MAZMUR 103:4 - KITAB NU TUMPU ALLA LELE MA'IMAI'

⁴ ia na anu nompobebasmo nyawa nu beleyum da nosabatmo mae i uno nu kubulan, anu talalomo hondo nongkalibosi beleyum ka' nongkanonongimo hondo beleyum.

MAZMUR 103:4 ပူးပေါင်းရင်းမြစ်များ

KAJADIAN 48:16

Iamo na malaekat anu nonjagaimo mae aku sahingga iwi-iwi' na balaa' madi'mo mompoposia. O'amalakon da Tumpu Allah mombalakati anak haha aiya. O'amalakon da saja' osanggo na sanggongku ka' sanggo i Abraham ka' i Ishak kalana anak haha aiya! O'amalakon da aha mohumpak makumpu, ka' ko lee' manjoo' i dunia aiya.”

MAZMUR 103:12

Sumo kojo'onnyo nu kabete'an lengkat mae i kinsoban, sumo aijo'mo na Ia mompojoon dosa'to iwi-iwi'.

MAZMUR 21:3

Binee'mo nu Belento apaa na anu kinahanda'anmo nu kinyonyoanyo ka' nombee'mo apaa na anu pinoitanyomo.

MAZMUR 34:22

Mian anu ma'idek na palabuatannyo silaka kalana palabuatannyo ma'i-ma'idek mian anu mongka'ideki mian anu balaiman hondo mohumpak hukuman.

MAZMUR 5:12

O'amalakon da iwi-iwi' na mian anu mihohung hi Belento mohumpak kabilahian ka' lewa' montaligalai sampe toka sidu-sidutu'. Jagaiakon na to mia-mian anu mongka'ima'i Belento da aha saja' mongoa'i kalame'an kalana Belento.

MAZMUR 56:13

Aku mombaumo apaa na anu jinanji'kumo hi Belento o, Tumpu ka' monsombahkonmo koloban bau pontalima kaseh hi Belento.

MAZMUR 65:11

Belento nompojalanimo uee i kinatuluan nu pajekonyo, ka' i humpisan-Nyomo na tano' anu ma'isa nohibu. Belento nongujanimo mae sahingga tano' madi'mo bineleng, ka' sosu'anon anu sala'je mae tumuu' pinolumba'akonmo nu Belento na tinumuu'.

MAZMUR 71:23

Aku nontaligalai kalana sinanangmo hondo na kinyonyoa, ka' nonyanyiakonmo bau pompuji' Belento. Santuu'ku ka' butongku manyanyi lame'mo hondo, kalana Belento nomposalamatmo mae aku.

MAZMUR 8:5

te apaamo na manusia aijo' sahingga nu inau' nu Belento na ia ihe na ia, sahingga nupotuu' nu Belento?

YESAYA 38:17

Untuk kuku oa'i mongabali'mo susumo madi' ko apa-apaanyo, Belento nomposalamatmo aku da madi'mo kinokasilaka'an; iwi-iwi na dosa'ku ingampunanmo nu Belento.

YESAYA 54:8

Ola sasaingoni' na Aku madi'mo montonto'i beleyum, kalana tambuha'-Ku talalomo ahi. Panyo kalibosan-Ku anu madi' ko kamingkotannyo na mongkalibosi beleyum.” Sumo aijo' na koonyo nu Tumpu anu Momposalamat beleyum.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

1 PETRUS 5:4

Ka' de saidi' mae Polaya' Anu Talasanggo aijo' tokamo mae, komiu mohumpakmo makota anu jongkilaban, anu madi' toho' mingkot na jongkilabannyo.

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.