MAZMUR 106:10 - KITAB NU TUMPU ALLA LELE MA'IMAI'

¹⁰ Tiba jalan anu susumo aijo', Ia nomposalamatmo aha da madi' pinatean nu mian anu mongewa aha, pinobebas-Nyomo na aha da madi'mo kinuasan nu mian anu monsampobali'.

MAZMUR 106:10 ပူးပေါင်းရင်းမြစ်များ

NEHEMIA 9:11

Kalana mombau jalan da timbali katuluan nu mian anu palesayamo hi Belento sahingga ambai biniha'mo nu Belento; tinapakonmo nu Belento na aha nontului lananyo nu ambai anu notiismo. To mia-mian anu nombondos i uno nu ambai anu maleeng hondo sumomo ahi' batu anu tinonu'mo aijo' i ambai anu okabuhuk hondo.

MAZMUR 107:2

Saja' opo uli-ulit na montaloakon aijo', o belemiu anu nongoa'imo kasusa'an panyo pinosalamatmo.

MAZMUR 136:24

Pinobebas-Nyomo na kita da boli nu patei nu mian anu monsampobali' mae; kalibosan-Nyo sampe toka sidu-sidutu.

MAZMUR 44:8

Panyo Belento na nomposalamatmo mae kami da madi' pinatean nu anu mongewa mae kami. Ka' nompatundu'mo to mia-mian anu mongka'ideki mae kami.

NOSABATMO 14:30

Sinaa aijo' Tumpu nomposalamatmo bansa Israel tempo'nyo aha tinumbuhanmo nu aha mian Mesir, ka' aha nontoamo to bangke-bangke' nu aha mian Mesir singkapmo tinosasa i biwi nu bone'.

NOSABATMO 15:13

I laya'mo nu belento na bansa anu pinosalamatmo nu Belento aiya, kalana Belento totu-totu'u montoongi janji' nu Belento. Tiba kahosonan anu daka' hondo, aha jinagaanmo nu Belento ka' i laya'mo nu Belento, i tano' nu Belento anu susi'.

MIKHA 6:4

Belemiu binoang-Kumo nosabat nompala'i Mesir ka' pinolapas-Kumo da madi'mo binotuanan; Aku nonsaimo i Musa, i Harun tiba Miryam da molaya' belemiu.

PO'ULE' INGULIT 11:4

Tinoamo nu belemiu mosia na Tumpu nohopu'i suludadu nu Mesir ka' iwi-iwi' na ajahan ka' kareta anu opake mahampate. Iwi-iwi' na aha i lomosanmo i Ambai Gelagah tempo'nyo aha hau-haunyo mololoi' belemiu.