MATIUS 9:37 - KITAB NU TUMPU ALLA LELE MA'IMAI'

³⁷ Lantas i Yesus notatae hi anu saja' mombatuki Ia, “Anu o padak manjoo', panyo anu mompadak ola sangkiding.

MATIUS 9:37 ပူးပေါင်းရင်းမြစ်များ

MAZMUR 68:11

Lantas mian anu palesayamo hi Belento jinojoongmo i kiijo' mae; kalana kanonongan nu Belento, o, Tumpu Belento nompotuu' mo mian anu kasiasi.

MATIUS 20:1

“De Tumpu mompalentah, ka'ada'annyo sumomo kantuang aiya: Samian na tumpu nu ale' nu anggur nosabat tempo'nyo daagi' subu, molio mian anu mokalaja i ale' nu anggurnyo.

MATIUS 28:19

Kalana aijo' lako'mo hi iwi-iwi' na bansa ka' songko-songko na dunia potimbali na aha anu saja' mombatuki Aku. Opalamandikan na aha ka' o sanggo na sanggo nu Tuuma, ka' Anak, ka' Roh nu Tumpu Allah.

MATIUS 9:38

Kalana aijo' poita hi tumpu nu ale' aijo', da ia monsai mae anu mompadak padakonnyo.”

MARKUS 16:15

Lantas i Yesus notatae hi aha, “Lako'mo i songko-songko na dunia aiya, ka' polele na Lele Ma'ima' lengkat mae hi Tumpu aijo' hi iwi-iwi' na mian.

LUKAS 10:2

“Hasin anu tionyo o padak manjoo',” tukoo-Nyo hi aha, “panyo mian anu mokalaja mompadak ola sangkiding. Kalana aijo' poita hi tumpu nu ale' da Ia monsai mae mian anu mompadak hasin nu sosu'anon-Nyo.

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

SISIKON NU TO RASUL-RASUL 16:9

Pihi-pihinyo i kiijo', i Troas, ko anu tinoa i Paulus. I uno nu anu tinoanyo aijo', ia nontoa samian na mian nu Makedonia tinuminjo i ahopnyo ka' pagala nongkakase da ia mamba mokiijo' i Makedonia da montulungi aha.

SISIKON NU TO RASUL-RASUL 18:10

Kalana Aku monsangalui beleyum. Madi' ko samian pe'e na anu moko ala mombau anu ma'idek hi beleyum kalana da'isan na mian i kota' aiya, te to mia-mian-Ku.”

1 KORINTUS 3:9

Kami to mia-mian anu hingga-hinggat mombau kalaja anu nu Tumpu; ka' komiu aijo' sumomo ale' nu Tumpu. To Utu-utus suele sumo gudang nu Tumpu.

2 KORINTUS 6:1

Kalana kami mokalaja hingga-hinggat tiba Tumpu, mokonyo aijo' opoita mami sabole-bole boli komiu monsia-siakon ka'ima'an nu kinyonyoa nu Tumpu aijo'.

KOLOSE 4:11

Salan do'a suele lengkat mae hi Yesus anu osa-osanggohi Yustus. Lengkat mae hi to mia-mian nu Yahudi anu pinalesayamo hi Tumpu Yesus, ola aha totolu' na anu uuka aiya mokalaja tiba aku mompojalan kalaja anu lengkat mae hi Tumpu. Aha nontulungimo mae aku totu-totu'u.

1 TIMOTIUS 5:17

Polaya' nu jama'at anu mompojalan kalaja ma'i-ma'ima', patut obee'i bau ponginau' kalajanyo pinduan lipat, lebe-lebe aha anu make-makeke na mompogreja ka' mongajan.

YAKOBUS 5:4

Komiu madi' nombayan tambonyo nu to mia-mian anu mokalaja i ale' nu belemiu. Uuka aiya potombihing na aha notusa'mo! To mia-mian anu nolimu'akon hasin nu ale' miu, noloobo'mo momoita tulung, ka' lobo' nu aha tinokamo i bihing nu Tumpu, Tumpu Anu Matangkas na Kuasanyo.