MAZMUR 104:15 - KITAB NU TUMPU ALLA LELE MA'IMAI'

¹⁵ ka' mohumpakmo bua'nyo nu anggur anu o'inum ka' momposanangmo. Ka' suele lanya' nu zaitun anu mompotimbali ohupnyo mabuliniasmo, ka' kaanon anu mompohosonmo butongnyo.

MAZMUR 104:15 ပူးပေါင်းရင်းမြစ်များ

KAJADIAN 18:5

Da ku toukai kaanon mau ola sangki-sangkidingmo, da to Tuan-tuan mohumpak kahosonan mule' na po'ule' lumajang lau-laus. To Tuan-tuan mongadatimo aku kalana sinonso'mo i laigan nu posaihon nu Belento aiya.” Tinaaman nu aha, “Talima kase na kanonongan nu belento atina'. Kami sonso'je.”

2 SAMUEL 13:28

To posa-posaihonnyo pinalentahnyomo, “Otoa ima-ima' de i Amnon malangumo kalana nonginumo anggur, ku bee'ije tanda lantas pateimo na ia. Boli mabuhuk, Aku na montanggung han aijo'. Babaani ka' boli bata-bata!”

MAZMUR 105:16

Tumpu nompotokamo mae tempo' nu kakulangan i anu okaan i lipu' aijo', ka' anu pinosadiamo na anu okaan iwi-iwi' ingalamo.

MAZMUR 23:5

Belentomo na nompotoukai bau-bauon hi belengku i ahop nu mian anu mongewa mae aku. Belentomo na nolalabot mae aku susumo mian anu o'adati. Belentomo na nompo'inumi mae aku nu inumon anu ma'ima' hondo ka' nolabi-labimo.

MAZMUR 92:10

Osumbu' mami sampobali' nu Belento opateimo ingko-ingkot, o, Tumpu, iwi-iwi' na mian anu ma'idek na kinyonyoa oga'a-ga'at madi'mo oposa'angu'.

AMSAL 31:6

Inumon anu moko palangu aijo' bagi nu aha anu kasiasi ka' anu madi'mo ko anu opitaha-taha'imani.

AMSAL 31:7

Aha monginum da bolimo lewa' monginau aha kasiasi tiba kasusa'an nu aha.

ANU MOMPOLELE POTATAE NU TUMPU 10:19

Bau-bauon mompotimbali kumojo ka' mule' anggur mompotimbali lame' panyo tionyo ahi' ko doi da bau pongoli.

ANU MOMPOLELE POTATAE NU TUMPU 8:1

Ibeh na kosanangnyo na mian anu pande. Iwi-iwi na palakala nu sumbu' na montaami. Kapandean bapikin na nompolame'mo ia tinolomoing: sahingga ohupnyo saja' balasahaya.

ANU MOMPOLELE POTATAE NU TUMPU 9:7

Donganmo pongkaan ka' balame-lame'; inumo sana-sanang na kinyonyoa na anggur nu belemiu, Tumpu madi' kabalatan pakalaus Ia ahi' situju.

YESAYA 3:1

Memang Tumpu Anu Daka' na Kuasanyo mongalamo iwi-iwi' na palasadia'an i Yerusalem tiba i Yehuda aijo'mo au okaan ka' mule' uee. Ka' suele iwi-iwi' na mian anu nu taha'imani nu aha:

YESAYA 55:10

Susumo ujan tudun lengkat mae i langit, ka' madi'mo nobalik, panyo mohumpisimo tano', nompa'omuk tano' ka' mompotumuu'mo sosu'anon, mohasinakonmo bua'nyo anu osu'an ka' anu o kaan,

YEREMIA 31:12

Mamba i Puge'nyo nu Sion aha tokamo mae lame'na ohup nu aha otoa ka' manyanyi lame' hondo. Kalana iwi-iwi' apaa na anu binee'-Kumo hi aha, aijo'mo, gandum, lanya', anggur, sapi' tiba domba. Aha sumomo ahi' sa'angu' na taman anu sukup na ueenyo, ka' madi' ko anu kulang apa-apaa.

YEHEZKIEL 14:13

de sa'angu' na lipu' baladosa'mo ka' madi'mo tulu-tulutan mae hi beleng-Ku, Ku hukumo na lipu' aijo'. Ku hansunimo na palasadia'an nu anu okaan nu aha, ka' mule' mompotokamo mae balaa' kasusa'anmo i anu okaan ka' mule' mompateimo manusia kabai binatang.

YEHEZKIEL 4:16

Lapas aijo' Ia po ule' mule' notatae, “O, manusia anu madi' tumuu' batu, Aku nohansunimo palasadia'an anu okaan i Yerusalem. Sahingga bata-batamo na to mia-mian ka' mombatasimo anu okaan nu aha tiba uee anu nu inum nu aha.

YEHEZKIEL 5:16

Ku hansunimo na palasadia'an nu anu okaan nu beleyum ka' mule' mompojohokmo mian anu jojoong hi beleyum da susa'mo i anu okaan. Aha saidi' mae mongoa'imo mosia na kosakisanyo na mo'ohop sumomo ahi' hihis nu pana' anu matajom hondo na monsusuk ka' mompateimo beleyum.

IMAMAT 26:26

Kaanon nu belemiu saidi' mae mingkotmo, sahingga aha sampulu' na to bou-boune ola sa'angu' na tampat bau pontunuan roti anu daagi' hi aha. Kaanon aijo' ola ogantangi, ka' de belemiu moko kaanmo, belemiu daagi' ahi' mongoa'i mo'ohop.

ZAKHARIA 10:7

Mian nu Israel sumomo suludadu anu baani hondo sumomo mian anu monginumo anggur aha lame'mo. Lee' nu aha mae lengkat pe'e naipuan mae sampe aiya mae i ahop madi' mongkolilimi ka Untungan nahampate anu binee'-Kumo aiya. Aha bilahimo kalana palabuatan anu saidi' mae Ku baumo hi aha.

MARKUS 14:23

Lapas aijo' ia nongala sa'angu' na galas nu anggur. Ia nompoita talima kaseh hi Tumpu, lantas nombee' galas aijo' hi anu saja' mombatuki Ia. Lapas aijo' aha iwi-iwi' nonginumo anggur aijo'.

LUKAS 7:46

Beleyum madi' nolana'akon lanya' i uba-Ku, panyo boune aiya nolana'akonmo lanya' manohong i tengkeng-Ku.

EFESUS 5:18

Boli komiu malangu nu anggur, kalana aijo' mongidei komiu. Ola ahi' maunyo komiu nukuasai nu Roh nu Tumpu.

PO'ULE' INGULIT 28:40

Songko-songko na lipu' nu belemiu tumuu'mo na kau' zaitun, panyo bua'nyo iwi-iwi' ola molosu, sahingga belemiu madi' mohumpak lanya'nyo.

PO'ULE' INGULIT 8:3

Ia nompojohokmo belemiu da mo'ohop, lantas belemiu binee'an-Nyomo manna da okaan. Daagi' pe'e u'utu mae belemiu ka' mompolee' miu ma'isa toho' nongkaan kaanon aijo'. Tumpu nombau sumo aitu da mongajan belemiu kalana manusia madi' tumuu' de ola kalana anu okaan, panyo maumo pa' apaa na anu nutaeakon nu Tumpu timbali bau kantumuu'an.

IBRANI 1:9

Belento mongka'ima'i ka'adilan ka' mongka'ideki anu tageo; mokonyo aijo' Tumpu, Tumpu nu Belento, nompile'imo Belento ka' nombee'imo Belento da o'adati anu mompodaagi' kabilahian, molingkudui to sanga-sangalu nu Belento.”

1 YOHANES 2:20

Panyo komiu nohumpakmo Roh nu Tumpu anu i lambe'akonmo i Yesus Kristus ka' mokonyo aijo' komiu iwi-iwi' nonsumbu'mo pangajalan anu totu'u.

TO MIA-MIAN KOPIAN 19:5

I sinaa ko ipatonnyomo aha sampamo nobula daagi' subu hondo lantas nogogau'mo kahanda' mambamo. Panyo tuuma nu boune aijo' notatae hi mian nu Lewi aijo', “Mongkaan pe'e da mahoson. Lapas aijo' mambaje na belemiu.”

TO MIA-MIAN KOPIAN 9:13

Panyo tinaaman nu kau' anggur, 'Te toho'mule' aku madi'mo mohasinakon anggur anu momposanang kinyonyoa nu to pilo-pilogot tiba manusia, ola kalana timbalimo tomundo nu belemiu!'

TO MIA-MIAN KOPIAN 9:9

Tinaaman nu kau' Zaitun, 'Ha, aku madi' mongka' oho. Kalana de aku timbalimo tomundo nu belemiu, aku tionyo ahi' madi'mo mohasinakan lanya nu zaitun anu opake pongadati to pilo-pilogot tiba manusia.'