pinopikat-Nyomo.

AYUB 3:5

Potimbalimo na sinaa aijo' mo'itom totu-totu'u, pikat taha-tahahumo, madi'mo ko anu otoa-toa; saputmo nu kundom ka' mombun anu kahando'mo ujan pense'akon mae nu jingka anu majingka hondo.

AYUB 33:30

da manusia timbali nuposalamat nu Tumpu Allah ka' mombee'i kabilahian i uno nu kantumuu'annyo nu manusia.

AYUB 36:8

Panyo de mian opungumo nu lante' besak, ia mongoa'imo kasansala'an kalana sinaduakonmo nu anu binaunyomo,

MAZMUR 102:20

Tumpu aita' mae i tampatnyo anu matangkas montoa mae mo uuka, aita' mae i suluga', nu toa mae nu Tumpu na dunia

MAZMUR 107:10

Daagi' ko anu pinosoopmo i uno nu kapintungan, mian anu tinalungku'mo nongoa'imo kasansala'an kalana pinungumo nu lante' besak,

MAZMUR 116:16

Aku aiya posaihon nu – Belento, o, Tumpu, susumo tinangku, aku suele monsombah ahi' Belento. Belento nonsabatakonmo aku i uno nu talungku'.

MAZMUR 146:7

Ia na montinjohi hak nu to mia-mian anu pinosakisamo ka' mombee'i mongkaan mian anu no'ohopmo. Tumpu mompobebasmo to mia-mian anu tinalungku'mo,

MAZMUR 68:6

Tumpu anu jojoong i Laigan-Nyo anu susi' tuuma nu anak anu inguanonmo madi'mo ko tuumanyo ka' tinanyo, ka' anu saja' mompalahatikan to mia-mian binalumo.

YESAYA 42:16

Bansang-Ku anu napisokmo Ku taka'mo montulu jalan anu madi' nu sumbu' nu aha; aha Ku taka'mo montulu jalan anu madi' nu sumbu' nu aha. Kapintungan Ku potimbalimo da majingka hi aha, ka' jalan anu milebo-lebok Ku pohatamo. Aijo'mo na anu Ku bau hi aha, ka' memang ahi' Ku baumo.

YESAYA 49:9

Mian anu tinalungku'mo Ku palentahmo da mosabat; anu daagi' itampat anu pikat Ku boamo itampat anu majingka. Ka' mule' ipuge'nyo anu madi' ko anu montumuu'i, aha madi' kakulangan, tutus jalan daagi ko anu okaan.

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

LUKAS 13:16

Yo, uuka aiya daagi' ko samian na boune lee' i Abraham, anu sampulu'mo uwalu' na taun na kopinnyo pinungu nu Ibilis. Pa' madi' ia olapasakon kiijo' pungu-pungu na ia i sinaa nu Sabat?”

SISIKON NU TO RASUL-RASUL 5:19

Panyo pihi-pihi, samian na malaikat nu Tumpu nombuka'i iwi-iwi' na tumban nu talungku', lantas nomboa to rasul-rasul aijo' nosabat. Malaikat aijo' notatae hi to rasul-rasul haha aijo',

SISIKON NU TO RASUL-RASUL 5:25

Lapas aitu tinoka na samian na mo'ane nomboa mae lele aijo', “Hongo! To mia-mian anu pinosoop nu Tuan-tuan i talungku' aijo', uuka aiya hau-haunyo mongajan mian da'isan i Laigan nu Tumpu!”

EFESUS 5:8

Komiu pe'e naipuan mae daagi' i uno nu pintung. Uuka komiu tinimbalimo mian anu palesayamo hi Tumpu, jadi komiu i unomo nu jingka. Mokonyo aijo' komiu tumuu'mo ahi' i uno nu jingka.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.