MAZMUR 106:21 - KITAB NU TUMPU ALLA LELE MA'IMAI'

²¹ Aha nongkolilimimo Tumpu anu nomposalamatmo aha, anu nombaumo hahan anu daka' hondo tempo'nyo kiijo' mae i Mesir.

MAZMUR 106:21 ပူးပေါင်းရင်းမြစ်များ

MAZMUR 106:13

Panyo aha sampa hondo mongkolilimi apaa na anu binaumo nu Tumpu ka' nombau apa-apaa madi'mo pilenje momoita pokinde' anu lengkat mae hi Ia.

MAZMUR 135:9

Kiijo' mae Ia nombaumo manjoo' na anu okabangangi ka' tanda bau pohukum tomundo' ka' iwi-iwi' na pagawe-Nyo.

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 17:10

O, Israel beleyum nongkolilimo Tumpu anu nomposalamatmo ka' nonjagaimo beleyum susumo bungkutnyo nu batu anu mahoson hondo. Panyo ola mule' ahi' beleyum nonsu'anino ale' anu osombahkon hi pilogot.

YESAYA 45:21

Kalak mae na palakala nu beleyum ka' poto'i mae na bukuti'nyo iwi-iwi', sampamo ahi' na aha basale' hingga-hinggat. Ihe na nompolelemo han aijo' ka' nompoto'imo salatanmo pe'e naipuan mae? Temisa' Aku ahi', na Tumpu? Madi' ko tumpu sangga'at, olanyomo ahi' Aku. Akumo na Tumpu anu adin ka' anu Momposalamat, madi'mo daagi' kosangga'atannyo, olanyomo ahi' Aku!

YESAYA 63:8

Tumpu notatae, “Memang aha aijo' mian anu palesayamo hi beleng-Ku to ana-anak anu madi' monsusa'i mae.” Sahingga Ia tinimbalimo anu Nomposalamatmo aha,

YEREMIA 2:32

Pa' daagi' kolangkoyang anu bisa mongkolilimi palahiasannyo, kabai pa' daagi' ko boting boune anu bisa mongkolilimi baju'nyo nu boting? Panyo belemiu pininmo hondo na nongkolilimi mae Aku – salatanmo pe'e naipuan mae anu madi'mo opoko bilang na kopinnyo.

HOSEA 1:7

Panyo bansa Yehuda Ku kalibosimo. Aku Tumpu, Tumpu nu aha momposalamatmo aha, panyo misa' kalana mahampate, ka' suele misa' kalana bajak, kabai pana', kabai ajahan ka' anu monsake'i.”

LUKAS 1:47

ka' santuu'ku binilahimo kalana Tumpu Pomposalamatku.

PO'ULE' INGULIT 10:21

Opuji' na Ia kalana Ia Tumpu Allah nu belemiu. Posi matamo nu ubak miu na nontoa palabuataan anu toto daka-daka' hondo ka' okabuhuk apaa na anu binau-Nyo hi belemiu.

PO'ULE' INGULIT 4:34

Pa' toho'mo kino pilogot anu baani nongala sa'angu' na bansa, hi aha to bansa-bansa anu aiya i dunia lantas nompotimbalimo aha mian anu pinalesayamo hi Ia, susumo anu binaumo nu Tumpu Allah miu hi belemiu kiijo' mae i Mesir? Pinosi toamo nu belemiu mosia na Tumpu Allah nompotoka balaa' ka' pahampatean, ka' nombaumo hahan anu okabangangi ka' mule' nombaumo hahan anu opalias kalana kahosonannyo anu tahahumo hondo aijo'.

PO'ULE' INGULIT 6:22

Sinakisianmo mami na Tumpu nombau anu okabangangi ka' hahan anu okabuhuk hondo jinadimo hi aha mian Mesir ka' hi tomundo nu aha ka' suele hi iwi-iwi' na anu ko pangkatnyo.

TITUS 1:3

I tempo' anu na tantumo, Tumpu momponyata'mo anu jinanji'-Nyomo, apaa na anu pinotuun-Nyomo aijo'. Potuunon aijo' pinalesayakonmo hi belengku, ka' pinolelengkumo kalana palentah nu Tumpu anu Momposalamat kita.

TITUS 2:10

kabai montomang. Tionyo ahi' aha saja' mompotoa sipat anu ma'ima' ka' tulu-tulutan, da kalana sipat nu aha aijo' mian mompuji pangajalan mongkona Tumpu anu Momposalamat kita.

TO MIA-MIAN KOPIAN 8:34

Aha madi'mo daagi' nonsombah Tumpu Allah, aijo'mo Tumpu nu aha nompolapasmo aha tempo'nyo kinuasan nu sampobali' iwi-iwi' nu aha anu montikubi mae aha.