MAZMUR 105:12 - KITAB NU TUMPU ALLA LELE MA'IMAI'

¹² Naipuan mae mian anu palesayamo hi Tumpu tumuu' kiijo' mae ola susumo mian anu lengkat mae i salipu'an konjoo'nyo nu aha ola sangkiding.

MAZMUR 105:12 ပူးပေါင်းရင်းမြစ်များ

KAJADIAN 17:8

Ku bee'mo hi beleyum ka' hi lee' nu beleyum na tano' aiya, anu uuka aiya kajojoongan nu beleyum salaku mian anu lengkat mae i salipu'an. Songko-songko na tano' Kana'an timbalimo anu nu makumpu nu beleyum sampe toka sidu-sidutu' ka' Aku timbalimo Tumpu Allah nu aha.”

KAJADIAN 23:4

“Aku aiya mian anu i salipu'an mae jojoong i totonga' nu belemiu to Utu-utus, pobee' mae na aku mongoli santake na tano' bau polamunanku bengkele'ku.”

KAJADIAN 34:30

I Yakub notataemo hi Simeon ka' hi Lewi, “Komiu monsusa'imo aku. Uuka aiya mian nu Kana'an ka' mian nu Feris ka' iwi-iwi' na anu jojoong i lipu' aiya mongka'idekimo mae aku. To mia-mianto madi' manjoo'; de mian anu jojoong i lipu' aijo' iwi-iwi' mosa'angu'mo mongewa ka' montumbuhimo mae aku, kita sa'anakan iwi-iwi' nupateimo mae nu aha.”

NOSABATMO 6:4

I hongong-Kumo na aha mian nu Israel talalomo sinansala kalana obotuani nu bansa Mesir, lantas tinonginau'mo na Aku i palajanjian-Ku aijo'.

YESAYA 51:2

Inau' na mompolee' nu belemiu i Abraham, tiba i Sara anu nonompohampemo belemiu; tempo'nyo Aku nolagamo i Abraham, ia madi' kino anak; lantas binalakatan-Kumo na ia ka' binee'an-Kumo manjoo' hondo na lee'nyo.

SISIKON NU TO RASUL-RASUL 7:5

Tempo'nyo aitu madi' ko sambagian pe'e na lipu' aiya anu binee' nu Tumpu hi Abraham da timbali pusaka' i Abraham; salawo pe'e madi' binee' hi ia. Panyo Tumpu binajanji'mo tukoonyo Ia mombee'ije i Abraham da bau pusaka' i Abraham tiba lee'nyo. Tempo'nyo aitu i Abraham madi' ko anak.

PO'ULE' INGULIT 26:5

Lapas aijo' i ahop nu Tumpu Allah nu belemiu, belemiu tionyo ahi' montaloakon sumo uuka: ‘O Tumpu, mompolee'ku mian nu Aram anu namba noyaya. Ia nomboamo auwannyo i Mesir da jojoongmo kiijo' mae salaku mian anu mompalaihakon butong. Tempo'nyo aha nokiijo' konjoo'nyo nu aha ola sangkiding, panyo aha tinimbalimo bansa anu daka' ka' mahoson.

PO'ULE' INGULIT 7:7

Belemiu nu kanonongi ka' pinile'anmo nu Tumpu, misa' kalana belemiu lebe manjoo' molingkudui bansa-bansa sangga'at; memang belemiu bansa anu sangkiding hondo i dunia aiya.

IBRANI 11:12

Mau mule' i Abraham tempo'nyo aitu sumomo mian anu sinilakamo na butongnyo, panyo ia nohumpak manjoo' hondo na lee'nyo anu konjoo'nyo madi' opoko ala o bilang – sumo konjoo' nu mandala' i langit, ka' bone' i biwi nu ambai.

IBRANI 11:9

Kalana bala'iman, i Abraham mian anu lengkat mae i salipu'an jinojoongmo i lipu' anu jinanji'mo nu Tumpu hi ia aijo'. I Abraham jinojoongmo kiijo' i kemahnyo. Sumo aitu mule' na i Ishak ka' i Yakub, anu nontalimamo palajanjian pokakana sumo aijo' lengkat mae hi Tumpu.