MAZMUR 103:21 - KITAB NU TUMPU ALLA LELE MA'IMAI'

²¹ O, puji' na Tumpu, o belemiu iwi-iwi' malaekat kiita' i suluga', iwi-iwi' na posaihon-Nyo anu mombau apaa na anu nu kahanda'i.

MAZMUR 103:21 ပူးပေါင်းရင်းမြစ်များ

KAJADIAN 32:2

Salatan tinoamo i Yakub na aha ia notataemo, “Aiyamo na pinombauan kemah nu Tumpu Allah,” kalana aijo' sinanggohannyomo na tampat aijo' Mahanaim.

1 TOMU-TOMUNDO' 22:19

I Mikha po'ule' mule' notatae, “Uuka aiya potombihing mae apaa na anu pinoto'imo nu Tumpu! Tinoangku na Tumpu suha-suhang i kadela aita' i suluga' ka' iwi-iwi' na malaikat-Nyo sika-sika tinjo hi Ia.

2 TAWARIKH 18:18

I Mikha po'ule' mule' notatae, “Uuka aiya soba potombihing apaa na anu pinoto'imo nu Tumpu! Aku nontoa Tumpu suha-suhang aita' i kasuhangannyo i suluga', ka' iwi-iwi' na malaekat-Nyo singkapmo tinuminjo koko hi Ia.

NEHEMIA 9:6

Lapas aijo' mian da'isan nu aha Israel binalado'amo sumo uuka: “Belentomo na Tumpu, belentomo Sa'a-sa'angu'nyo na Tumpu Allah; pinotimbalimo nu Belento na mandala' iwi-iwi' aita' i langa, ka' suele ambai tiba tano' ka' iwi-iwi' na anu daagi' i unonyo, lantas pinotumuu'mo nu Belento ka' jinaganmo nu Belento. Iwi-iwi' na anu balakuasa aita i langit tolodadupu monsombah Belento; aha montuluti Belento ka' tina'alukmo.

MAZMUR 104:4

Mombun binaumo anu lewa' nu pokau nu Belento ka' kilat binaumo posaihon nu Belento.

MAZMUR 33:6

Tumpu nompalentah, sahingga langit jinadimo; batu nu sinaa, bitu'on tiba mandala' pinojadimo nu potatae-Nyo.

MAZMUR 68:17

Kadaka' atina' mae ibungkutnyo manjo-manjo atina' beleyum minsihipmo na montoa mae Puge'nyo nu Sion anu pinile'anmo nu Tumpu bau kajojoongan-Nyo? Tumpu jojoongmo kiijo' mae sampe toka sidu-sidutu'.

MATIUS 13:41

Anak nu Mian monsaije to mala-malaikat-Nyo molimu' miannyo iwi-iwi' anu nonsaduakonmo mian nombau dosa', ka' iwi-iwi' mian sangga'at anu nombau ka'idekan.

LUKAS 2:13

Monti-montiik malaikat aijo' sinangaluan nu malaikat manjoo' sangga'at, mompuji' Tumpu. Aha notatae,

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.

YOSUA 5:14

“Misa sangalu, ka' mule' misa' sampobali',” tinaaman nu mian aijo'. “Aku mo'uuka mae salaku kapala nu suludadu nu Tumpu.” Nohongo aijo' i Yosua nalia-lia' tinolodadupu ka' nonsombah mian aijo'. I Yosua notataemo, “Aku aiya posaihon nu Tumpu. Apaa na anu timbali ku bau hi belento Tumpu?”