MATIUS 9:6 - KITAB NU TUMPU ALLA LELE MA'IMAI'

⁶ Panyo uuka Aku mompobukuti'je hi beleyum saba' i bawo nu dunia aiya Anak nu Mian ko kuasa mongampuni dosa'.” Lantas i Yesus notatae hi mian lupe aijo', “Bula, hangkat na ampasum ka' pinsusule'mo!”

MATIUS 9:6 ပူးပေါင်းရင်းမြစ်များ

YESAYA 43:25

Panyo Aku ahi' Tumpu na nohapusmo dosa' nu beleyum, Aku mongampunimo beleyum kalana sumo aijo'mo nakinyonyoang-Ku; Aku madi'mo daagi' sola' monginau dosa' nu beleyum.

MIKHA 7:18

Madi' ko Tumpu anu sumo Belento, o, Tumpu anu mongampuni dosa' nu mian anu pinile'anmo nu Belento aijo'mo mian anu daagi' tinontuha'. Madi' sampemo sidu-sidutu' na Belento motambuha'; panyo ola ahi' belento sanang na mompotoa kanonongan nu Belento anu madi' ko batasnyo aijo'.

MATIUS 4:24

Lele mongkona i Yesus aijo' tinolelemo i songko-songko na tano' Siria, sahingga manjoo' na mian tinoka hi Ia. Aha nomboamo mae to mia-mian anu mongoa'i manjoo' na lupa-lupa nu panyakit tiba kasusa'an. To mia-mian anu pininsoopanmo nu roh ma'idek, anu mongkingkimi ka' anu lupe, iwi-iwi' pina'alin i Yesus.

MATIUS 8:20

I Yesus nontaami, “Pojek ko liangnyo, ka' tomonsi' ko petaanyo, panyo Anak nu Mian madi' ko kamale'an.”

MATIUS 9:2

I kiijo' mian nomboa hi Ia samian anu lupe, pinomale' i ampas. Tempo'nyo i Yesus nontoa kinodaka'nyo na palesaya nu to mia-mian haha aijo', Ia notatae hi mian lupe aijo', “Sabaan, anak-Ku! Dosa-dosa'um ingampunanmo.”

MATIUS 9:5

Iya na lebe dengke: montaloakon, ‘Dosa'um ingampunanmo’, kabai montaloakon, ‘Bulaamo ka' lajangmo?’

MATIUS 9:7

Mian lupe aijo' nobula ka' ninsusule' nokiijo' i laigannyo.

MARKUS 2:10

Panyo tempo' uuka, Aku momponyata'mo hi komiu saba' i dunia aiya Anak nu Mian ko kuasa mongampuni dosa'.” Lantas i Yesus notatae hi mian lupe aijo',

MARKUS 2:7

“Baani hondo na mian aiya motatae sumo aijo'! Ia nompopo'ambangmo Tumpu. Ihe na timbali mongampuni dosa', de misa' Tumpu?”

LUKAS 5:21

To gulu-gulu' agama ka' aha to mia-mian Farisi notataemo samian ka' samian, “Ihe na mian aiya ka' baani mompopo ise' Tumpu? Ihe na timbali mongampuni dosa', de misa' Tumpu Allah ahi'?”

YOHANES 10:28

Aku mombee'i aha kantumuu'an kopian ka' toka sidu-sidutu', ka' sidu-sidutu' aha madi' silaka. Madi' ko samian pe'e mongagoi aha i limang-Ku.

YOHANES 17:2

Kita Tuuma nombee'mo kuasa mompalentah iwi-iwi' na mian hi Anak, da Ia mombee'i kantumuu'an kopian ka' toka sidu-sidutu' hi iwi-iwi' na mian anu binee'mo nu Tuuma hi Ia.

YOHANES 5:27

Ia nombee'mo hi Anak-Nyo hak momputusi hukuman, kalana Ia Anak nu Mian.

YOHANES 5:8

Saba' i Yesus notatae hi ia, “Bulamo, hangkat na ampasum ka' lajangmo.”

SISIKON NU TO RASUL-RASUL 5:31

Ka' Tumpu nombee'mo hi Ia kapalentahan ka' kakuasa'an anu matangkas sumo Polaya' ka' Pomposalamat; da bansa Israel obee'i tempo' da balatobat bolimo mombau to dosa-dosa'nyo ka' mohumpak'je ka'ampunan.

SISIKON NU TO RASUL-RASUL 9:34

I Petrus notatae hi Eneas, “Eneas, i Yesus Kristus mompa'alinmo beleyum. Bulamo ka' poko piani na kamale'anum.” I Tempo'mo aitu na i Eneas nobula.

2 KORINTUS 2:10

De komiu mongampuni mian anu nombaumo sala' hi komiu, saba' aku suele mongampuni ahi' mian aijo'. Kalana apaa na anu ingampunankumo – de memang ko anu palalu o ampuni – aijo' ku ampuni i ahop i Kristus bau ka'ima'an nu komiu.

2 KORINTUS 5:20

Jadi kami to posa-posaihonmo i Kristus. Tumpu na nonsai kami mompotoka potuunon-Nyo. I uno nu sanggo i Kristus sabole-bole opoita mami, da o'ala na taju nu Tumpu anu nompotimbalimo komiu nompo'ule'mo na'ima' tiba Ia.

EFESUS 4:32

Ola ahi' kinyonyoa na obau mano-manonong ka' mompahakali-kalibosi samian ka' samian, ka' mompaha ampu-ampuni pokakana sumo Tumpu singkona nongampunimo komiu hi Kristus.

KOLOSE 3:13

Komiu tionyo ahi' mompaha saba-sabalakon samian ka' samian ka' mompaha ampu-ampuni de daagi' ko anu mongingu sangga'at. Sanang na kinyonyoa nu Tumpu mongampuni komiu, jadi komiu suele tionyo ahi' mongka'oho' mongampuni samian ka' samian.