MAZMUR 101:6 - KITAB NU TUMPU ALLA LELE MA'IMAI'

⁶ Ku ka'ima'i na mian anu tulu-tulutan hi Tumpu; aha timbali jojoong i laiganku. Mian anu tumuu' madi' ko kasala'annyo atina' na timbali mombau anu ku palentahkon.

MAZMUR 101:6 ပူးပေါင်းရင်းမြစ်များ

MAZMUR 119:63

Aku mobela' tiba iwi-iwi' mian anu tulu-tulutan, iwi-iwi' na mian anu mombau palentah nu Belento.

MAZMUR 15:4

anu monsangka madi'mo ko angga'nyo na mian, de madi'mo nukali-kalinga nu Tumpu, panyo mongadati mian anu mohongo-hongo Tumpu; anu madi' toho' mombaleko'i apaa na anu jinanji'mo, maumo ahi' lugi'

MAZMUR 34:15

patikojo'on ipalabuatan anu ma'idek, anu ma'ima' ahi' na saja' obau o'usahakan ahi' totu-totu'u na paladamean.

AMSAL 28:28

De mian anu ma'idek na kinyonyoanyo balakuasa, mian da'isan matisuluk; de mian anu ma'idek na kinyonyoanyo silaka; mian anu adin timbali bebas na mompalentah.

AMSAL 29:2

De bisuannyo mian anu adin na mompalentah, mian da'isan bilahimo. Panyo de bisuannyo mian anu ma'idek na kinyonyoanyo na balakuasa, mian da'isan monta'up kasansala'an.

IMAMAT 14:42

Lantas batu haha aijo' anu ingalinakonmo tionyo ahi' obolosi nu batu anu toto bu'ou-bu'ou. Iwi-iwi' na mesen nu laigan aijo' tionyo ahi' olapisimo nu pelester anu bu'ou.

MATIUS 24:45

Koonyo mule' i Yesus, “Desumo aitu, posaihon anu mosia na anu mohongo-hongo ka' anu pande? Ia na anu o hangkat nu Tuannyo da timbali kapala nu to posa-posaihon sangga'at, da mombee'i aha mongkaan toka i tempo'nyo.

YOHANES 12:26

Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

YOHANES 14:3

De lapasmo na Aku mamba montoukai tampat miu, Aku po'ule'je mae minsusule' ka' molabot komiu, da iyana kajojoongan-Ku, i kiijo' suele na kajojoongan miu.

YOHANES 17:24

Kita Tuuma, Ku kahanda'i da aha anu binee'mo nu kita Tuuma hi beleng-Ku mogalum ka' Aku i tampat kajojoongan-Ku, da aha montoa kadaka'an-Ku; aijo'mo kadaka'an anu binee' nu kita Tuuma hi beleng-Ku, kalana kita Tuuma mongkalibosi Aku ma'isa pe'e dunia aiya pinotimbali.

ANU PINOTO'I HI YOHANES 21:3

Lantas aku nohongomo potatae lengkat mae i kasuhangan aijo' notatae mae daka-daka', “Tempo' uuka tampat kajojoongan nu Tumpu tibamo mian! Ia tumuu'mo tiba aha, ka' aha timbalimo mian anu palesayamo hi Ia. Tumpu jojoongmo tiba aha, ka' timbalimo Tumpu nu aha.