MAZMUR 104:13 - KITAB NU TUMPU ALLA LELE MA'IMAI'

¹³ Lengkat mae i langit tinuduna konmo mae nu Belento na ujan nokaiyong i bungkutnyo, dunia kahomo apa-apaa na anu pinodaagi'mo nu Belento.

MAZMUR 104:13 ပူးပေါင်းရင်းမြစ်များ

AYUB 38:37

Ihe na anu pande hondo na bapikin moko ala mombilang kundom ka' mombalikakon da tudun na ujan,

MAZMUR 104:3

Belento nongkokamo langit susumo kemah, ka' nompotinjomo Laigan nu belento kiita' mae i langit i bawo nu uee. Kundom haha aita' binaumo kareta nu Belento, polipik nu mombun aijo' na binau kasake'an nu Belento.

MAZMUR 147:8

Iamo na nompobi kundom aita' i langit; Iamo na nompotouka ujan pongujani tano', ka' nompotumuu' hemput i puge'nyo.

YEREMIA 10:13

Ola pinalentah-Nyo binuhokanmo na uee aita' ilanga Lengkat mae ipuusnyo nu tano' pinotoka-Nyomo mae na kundom, ka' pinojadi-Nyomo na kilat pojingkalap i uno nu ujan, ka' sinai-Nyomo mae na mombun lengkat itampat pinompo una'an-Nyo.

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

AMOS 9:6

Tumpu nombau laigan-Nyo majo'on aita' mae i langa, dunia pinokona-Nyomo langit susumo atopnyo gio-gio' matingkou', ka' uee lengkat i ambai ilambe'-Nyomo i katano'an, anu nombau haha aijo' sanggo-Nyo aijo'mo Tumpu!

MATIUS 5:45

da komiu timbali to ana-anak nu Tuumaum i suluga'. Kalana Tumpu mompobete' batu nu sinaa bau bagi nu mian anu ma'ima' ka' bagi nu mian anu ma'idek. Ia mombee'i ujan hi mian anu mombau ima', ka' hi mian anu mombau idek suele.

SISIKON NU TO RASUL-RASUL 14:17

Panyo Ia madi' kinolilimannyo na nombee'i to buku-bukuti' mongkona butong-Nyo, aijo'mo nombau anu ma'ima'. Ia nombee'i beleyum ujan lengkat i langit ka' hasin nu tano' toka i loonunyo. Ia mombee'i kaanon hi komiu ka' momposanang kinyonyoa miu.”

PO'ULE' INGULIT 11:11

Panyo lipu' anu opinsoopi nu belemiu daagi' ko bungkutnyo ka' bangka'nyo; tano'nyo nu ueei nu ujan.