MAZMUR 104:3 - KITAB NU TUMPU ALLA LELE MA'IMAI'

³ Belento nongkokamo langit susumo kemah, ka' nompotinjomo Laigan nu belento kiita' mae i langit i bawo nu uee. Kundom haha aita' binaumo kareta nu Belento, polipik nu mombun aijo' na binau kasake'an nu Belento.

MAZMUR 104:3 ပူးပေါင်းရင်းမြစ်များ

2 SAMUEL 22:11

Ia lumahap monsake'i malaekat Ia momboli-bolingkayangmo aita' i polipik nu mombun.

MAZMUR 139:9

De aku lumap motulu i sasu kabete'an kabai jojoong kiijo' mae i pus nu sasu kinsoban anu majo'on hondo,

MAZMUR 148:4

Opuji' na Ia, Opuji' na Ia, o uee anu aita' i langit!

YESAYA 19:1

Sumo uuka na potuunon mongkona aha Mesir. Tumpu tokamo mae i Mesir monsake'i mae kundom anu malia'. Iwi-iwi na pilogot anu daagi' i Mesir nu lakatmo i ahop-Nyo ka' aha mian nu Mesir ise-ise'mo na kinyonyoa nu aha.

AMOS 9:6

Tumpu nombau laigan-Nyo majo'on aita' mae i langa, dunia pinokona-Nyomo langit susumo atopnyo gio-gio' matingkou', ka' uee lengkat i ambai ilambe'-Nyomo i katano'an, anu nombau haha aijo' sanggo-Nyo aijo'mo Tumpu!

NAHUM 1:3

Memang Tumpu madi' malia' pusa, panyo Ia mule' talalo ahi' balakuasa sahingga de ihe na mombau kasala'an, madi' Nu pobebas ihukuman. Iya mae na kalajangan nu Tumpu ikiijo' tokamo mae na antong anu daka' hond, itampat panimpeja'an nu tengke-Nyo ikiijo' abu' timbali kundom.

MATIUS 26:64

I Yesus nontaami, “Sumo itina' anu tinaloakonumo. Panyo palesayamo: Mulai uuka, aiya komiu montoaje Anak nu Mian sumuhangmo i sasu koanan nu Tumpu Anu Talalo ko Kuasa, ka' toka mae aita' i kundom, i langit!”

PO'ULE' INGULIT 33:26

“O Israel! Tumpu Allah nu belemiu madi' sumo pilogot; Talasanggo na Ia nontuluimo langit ka' nonsoopmo mae kundom kahanda' montulungi belemiu.

ANU PINOTO'I HI YOHANES 1:7

Toa, Ia toka mae nu saput nu kundom! Iwi-iwi' na mian montoa Ia, ka' suele aha anu nonjalo'mo Ia. Iwi-iwi' na bansa i dunia mohangi Ia. Memang, totu-totu'u! Amin!