MAZMUR 102:15 - KITAB NU TUMPU ALLA LELE MA'IMAI'

¹⁵ Kalana to posa-posaihon nu Belento nongka'ima'imo ia, maumo ia nohobo'mo. Aha nongkalibosimo ia maumo ia tinimbalimo abu'.

MAZMUR 102:15 ပူးပေါင်းရင်းမြစ်များ

1 TOMU-TOMUNDO' 8:43

O poita da itina' mae i kajojoongan nu Belento i suluga' o hongo mae nu Belento na do'anyo ka' bee'mo apaa na anu pinoitanyomo. Sahingga iwi-iwi' na bansa i songko-songko na dunia monsumbu'mo Belento ka' montulutimo Belento susumo mian nu Israel anu pinalesaya'mo. Da nusumbu' nu aha na laigan anu ku bau aiya bau tampat ponsomban Belento.

NEHEMIA 1:4

Salatan i hongongkumo na lele aijo', aku sinumuhangmo ka' i humang. Pa' piniansinaa na kopinnyo na aku saja' sinusa'. Aku lajangmo binapuasa' ka' binalado'a hi Tumpu Allah,

NEHEMIA 2:17

Panyo mamanga ahi' pinoto'ingkumo hi aha, “Soba toa na kita sinansalamo sumo aiya! Yerusalem me himpupuknyo ka' sabatannyo anu toto daka-daka' pinapuanmo nu apu. Imbo' da kita po'ule'mo mombau pagan mesen nu kota' Yerusalem da kita bolimo lewa' o'alu.”

NEHEMIA 2:3

Aku tinolokengkengmo, lantas tinaamankumo, “Tumuu'akon na belento Tomundo' sampe toka sidu-sidutu'! Mosia sampe aku susa' na kinyonyoangku, kalana kota' tampat pinolamunan mompolee'ku tempo' uuka aiya tampatnyo notoyo'mo ka' sabatan kiijo' anu toto daka-daka' imadi'anmo kalana pinapuanmo nu apu.”

MAZMUR 138:4

Iwi-iwi' na tomundo' i dunia aiya mompuji'mo Belento, O, Tumpu, kalana aha nohongomo anu jinanji'mo nu Belento.

MAZMUR 72:11

Iwi-iwi' na to tomu-tomundo' tolodadupumo i ahopnyo, iwi-iwi' na bansa baumo posaihonnyo.

MAZMUR 86:9

Iwi-iwi' na bansa anu pinotimbalimo nu Belento saidi' mae, tokamo o Tumpu kahanda' monsombah Belento ka' mompuji' Belento anu talasanggo aijo'.

YESAYA 55:5

Belemiu molagaje to bansa-bansa anu salipu'an mae, ka' aha sampaje toka mae hi belemiu, kalana Aku, Tumpu nu belemiu, Tumpu nu Israel anu susi', kalana Aku nompopodaka'mo sanggo nu belemiu.”

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

ANU PINOTO'I HI YOHANES 21:24

To bansa-bansa i dunia lumajangje i uno nu jingkanyo, ka' to tomu-tomundo mule' momboaje kakaya'an nu aha i uno nu kota aijo'.