MAZMUR 106:23 - KITAB NU TUMPU ALLA LELE MA'IMAI'

²³ Sahingga Tumpu kinoniatmo da opateimo na mian anu palesayamo hi Ia, panyo tinewa'mo i Musa mian anu pinile'an-Nyomo aijo'. I Musa na nombisalai aha poti-potimbiha', sahingga Tumpu madi'mo pinusa.

MAZMUR 106:23 ပူးပေါင်းရင်းမြစ်များ

AYUB 35:8

Ola bubu'mo belemiu na monta'up kalugi'an kalana nusaduakon nu dosa' nu beleyum haha atina'. Ia mule' ahi' suele na mohumpak ka'untungan kalana ka'ima'an nu kalakuan nu beleyum.

MAZMUR 105:26

Lantas Ia nonsaimo i Musa posaihonnyo, ka' i Harun mian anu pinile'an-Nyomo.

NOSABATMO 32:32

Sana-sanang pe'e mae na mongampuni dosa' nu aha; de madi', yo alinimo na sanggongku i kitab nu to mia-mian anu tumuu'?”

YEREMIA 5:1

O mian anu jojoong i Yerusalem, tuusakon na jalan-jalan anu atina' ikota' nu belemiu! Lio iyaya mae ka' posi sakisimo. Soba palesa itampat-tampat anu loas na popasannyo atina' ikota' pa' daagi' ko anu hodi' na kinyonyoanyo anu bala usaha tulu-tulutan hi Tumpu Allah. De daagi' na nu ampuni ahi' nu Tumpu na Yerusalem.

YEHEZKIEL 13:5

Aha madi' monjagai tampat-tampat anu nohobo'mo na pagan mesen ka' mule' madi' mompokopiani pagan mesen haha aijo'. Jadi, Israel madi'mo daagi' moko ala totahan de tokamo na pahampatean isinaa nu Aku, Tumpu tokamo mae mohukum.

YEHEZKIEL 20:8

Panyo aha madi' montuluti Aku ka' madi' mongka'oho' mohongo Aku. Aha madi' mongka'oho' mongalin iwi-iwi na patong nu aha anu okahegati aijo' ka' mule' madi' ahi mongka'oho' belenti na monsombah pilogot haha aijo' anu lengkat mae i Mesir. Tempo'nyo aha daagi' kiijo' mae, Aku sabenannyo mompotudunmo ahi' tambuha'-Ku hi aha.

YEHEZKIEL 22:30

Aijo' hi aha mian nu Israel haha aijo' Ku lio na mian anu timbali mompotinjo pagan mesen kabai tuminjo itampat-tampat anu ko anumo nohobo' na pagan nyo mesen da timbali montinjohakon lipu' aijo' de aku mohansunimo kalana Aku talalomo notambuha'; panyo mau samian madi' ahi' ko anu kinabot-Ku.

NOMBILANGMO 16:5

Lantas ia notataemo hi Korah ka' anu monsangaja'imo ia, “Dodop daagi' subu Tumpu mompotoamo hi kita ihe na anu jinadimo anu-Nyo ka' ihe na anu samata-mata mombau kapalaluan-Nyo. Mian anu pinile'an-Nyomo atina' na anu nupobee' mongohani Ia.

MATIUS 12:18

“Aiyamo na anu pinile'an-Ku anu sinaing-Kumo, mian anu Ku kalibosi ka' anu kona i kinyonyoang-Ku. Roh-Ku, Kubee'je hi Ia, ka' ka'adilan-Ku Nu leleakonje hi to bansa-bansa.

YOHANES 15:16

Misa' komiu na nompile'i Aku. Aku na nompile'i komiu, ka' nompokau komiu mamba da mimbua' mahampe – bua-bua' anu madi' ko kapa'idekannyo. Sahingga nubee'je i Tuuma hi komiu mau mule' apaa na anu opoita miu hi Ia de mompake sanggong-Ku.

YOHANES 15:19

De komiu dunia na tumpunyo, komiu nukalibosi nu dunia, kalana ia na tumpunyo. Panyo Aku nompile'imo komiu lengkat i dunia aiya, sahingga komiu misa'mo anu nu dunia. Mokonyo aitu dunia mongka'ideki komiu.

PO'ULE' INGULIT 10:10

“Pinatompulu' na sinaa ka' pinatompulu' na pihi na aku jinojoong aita' i bungkutnyo susumo anu binaungkumo uuka mae momona. Daagi' ininsan na Tumpu nohongo aku ka' Ia sinetujumo madi' monsilakai belemiu.

PO'ULE' INGULIT 9:19

Ku kabuhuk na tambuha' nu Tumpu anu tala-talalomo hondo hi belemiu sahingga belemiu kahanda'mo sinilakan-Nyo, panyo uuka aiya Tumpu daagi' nohongo aku.

PO'ULE' INGULIT 9:25

Ku sumbu' na Tumpu kahanda'mo mompagala monsilakai belemiu. Sahingga kopinnyo pinatompulu' na sinaa ka' pinatompulu' na pihi, na aku dinumaladupu i ahop nu Tumpu

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.