MAZMUR 104:24 - KITAB NU TUMPU ALLA LELE MA'IMAI'

²⁴ Talalo hondo manjoo' na anu pinotimbalimo nu Belento, Tumpu, iwi-iwi' pinotutugakonmo nu Belento ima-ima' na nompotimbali; dunia nobuke'mo nu anu pinotimbalimo nu Belento.

MAZMUR 104:24 ပူးပေါင်းရင်းမြစ်များ

KAJADIAN 1:31

Tumpu nontoa iwi-iwi' apaa na anu binau-Nyomo aijo', ka' sinanangmo hondo na Ia. Tinomboliu na malom tinimbalimo na sinaa daagi subu. Aijo'mo na sinaa anu ko anomnyo.

NEHEMIA 9:6

Lapas aijo' mian da'isan nu aha Israel binalado'amo sumo uuka: “Belentomo na Tumpu, belentomo Sa'a-sa'angu'nyo na Tumpu Allah; pinotimbalimo nu Belento na mandala' iwi-iwi' aita' i langa, ka' suele ambai tiba tano' ka' iwi-iwi' na anu daagi' i unonyo, lantas pinotumuu'mo nu Belento ka' jinaganmo nu Belento. Iwi-iwi' na anu balakuasa aita i langit tolodadupu monsombah Belento; aha montuluti Belento ka' tina'alukmo.

AYUB 5:9

Iwi-iwi' na anu binaumo nu Tumpu Allah talalo hondo oka bangangi; madi' opoko ala osumbu-sumbu'to. Anu okabangangi iwi-iwi' bibinau-Nyomo madi' opoko ala osumbu'to na konjoo'nyo ka' madi' ko kamingkotannyo.

MAZMUR 107:24

Aha nontoamo apa-apaa na anu binaumo nu Tumpu, anu binau-Nyomo ka' okabangangi i ndalangon.

MAZMUR 107:31

Pantasmo na aha montalima kaseh hi Tumpu kalana kalibosan-Nyo, kalana apa-apaa na anu binau-Nyomo anu mompobangang hondo manusia.

MAZMUR 136:5

Kalana kapandean-Nyo Ia nompotimbalimo langit; kalibosan-Nyo sampe toka sidu-sidutu'.

MAZMUR 148:7

Opuji' na Tumpu, o isi iwi-iwi' na dunia, o iwi-iwi' na ulo toto daka-daka' i ambai ka' songko songko na ndalangon;

MAZMUR 24:1

Mazmur i Daud. Tano' aiya ka' isinyo iwi-iwi' anu nu Tumpu, dunia aiya ka' iwi-iwi' na anu jojoong i unonyo.

MAZMUR 40:5

Mohumpak kantumuu'an ma'ima' na mian anu palesayamo hi Tumpu, anu madi' monsombah to pilo-pilogot, kabai momoita tulung hi mian anu buulon.

MAZMUR 65:11

Belento nompojalanimo uee i kinatuluan nu pajekonyo, ka' i humpisan-Nyomo na tano' anu ma'isa nohibu. Belento nongujanimo mae sahingga tano' madi'mo bineleng, ka' sosu'anon anu sala'je mae tumuu' pinolumba'akonmo nu Belento na tinumuu'.

MAZMUR 8:3

onyanyiakon nu to ana-anak ka' to bunga-bunga mea'. Belento mompalentah sinukupmo hondo madi'mo opoko ala opoposia sahingga nganga' nu mian anu monsampobali' mae ka' mongewa madi'mo noko ala notatae.

MAZMUR 92:6

Talalo hondo daka' na hahan anu binaumo nu Belento, O, Tumpu, talalo hondo maleeng na pikilan nu Belento!

YEREMIA 10:12

Tumpu nompotimbalimo tano' kalana kakuasa'an-Nyo, nombontukmo dunia kalana kapandean-Nyo ka' nombokamo langit kalana suele kapandean-Nyo.

ROMA 11:33

Totu'u daka' na kakaya'an nu Tumpu! Totu'u daka' na kapandean-Nyo tiba ponsumbu'an-Nyo! Ihe na moko ala monsumbu' anu pinoko potantu-Nyomo? Ihe na moko ala monsumbu' bau-baunyo nu Ia mokalaja?

EFESUS 1:8

Binau-Nyo na aijo' kalana Ia talalo hondo mongkalibosi kita, ka' pongkalibosi-Nyo aijo' binee'-Nyo hi kita mola-molabi montului jalan anu ko angga'-Nyo, ka' anu minsoop i akan.

EFESUS 3:10

Pongka'oho' nu Tumpu aijo'mo da tempo' uuka, montului jama'at, iwi-iwi' na anu montoongi kakuasa'an i langa monsumbu' kapandean nu Tumpu anu lupa-lupa na ngahannyo toto sa'angu'.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.