MAZMUR 10:14 - KITAB NU TUMPU ALLA LELE MA'IMAI'

¹⁴ Panyo Belento na montoa ahi' ia, saja' nu inau' nu Belento na kasusa'an tiba kasansala'an, ka' saja' ahi' kahanda' montulungi. Mian anu madi'mo mahoson me saja' mongasanakon butongnyo hi Belento. Belento na saja' ahi' motulungi mian anu kasiasi.

MAZMUR 10:14 ပူးပေါင်းရင်းမြစ်များ

KAJADIAN 21:17

Tumpu Allah nohongomo potatae i Ismael, ka' lengkat mae aita' i langit Tumpu Allah notataemo hi Hagar, Ia notatae, “Apaa na nu susa' akon Hagar? Boli mabuhuk. Tumpu Allah nohongomo potatae nu anak nu beleyum.

KAJADIAN 31:12

Malaekat aijo' po'ule' notatae, 'Toa, iwi-iwi' na mee lakinyo anu hau-haunyo mohasi' aijo' buhit, ka' bulitik, ka' belongka'. Sangaja' na Aku nongatunmo susumo aijo' hi beleyum kalana tinoangkumo iwi-iwi' na anu binaumo i Laban hi beleyum.

2 SAMUEL 16:12

Ihe na monsumbu' Tumpu montoakonmo mae kasansala'an anu ingoa'ankumo aiya ka' mombalakatimo mae aku salaku bau pombolosi mae totobi' anu binee'mo mae hi belengku.”

2 TAWARIKH 6:23

o Tumpu potombihingakon ahi' mae nu Belento kiita' i suluga' ka' putusiakon mae na palakala nu to posa-posaihon nu Belento aiya. Hukumo na anu ko sala'nyo, ka' pobebasmo na anu madi' ko sala'nyo.

MAZMUR 146:9

Ia na monjagai to mia-mian anu lengkat mae i salipu'an; Ia na montulungi to balu-balu ka' anu ingunonmo madi'mo ko tinanyo ka' tuumanyo, panyo nohungku'imo tanga'an nu mian anu ma'idek na kinyonyoanyo.

MAZMUR 22:11

Salatanmo pe'e aku i hampe, sisi'ku aiya kongko-kongkom i lima nu Belento, salatanmo pe'e i uno nu ma'alum nu tinangku, Belentomo na Tumpu-ngku.

MAZMUR 31:8

Aku lame'mo ka' mule' bilahimo kalana Belento tataap mongkalibosi mae aku. Belento nontoamo mae kasansala'anku, ka' nompalahatikanmo mae kasusa'anku.

MAZMUR 35:22

Panyo Belento o Tumpu nontoamo; boli ola momohokot o Tumpu, boli matikojo'on hi belengku.

MAZMUR 55:22

Potataenyo ma'ima'hondo na ia mombisalai, panyo i uno nu kinyonyoanyo mongka'ideki. Ia basisik madi' ko pesa-pesa, panyo monsusuk, sumomo bajak na ko tajomnyo.

MAZMUR 68:5

Ponyanyimo, bau pompuji' sanggo nu Tumpu, potoukamo na jalan daka' da bau kajalanan-Nyo mae anu nonsake'i mae kundom. Sanggo-Nyo Tumpu – balasana-sanangmo i ahop-Nyo!

MAZMUR 68:6

Tumpu anu jojoong i Laigan-Nyo anu susi' tuuma nu anak anu inguanonmo madi'mo ko tuumanyo ka' tinanyo, ka' anu saja' mompalahatikan to mia-mian binalumo.

NOSABATMO 2:25

Tinoa-Nyomo na to mia-mian nu Israel binotuanan, lantas Ia nontantukanmo da montulungi aha.

NOSABATMO 22:22

Boli monsusa'i taha-tahahumo anu balu kabai anak anu unon.

NOSABATMO 22:26

De komiu mongala juba' anu nu mian sangga'at salaku bau ponggadei samaya'nyo, juba' aijo' tionyo ahi' osule'akon nu belemiu ma'isa pe'e sinaa makakinsap,

AMSAL 15:25

Tumpu mohobo'akon laigan nu mian anu takabun; panyo tano' nu samian na anu binalumo, Ia na monjagai.

AMSAL 15:3

Tumpu montoa iwi-iwi' anu jinadimo iyaya mae na tampat; Ia mompalahatikan iwi-iwi anu ma'ima' kabai anu ma'idek.

YESAYA 10:3

Apaa na daagi' obau nu belemiu de tokamo na sinaanyo nu Tumpu mohukum belemiu? Daagi' apaa na usaha nu belemiu de Ia mompotokamo mae balaa' anu lengkat mae ilipu' majo'on? Hihe na timbali pomoitan tulung nu belemiu? Iyamae na timbali pomposulukan kakaya'an nu belemiu?

YEREMIA 16:17

Aku montoamo sinin na anu nu bau nu aha. Madi'mo daagi' ko anu naninsuluk da madi' Ku toa; dosa' nu aha mule' tinoang-Kumo.

YEREMIA 23:24

Madi' ko samian na moko ala momposuluk butongnyo da madi' Ku toa, kalana Aku daagi' iyaya mae na tampat: kiita' isuluga' ka' aiya idunia.

YEREMIA 49:11

O, Edom! Pojoongmo na to ana-anak nu beleyum anu madi'mo ko tuumanyo tiba tinanyo hi beleng-Ku, Ku putu'je na aha. Sahanyo to balu-balu nu belemiu ko kapalesaya'an mae ahi' hi beleng-Ku.

YEREMIA 51:56

Aha tinokamo nongidei Babel, nompaha hakopakonmo to sulu-suludadu nu aha ka' nompato'imo sinin na toongon anu bau pahampate nu aha. Akumo na Tumpu anu mohukum palabuatan anu ma'idek, ka' Babel Ku balosakonmo sitimbang tiba palabuatannyo.

MOHAANGI 3:59

Belento nontoamo palabuatan ma'idek anu binaumo hi belengku, tanga'an ma'idek nu sampobali anu mongka'ideki mae aku. Kalana aijo', o Tumpu, tinjohiakon mae na palakalangku,

HOSEA 14:3

Pinsusule'mo mae hi Tumpu ka' pongkakaase do'a salaku palasombahan nu belemiu hi Ia, otaloakon sumo uuka: “O Tumpu ampuniakon mae na dosa' mami ka' talimakon iwi-iwi' na do'a mami aiya, da kami mompuji'mo Belento susumo anu jinanji'mo mami.

HOSEA 14:4

Asyur madi' moko ala momposalamat kami, ka' ajahan anu bau pahampate suele madi' ahi' moko ala montulungi kami. Kami madi'mo daagi motatae hi to pato-patong nu pilogot anu pinosi bau mami, anu osangka mami aijo'mo na Tumpu mami. O Tumpu Belento mongkalibosi to mia-mian anu madi' ko anu nu taha'imani nu aha maumo pa' ihe.”

YOËL 3:4

Oposiamo nu belemiu na Aku aiya o Tirus, Sidon ka' iwi-iwi' na daerah nu Filistin? Pa' kahanda'mo na belemiu mombalosakon apa-apaa na anu binaung-Kumo hi belemiu? Soba alamo na bau pombalosing-Ku anu malia'mo mae toka aiya.

HABAKUK 1:13

Panyo mosia na Belento ka' moko ala montoa mian haha aijo' anu ma'idek na kinyonyoanyo ka' anu buhingison aijo'? Temisa' Belento na talalo ahi' susi' na montoa palabuatan ma'idek haha aijo'? Temisa Belento na mongoa'i ahi' monguahi na montoa palabuatan anu madi' adin? Jadi kadaka' Belento ola momohokot salatan montoa mian anu palesaya ohansunimo nu mian anu palaganta?

PO'ULE' INGULIT 10:18

Ia mongala-alapakon hak nu anak anu madi' ko tuumanyo ka' tinanyo, ka' to balu-balu da adin na mongulus palakala nu aha; Nu kalibosi na mian anu lengkat mae i salipu'an anu mo'imboa hingga-hinggat bansanto ka' mombee'i aha anu okaan ka' anu opake.

2 TIMOTIUS 1:12

Mokonyo aijo' aku nongoa'imo kasansala'an iwi-iwi' aiya, panyo aku tataap palesaya totu-totu'u, kalana kusumbu' ihe na anu ku palesaya. Ku palesaya totu-totu'u saba' apaa na anu pinalesayakon-Nyomo hi belengku Ia sanggup ahi' na monjagai sampe toka i Sinaa Kakiamatanmo.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

1 PETRUS 4:19

Kalana aijo', de daagi' ko to mia-mian anu mongoa'i kasansala'an kalana sumo aijo' na nu kahanda'i nu Tumpu, jadi bala usaha ahi' da mian haha aijo' tumuu' i uno nu kahondoan ka' mompalesayakonmo ahi' butong nu aha hi anu Nompotimbalimo aha. Ia saja' mongganapi janji'-Nyo.

1 PETRUS 5:7

Sampa' o'asanakon iwi-iwi' hi Tumpu na anu ma'isa talalo matantu i uno nu kinyonyoa nu belemiu, kalana Ia na mongkalesang komiu.

TO MIA-MIAN KOPIAN 1:7

Koonyo i Adoni-Bezek, “U'utu mae pitumpulu' na tomundo pinatagakonkumo na kanumpu nu limanyo ka' kanumpu nu tengkenyo, lantas pinojohokumo na aha mongkaan tuuha' nu anu kinaanmo anu manabu lengkat mae aita' i meja'ku. Uuka aiya Tumpu Allah nombaumo aku pokakana sumo aku nombaumo aha.” I Adoni-Bezek ahennyo binoamo i Yerusalem, ka' ikiijo'mo mae na ia sinilaka.