MATIUS 8:4 - KITAB NU TUMPU ALLA LELE MA'IMAI'

⁴ Lantas koonyo i Yesus hi ia, “O inau'! Boli monsisik mau mule' pa' hi he. Panyo lako' hi imam ka' opoita na ia da montantukan beleyum na'alinmo. Lapas aijo' sombahkon na koloban anu pinalentahkon i Musa, bau bukuti' hi to mia-mian saba' beleyum totu-totu'u na'alinmo!”

MATIUS 8:4 ပူးပေါင်းရင်းမြစ်များ

YESAYA 42:21

Tumpu situjumo na momposalamat; Ia mongkahanda'i da atulan-Nyo oholomati ka' opopodaka'.

IMAMAT 13:49

ka' buhitnyo nu anu nahu'mo aijo' moho-moho'mo nobilu' kabai nohahamo, jadi anu nahu'mo aijo' sumomo anu molele, jadi tionyo ahi' opotoa hi imam.

MATIUS 10:18

Komiu tionyo oboa i ahop nu anu batu-batu ko kuasa ka' to tomu-tomundo', kalana komiu anu saja' mombatuki Aku. Ka' aijo' na kasampatan hi komiu da mombee' katalangan mongkona aku hi aha, ka' hi to mia-mian anu madi' monsumbu' Tumpu.

MATIUS 16:20

Lapas aijo' i Yesus nompo'ingatmo anu saja' mombatuki Ia, da aha madi' mompoto'i hi ihehemo, taalu' Iamo na Tomundo anu Momposalamat.

MATIUS 17:9

Salatan aha nintatau'mo lengkat mae i bungkutnyo aijo', i Yesus nompo'ingat aha, “Boli mompoto'i mau mule' pa' hi hehemo apaa na anu tinoa miu, de ma'isa pe'e Anak nu Mian po'ule' opotumuu' lengkat i kasilakan.”

MATIUS 3:15

Panyo i Yesus nontaami, “Pojohokmo ola uuka aiya. Kalana sumo aitu na kita mombau iwi-iwi' anu nu kahanda'i nu Tumpu Allah.” Jadi i Yohanes nompalamandikanmo i Yesus.

MATIUS 5:17

“Boli monsangka saba' Aku toka da mohapusi atulan i Musa tiba ajalan nu to nabi-nabi. Aku toka misa' da mohapusi, panyo da mopotiju' alati'nyo anu sahondo-hondonyo.

MATIUS 6:1

“O inau', boli komiu mompojalan palentah nu agama i ahop nu mian da'isan da nu toa nu mian. De komiu mombau sumo aijo', komiu madi' mohumpak tamboo nu Tuumaum i suluga'.

MATIUS 9:30

Sahingga aha timbali nontoa. Pinoto'i Yesus hi aha totu-totu'u, da boli mompoto'i han aijo' mau pe'e pa' hi he.

MARKUS 13:9

Komiu tionyo mombala'ingati, kalana komiu o hakop ka' o hela' mokiijo' hi anu momputusi hukuman. Komiu o boboti i to lai-laigan pogalejaan. Komiu oboa mangadap hi anu mongkuasai ka' hi to tomu-tomundo', kalana komiu anu saja' mombatuki Aku. Ka' aijo'mo na kasampatan hi komiu mombee'i katalangan mongkona Aku hi aha.

MARKUS 3:12

Panyo i Yesus nontewa' hondo-hondo to roh-roh ma'idek aijo' mompoto'i ihe na Ia.

MARKUS 5:43

I Yesus nompoliwa' hondo mompoto'i han aijo' mau mule' pa' hi he. Lantas koo-Nyo, “Bee'i mongkaan na anak aijo'.”

MARKUS 6:11

Panyo de komiu toka i sa'angu' na tampat, ka' to mia-mian i kiijo' madi' mongka'oho' montalima ka' mohongo komiu, pala'imo na tampat aijo'. Ka' osapui na abu' i tengkeum salaku sa'angu' na tanda hi aha!”

MARKUS 7:36

Lantas i Yesus nontewa' aha iwi-iwi' da boli monsisik han aijo' mau mule' pa' hi he. Panyo mau mosiamo na i Yesus montewa', ola mule' ahi' nu paka leleakon nu aha.

MARKUS 8:30

Lantas i Yesus nompo'inau' aha, da madi' mompolele mau mule' hi he mongkona butong-Nyo.

MARKUS 9:9

Tempo'nyo aha nintau' lengkat mae i bungkutnyo aijo', i Yesus nompokinde'i aha, “Boli mompoto'i mau mule' pa' hi he na anu tinoamo nu belemiu u'uka, de ma'isa pe'e Anak nu Mian po'ule' opotumuu' lengkat i kasilakan.”

LUKAS 17:14

Tempo'nyo i Yesus nontoa aha, Ia notatae, “Lako'mo hi to ima-imam, poita da aha mompalesa butongum.” Hau-haunyo aha laja-lajang, na'alinmo na panyakitnyo.

LUKAS 21:13

Aijo' na kasampatan hi komiu da mompolele Lele Ma'ima' lengkat mae hi Tumpu.

LUKAS 4:41

To roh-roh ma'idek nosabat hi mian da'isan ka' naha loboo'an, “Memang Beleyum Anak nu Tumpu!” Panyo i Yesus nonsegai aha, madi' mompoloas aha motatae, kalana nusumbu' nu aha Iamo na Tomundo anu Momposalamat.

LUKAS 5:14

Lantas i Yesus nontewa' mian aijo' boli monsisik han aijo' mau mule' pa' hi he, tukoo-Nyo, “Lako'mo hi imam ka' poita na ia da mompototu'u beleyum na'alinmo. Ka' lako' sombahkon na koloban sumo anu pinalentahkonmo i Musa, salaku bukuti' saba' beleyum totu-totu'u na'alinmo.”

LUKAS 8:56

Tu'anyo nu anak aitu binangang hondo. Panyo i Yesus nontewa' aha monsisik anu tinimbalimo aijo' mau mule' hi he.

LUKAS 9:21

Lantas i Yesus notatae hi anu saja' mombatuki Ia, “Boli hondo-hondo mompoto'i han aijo' mau mule' pa' hi he.”

YOHANES 5:41

Aku madi' molio da o puji' nu mian.

YOHANES 7:18

Mian anu mombee' posi pangajalannyo, molio da o'adati na butongnyo. Panyo mian anu molio da o'adati na anu nonsai mae Ia, mian aijo' hodi' madi' baleko' na ia.

YOHANES 8:50

Aku madi' molio da o'adati na posi butong-Ku. Daagi' ko samian anu mongusahakon da o'adati na Aku, ka' Iamo na momputusi anu sala'.