MAZMUR 105:9 - KITAB NU TUMPU ALLA LELE MA'IMAI'

⁹ Anu jinanji'-Nyomo aijo' binauNyo hi Abraham, ka' lapas mae hi Ishakmo;

MAZMUR 105:9 ပူးပေါင်းရင်းမြစ်များ

KAJADIAN 12:7

Tumpu nanintoamo hi Abram ka' notatae hi ia, “Aiyamo na lipu' anu Ku bee'mo hi lee' nu beleyum.” Lantas i Abram nompotinjomo sa'angu' na mezbah ikiijo' bau ponsomban Tumpu anu nanintoamo hi ia.

KAJADIAN 17:2

Aku mombaumo palajanjian tiba beleyum ka' mombee'imo lee' manjoo'.”

KAJADIAN 26:3

Ku jagaije na beleyum ka' ku balakati. Songko-songko na da'erah aiya Ku bee'mo hi beleyum ka' hi lee' nu beleyum. Ku ganapije na janji' anu binee'-Kumo hi Abraham tuuma nu beleyum.

KAJADIAN 28:13

Ka' i sohipi'nyo tinuminjo na Tumpu ka' notatae, “Akumo na Tumpu, Tumpu Allah anu nu sombah i Abraham ka' i Ishak. Ku bee'mo hi beleyum ka' hi lee' nu beleyum na tano' tampat kinamale'an nu beleyum atina'.

KAJADIAN 35:11

Lantas po'ule' notatae na Tumpu Allah, “Akumo na Tumpu Allah Anu Daka' hondo na kuasanyo. Pinganakmo na beleyum ka' milee' manjoo'. Beleyum molee'akonmo to bansa-bansa ka' timbalimo tuuma nu mompolee' nu to tomu-tomundo'.

2 TOMU-TOMUNDO' 13:23

Panyo Tumpu nolibosmo hi mian anu pinalesayamo hi Ia ka' nongampunimo aha. Ia madi' mompojohok aha opatei, panyo montulungi aha kalana monginau' palajanjiannyo hi Abraham, anak i Ishak ka' hi Yakup. Sampe tempo' uuka aiya, Ia madi' mongkolilimi mian anu pinalesayamo hi Ia.

NEHEMIA 9:8

Tinokan nu Belento na ia tulu-tulutan hi Belento ka' mohongo-hongo. Lantas nombaumo na Belento tiba ia palajanjian anu otaha'imani hondo. Tano' nu Kana'an, Het tiba Amori, tano' Feris, Yebus tiba Girgasi. Iwi-iwi' aijo' Nu bee'mo hi aha salaku bau kajojoongan nu lee'nyo iwi-iwi'. Lapas aijo' ginanapanmo nu Belento na palajanjian aijo' hi ia. Kalana Belento adin ka' mule' totu-totu'u na kinyonyoa.

NOSABATMO 2:24

Tumpu Allah nohongomo aha, Ia nonginau'mo palajanjian-Nyo hi Abraham, hi Ishak ka' hi Yakub.

YEREMIA 11:5

De nu baumo nu aha na aijo' iwi-iwi' saba' Kuganapimo ahi' na palajanjian-Ku anu bibinaung-Kumo hi mompolee' nu aha aijo'mo lipu' anu ma'omuk hondo ka' manjoo' na isinyo anu tempo' uuka aiya jinojoonganmo nu aha aijo' Ku bee'mo hi aha.” Aku nontaami, “Ma'ima'mo, Tumpu.”

SISIKON NU TO RASUL-RASUL 7:8

Noko potatae sumo aitu palajanjian aijo' pinohosonmo nu Tumpu nu adat monsunat. Sahingga salatan i Ishak anak i Abraham i hampemo, i Abraham nonsunatmo ia tempo'nyo ia umunnyo iyalunmo na sinaa. Lapas aijo' i Ishak suele nonsunatmo anaknyo, aijo'mo i Yakub. Ka' i Yakub mule' nonsunatmo sampu-sampulu' ka' ohua' na anaknyo, aijo'mo anu tinimbalimo to tutuuma mompolee' nu bansa Yahudi.

GALATIA 3:17

Anu kahanda' kupoto'i aiya: Janji' nu Tumpu binaumo ka' ingakuanmo imoonanyo. Atulan nu agama anu binee' 430 mo na taun noko lapas na aijo' madi' timbali momadi'akonmo anu ingakuanmo ka' mohapusmo anu jinanji'mo nu Tumpu aijo'.

IBRANI 6:17

Tumpu ko kahanda' lebe momponasa hi to mia-mian anu nontalimamo janji'-Nyo, tukoonyo Ia madi'mo mombali'i anu ingatun-Nyomo. Aijo' na sababnyo pinaka tuangan-Nyomo na sumpa'nyo anu jinanji'-Nyomo aijo'.