MATIUS 9:26 - KITAB NU TUMPU ALLA LELE MA'IMAI'

²⁶ Lele aitu tinolelemo i songko-songko na tano' aijo'.

MATIUS 9:26 ပူးပေါင်းရင်းမြစ်များ

MATIUS 4:24

Lele mongkona i Yesus aijo' tinolelemo i songko-songko na tano' Siria, sahingga manjoo' na mian tinoka hi Ia. Aha nomboamo mae to mia-mian anu mongoa'i manjoo' na lupa-lupa nu panyakit tiba kasusa'an. To mia-mian anu pininsoopanmo nu roh ma'idek, anu mongkingkimi ka' anu lupe, iwi-iwi' pina'alin i Yesus.

MATIUS 9:31

Panyo aha i namba ka' nompolele, lele mongkona i Yesus, i songko-songko na tano' aijo'.

MARKUS 1:28

Sahingga lele mongkona i Yesus tinogilelemo lia-lia' i songko-songko na tano' nu Galilea.

MARKUS 1:45

Panyo mian aijo' namba, ka' lau-laus saja' nonsisik anu jinadi aijo' iyayamae sampe i Yesus ola ninsoop hoko-hokot i kota. Ia ola jinojoong i sambiha' nu kota i tampat anu liing. Mau sumo aijo' mian saja' toka hi Ia, lengkat iyayamae.

MARKUS 6:14

To lele-lele anu mongkona iwi-iwi' na kajadian aijo' tinoka hi Tomundo Herodes, kalana sanggo i Yesus sinumbu'mo iyayamae. Daagi' ko mian anu notatae, “I Yohanes anu Mompalamandikan po'ule'mo tinumuu'! Aijo'mo na sababnyo Ia ko kuasa mombau anu okabangangi aijo'.”

LUKAS 4:14

Lapas aijo', i Yesus ninsusule'mo nokiijo' i Galilea; Ia kinuasanmo nu Roh nu Tumpu. Lele mongkona butong-Nyo tinogilelemo i songko-songko na da'erah aijo'.

LUKAS 4:37

Sahingga lele mongkona i Yesus tinogilelemo i da'erah aijo'.

LUKAS 5:15

Panyo lele mongkona i Yesus kino togi-togi lelenyomo iyayamae, ka' manjoo'mo na mian toka da mohongo da o pa'alinakon na panyakit nu aha.

LUKAS 7:17

Lele mongkona i Yesus aiya, tinolelemo i songko-songko na Yudea ka' i da'erah anu mompaha ohani.

SISIKON NU TO RASUL-RASUL 26:26

Posi kita Tomundo' Agripa monsumbu'mo totu'u na hahan aijo'. Mokonyo aijo' aku baani motatae hi ahop nu kita Tomundo' tiba sahondo-hondonyo. Kusumbu' hondo-hondo madi' ko sa'angu' pe'e na hahan aijo' anu ma'isa sinumbu' nu kita Tomundo', kalana iwi-iwi' aijo' madi' tinimbali i tampat-tampat anu sulu-suluk.