MAZMUR 103:5 - KITAB NU TUMPU ALLA LELE MA'IMAI'

⁵ Ia na anu nomposukupmo kantumuu'an nu beleyum i han anu ma'ima', sahingga beleyum sabole-boleh daagi' olitau susumo mbambang nu bonyia'.

MAZMUR 103:5 ပူးပေါင်းရင်းမြစ်များ

AYUB 33:25

Butongnyo mompo'ule'mo mahoson hondo po'ule'mo ma'ima' susumo olitau.

MAZMUR 104:28

Belento na mombee'i, ka' aha na mongala montoluki Belento na montoukai, ka' aha na mongkaan sampe ma'osa.

MAZMUR 107:9

Kalana Ia nompopuasmo mian anu i negotmo, ka' nombee'i molabi-labi mian anu no'ohopmo nu iwi-iwi' na anu ma'ima'.

MAZMUR 23:5

Belentomo na nompotoukai bau-bauon hi belengku i ahop nu mian anu mongewa mae aku. Belentomo na nolalabot mae aku susumo mian anu o'adati. Belentomo na nompo'inumi mae aku nu inumon anu ma'ima' hondo ka' nolabi-labimo.

MAZMUR 63:5

Sansina-sinaa i uno nu kantumuu'anku, aku montalima kaseh hi Belento; ku hangkat na limangku mokiita' hi Belento ka' balado'a.

MAZMUR 65:4

Dosa'ku iwi-iwi' naboatmo hondo hi belengku, panyo ingampunanmo nu Belento.

YESAYA 40:31

Panyo mian anu montakabunakon Tumpu, saidi' mae po ule'mo mohumpak kahosonan. Aha pokakanamo sumo bonyia', anu lumahap matangkas kalana kahosonan nu polipiknyo. Aha lewa' mopadeka' panyo madi' malawe, aha lewa' lumajang panyo madi' lu'us.

HOSEA 2:15

Iwi-iwi' na ale' nu anggurnyo Ku sule'akonje hi ia, ka' Bangka'nyo nu Kasusa'an Ku pojadimo tumban anu otaha'imani. Ikiijo' mae ia montalimamo Aku susumo tempo'nyo daagi' olitau, tempo'nyo ia sala'je no sabat mae lengkat i Mesir.

2 KORINTUS 4:16

Mokonyo aijo' kami madi' ma'osa. Mau mule' kantumuu'an i dunia aiya, kami ko ide-ideknyomo, panyo kinyonyoa mami toka sansina-sinaa saja' opotimbali bu'ou.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

YOSUA 14:11

panyo daagi' mahoson susumo tempo'nyo i Musa nonsai aku. Daagi' sukup na kahosonanku mahampate kabai pa' mombau apa-apaa.