MAZMUR 105:16 - KITAB NU TUMPU ALLA LELE MA'IMAI'

¹⁶ Tumpu nompotokamo mae tempo' nu kakulangan i anu okaan i lipu' aijo', ka' anu pinosadiamo na anu okaan iwi-iwi' ingalamo.

MAZMUR 105:16 ပူးပေါင်းရင်းမြစ်များ

KAJADIAN 41:54

Sahingga tinokamo na tempo' nu kakulangan i anu okaan, madi' sala' susumo anu tinaloakonmo i Yusuf. I songko-songko na dunia tinokanmo nu kakulangan i anu okaan, panyo i songko-songko na Mesir ko kaanon anu tinoukaanmo.

KAJADIAN 47:13

Talalomo hondo kinasusa'an i anu okaan sahingga iyaya mae madi'mo daagi' ko anu okaan. Layat nu Mesir ka' layat nu Kana'an madi'mo moko ala mombau apa-apaa kalana mo'ohop.

KAJADIAN 47:19

Boli opojohok na kami silakamo! Boli opojohok na tano' mami timbalimo mateges. Olimo na kami ka' tano' mami nu gandum salaku bau pombayan. Kami ka' tano' mami i tomundo'mo na tumpunyo. Bee'i mae na kami gandum da pompolaus pe'e kantumuu'an mami ka' suele bine' da o tugan i ale' mami!”

2 TOMU-TOMUNDO' 8:1

Daagi' kino sa'angu' na tempo' Tumpu nonpotokamo mae balaa' kasusa'an i anu o kaan i lipu' nu Israel pinopitu' na taun na kinopinnyo. Ma'isa pe'e jinadi na aijo' pinoto'imo i Elisa hi boune anu lengkat mae i Sunem anu koko anaknyo po'ule' pinotumuu'nyo. I Elisa suele nonsaimo ia da molalinmo na aha iwi-iwi' salaigan da mamba i lipu' sangga'at.

MAZMUR 104:15

ka' mohumpakmo bua'nyo nu anggur anu o'inum ka' momposanangmo. Ka' suele lanya' nu zaitun anu mompotimbali ohupnyo mabuliniasmo, ka' kaanon anu mompohosonmo butongnyo.

YESAYA 3:1

Memang Tumpu Anu Daka' na Kuasanyo mongalamo iwi-iwi' na palasadia'an i Yerusalem tiba i Yehuda aijo'mo au okaan ka' mule' uee. Ka' suele iwi-iwi' na mian anu nu taha'imani nu aha:

YEHEZKIEL 4:16

Lapas aijo' Ia po ule' mule' notatae, “O, manusia anu madi' tumuu' batu, Aku nohansunimo palasadia'an anu okaan i Yerusalem. Sahingga bata-batamo na to mia-mian ka' mombatasimo anu okaan nu aha tiba uee anu nu inum nu aha.

IMAMAT 26:26

Kaanon nu belemiu saidi' mae mingkotmo, sahingga aha sampulu' na to bou-boune ola sa'angu' na tampat bau pontunuan roti anu daagi' hi aha. Kaanon aijo' ola ogantangi, ka' de belemiu moko kaanmo, belemiu daagi' ahi' mongoa'i mo'ohop.

AMOS 3:6

Te toho' mule' mian i kota', madi' nu lakat de mohongomo onyi' nu tolompet tandanyo mahampatemo? Ugaat mule' sa'angu' na kota' nukona nu balaa' de Tumpu madi' nombee' i balaa'?

HAGAI 2:17

Aku nontudunakonmo mae baleba' mapanas tiba ujan batu da mongidei sinin na hasin nu ale nu belemiu panyo belemiu madi' ahi' nongka'oho' ninsusule'mae hi beleng-Ku.

SISIKON NU TO RASUL-RASUL 7:11

Lapas aijo' tinokamo na tempo' nu kapo'ohopan anu daka' i songko-songko na lipu' nu Mesir ka' i Kana'an sahingga to mia-mian sinansalamo hondo. Mompolee'to madi'mo nohumpak anu okaan.

ANU PINOTO'I HI YOHANES 6:8

Aku nontoa, lantas nondinmo sa'angu' na ajahan anu me'es. Anu nonsake'i sanggonyo Kapatean. Aitu mae i hikunyo, batu-batuk, ka' ohani hondo na Dunia Kapatean. Dunia aiya o bagi opat sambagian na obee' hi aha da nukuasai nu aha, da nupatei nu aha i uno nu pahampatean, kasusa'an i anu o kaan, panyakit anu molele, ka' nukaan nu to bina-binatang anu bahangihi'.