MAZMUR 104:29 - KITAB NU TUMPU ALLA LELE MA'IMAI'

²⁹ De Belento molipai madi'mo montonto'i, aha mabuhukmo; de o alamo nu Belento na santuu'nyo nu aha, aha silakamo, ka' po'ule'mo timbali abu' susumo, momonanyo mae.

MAZMUR 104:29 ပူးပေါင်းရင်းမြစ်များ

KAJADIAN 3:19

Sansala ka' malisongu na mokalaja da tano' mohasinakon apa-apaa, sampe beleyum po'ule'mo minsusule' i tano', kalana beleyum tano' na kinompon. Beleyum tano' na binau ka' po'ule' minsusule' i tano'.”

AYUB 10:9

Boli okolilimi saba' aku aiya tano' na binau nu Belento! Te toho' mule' aku aiya po'ule'mo nupotimbali nu Belento abu'?

AYUB 13:24

Kadaka' Belento nambamo ka' nompala'imo aku? Apaa nasababnyo Belento monsangka aku sumomo sampobali' nu Belento.

AYUB 34:29

De nutantukanmo nu Tumpu Allah da momohokotmo, madi' ko samian anu moko ala mompisala'i Ia. De nuposuluk na ahup-Nyo, madi' ko samian na anu moko ala mongkabot Ia.

MAZMUR 146:4

De aha silakamo, aha minsusule'mo i tano'; sinaa' aijo' suele iwi-iwi' na tanga'an nu aha madi'mo daagi'.

MAZMUR 30:7

Salatan ku oa'i madi'mo ko anu lewa' mae mompoposia, aku notataemo, “Aku madi' opoko ala ohungku'i!”

MAZMUR 90:3

Belento nonsaimo mian ninsusule' i pinolengkatannyo mae, tinimbalimo abu' susumo salatanmo pe'e momonanyo.

ANU MOMPOLELE POTATAE NU TUMPU 12:7

Butongto aiya minsusule'mo; timbalimo abu i dunia aiya. Napas te kantumuu'anto minsusule'mo hi Tumpu. Ia na nombee' salaku pongkalibosi'Nyo.

SISIKON NU TO RASUL-RASUL 17:25

Ia mule' madi' mompalalui pontulungi nu mian, kalana Iamo na anu mombee'i kantumuu'an ka' santuu' ka' iwi-iwi' na apaa hi mian.

PO'ULE' INGULIT 31:17

De aijo' obaumo, Ku tambuha'imo hondo-hondo na aha. Aha Ku pala'imo ka' Ku pateimo. Manjoo' na balaa' anu okabuhuk, montokaimo aha, lantas aha sinsumbu'je, ka' motatae taalu' anu jinadimo aijo' kalana Aku, Tumpu Allah nu aha madi'mo daagi' monsangaja'i aha.