MATIUS 9:2 - KITAB NU TUMPU ALLA LELE MA'IMAI'

² I kiijo' mian nomboa hi Ia samian anu lupe, pinomale' i ampas. Tempo'nyo i Yesus nontoa kinodaka'nyo na palesaya nu to mia-mian haha aijo', Ia notatae hi mian lupe aijo', “Sabaan, anak-Ku! Dosa-dosa'um ingampunanmo.”

MATIUS 9:2 ပူးပေါင်းရင်းမြစ်များ

ANU MOMPOLELE POTATAE NU TUMPU 9:7

Donganmo pongkaan ka' balame-lame'; inumo sana-sanang na kinyonyoa na anggur nu belemiu, Tumpu madi' kabalatan pakalaus Ia ahi' situju.

YESAYA 44:22

Kasala'an nu beleyum Ku laa'mo da mamba susumo kundom, dosa' nu beleyum Kusikaimo da mamba susumo sehu'. Pinsusule'mo mae hi beleng-Ku, kalana pinobebas-Kumo na beleyum!”

MATIUS 14:27

Panyo i Yesus lau-laus nontaami, “Potanang! Aku i Yesus. Boli mabuhuk!”

MATIUS 4:24

Lele mongkona i Yesus aijo' tinolelemo i songko-songko na tano' Siria, sahingga manjoo' na mian tinoka hi Ia. Aha nomboamo mae to mia-mian anu mongoa'i manjoo' na lupa-lupa nu panyakit tiba kasusa'an. To mia-mian anu pininsoopanmo nu roh ma'idek, anu mongkingkimi ka' anu lupe, iwi-iwi' pina'alin i Yesus.

MATIUS 6:12

Ampuniakon na kasala'an mami, sumo kami mongampuni mian anu mombau sala' hi kami.

MATIUS 8:10

Salatan i Yesus nohongo apaa na anu tinaloakon nu suludadu aijo', Ia binangang hondo. Lantas Ia notatae hi to mia-mian anu hau-haunyo mombatuki Ia, “Palias na mian aiya. Hi mian nu Israel ma'isa pe'e toho' Aku nongkabot kinodaka'nyo nu palesaya aiya!

MATIUS 8:16

Tempo'nyo mamalom, mian nomboa hi Yesus da'isan na mian anu sinoku'onmo nu roh ma'idek. Ka' ola santaa' na potatae, i Yesus nolaa' to roh-roh ma'idek aijo' ka' nompa'alin mule' iwi-iwi' na mian anu masakit.

MATIUS 9:22

Tempo' aitu i Yesus nosiloi ka' nontoa boune aijo' balo notatae hi ia, “Posabaan anak-Ku! Kalana beleyum palesaya hi beleng-Ku, beleyum ma'alinmo!” Tempo'nyo aitu mule' i na'alinmo na boune aijo'.

MATIUS 9:5

Iya na lebe dengke: montaloakon, ‘Dosa'um ingampunanmo’, kabai montaloakon, ‘Bulaamo ka' lajangmo?’

MATIUS 9:6

Panyo uuka Aku mompobukuti'je hi beleyum saba' i bawo nu dunia aiya Anak nu Mian ko kuasa mongampuni dosa'.” Lantas i Yesus notatae hi mian lupe aijo', “Bula, hangkat na ampasum ka' pinsusule'mo!”

MARKUS 1:32

Mamalom salatan sinaa makakinsapmo, to mia-mian nomboa hi Yesus iwi-iwi' na mian anu masakit, ka' anu sinoku'onmo nu roh ma'idek.

MARKUS 10:49

Sahingga i Yesus tinolotinjo lantas notatae, “Lagamo mae na ia.” Jadi aha nolaga mian mapisok aijo'. Aha notatae hi ia, “Boli hengge'! Beleyum ilagamo i Yesus, tinjomo!”

MARKUS 5:34

Lantas i Yesus notatae hi boune aijo', “Anak-Ku, kalana beleyum palesaya hi beleng-Ku, beleyum ma'alin! Lako'mo ima-ima' beleyum sinehatmo totu-totu'u!”

MARKUS 6:50

sahingga aha i lakat nu kabuhukan. Kalana aha iwi-iwi' nontoa Ia, ka' aha tinolokengkeng hondo. Panyo i Yesus lau-laus notatae hi aha, “Tendamo! Aku i Yesus. Boli mabuhuk!”

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

YOHANES 2:25

Madi' pilenje mian mombee'i katalangan hi Ia mongkona mian pa' ihe, kalana nu posi sumbu' pa' apaa na i uno nu kinyonyoa nu mian.

YOHANES 21:5

I Yesus notatae hi aha, “Ana-anak, pa' komiu ko ikan?” “I madi',” na koonyo nu aha.

SISIKON NU TO RASUL-RASUL 14:9

Mian aijo', sinumuhang aijo' mae mohongo i Paulus notatae. I Paulus nontoa, mian aijo' palesaya ka' kalana aijo' ia pina'alinakon. Sahingga i Paulus nontonto'imo ia,

SISIKON NU TO RASUL-RASUL 19:12

De lenso kabai hude pombutu' kompong anu toho'mo pinake i Paulus o boa hi to mia-mian masakit, panyakit nu aha ma'alin ka' roh nu setan pe'e mosabat lengkat hi aha.

SISIKON NU TO RASUL-RASUL 23:11

Dodododopnyo malom-malom i Tumpu Yesus tinuminjo'mo i sohipi' hi Paulus ka' notatae, “Pohoson na kinyonyoaum! Beleyum nombee'imo katalangan mongkona Aku kiijo' i Yerusalem. Beleyum suele tionyo po'ule' mombee'i katalangan aijo' i Roma.”

ROMA 5:11

Ka' lebe mule' molingkudui aijo', kita lame' kalana ka'ima'an nu Tumpu anu inyata'mo hi Tumpunto i Yesus Kristus. Kalana palesaya hi Kristus, kita uuka aiya nongoa'imo pompahasumbu'anto anu ma'ima' aijo' tiba Tumpu.

YAKOBUS 2:18

Ugaat daagi' ko anu motatae, “Daagi' ko mian anu montaha'imani imannyo, ka' daagi' mule' ko anu montaha'imani bukuti' nu anu obau.” Ku taamije, “Potiju'akon mae hi belengku mosia na mian mohumpak iman padahan madi' ko bukuti'nyo i han anu obau, ka' ku potoaje na bukuti'nyo nu anu binaumo da bau pomponyata' saba' aku ko iman.”