MATIUS 8:27 - KITAB NU TUMPU ALLA LELE MA'IMAI'

²⁷ Anu saja' mombatuki Yesus binangang. Aha notatae, “Mian apaa na Ia aiya, sampe mombun ka' bokon mohongo palentah-Nyo!”

MATIUS 8:27 ပူးပေါင်းရင်းမြစ်များ

MATIUS 14:33

Sahingga anu saja' mombatuki Yesus tinolodupu ka' nonsombah Ia. Aha notatae, “Totu'u Tumpu Anak nu Tumpu!”

MATIUS 15:31

Mian da'isan anu daagi' i kiijo' binangang hondo, salatan aha montoamo mian momo' notataemo, mian pengko' na'alinmo, mian anu kapi' ilumajangmo, ka' mian anu mapisok nontoamo. Lantas aha nompuji-puji'mo Tumpu bansa nu Israel.

MATIUS 8:10

Salatan i Yesus nohongo apaa na anu tinaloakon nu suludadu aijo', Ia binangang hondo. Lantas Ia notatae hi to mia-mian anu hau-haunyo mombatuki Ia, “Palias na mian aiya. Hi mian nu Israel ma'isa pe'e toho' Aku nongkabot kinodaka'nyo nu palesaya aiya!

MATIUS 8:26

“Kadaka' komiu mabuhuk?” Tukoonyo i Yesus. “Komiu madi' talalo palesaya hi belengku!” Lapas aijo' i Yesus tinuminjo ka' nonsegai mombun tiba dowiwi aijo'. Lantas dowiwi aijo' nolinomo hondo.

MATIUS 8:28

I Yesus tinoka i santoa nu dowiwi i tano' nu Gadara. I kiijo' mae ua'aha na mian anu pininsoopan nu roh ma'idek tinokamo hi Ia. Ua-ua'aha aijo' baani hondo, sahingga madi' ko samian pe'e baani motulu i kiijo'.

MARKUS 1:27

Iwi-iwi' na mian binangang hondo, ka' sinailapas aha notatae samian ka' sangga'at, “Ibeh apaa na aiya? Sa'angu' na pokinde' anu sala'je! Tiba palentah ka' kuasanyo, Ia mompalentah to roh-roh ma'idek nosabat, ka' aha nohongo Ia!”

MARKUS 6:51

Lantas Ia sinumake' i duangan nu aha ka' baleba' mule' binelentimo. Anu saja' mombatuki Yesus binangang hondo.

MARKUS 7:37

Ka' iwi-iwi' na mian anu nohongo aijo' binangang hondo. Aha notatae, “Iwi-iwi' binaunyo ima-ima'! Ka' mule' ia nombau mian ma bongon mohongo, ka' mian momo' timbali motatae!”