MATIUS 8:26 - KITAB NU TUMPU ALLA LELE MA'IMAI'

²⁶ “Kadaka' komiu mabuhuk?” Tukoonyo i Yesus. “Komiu madi' talalo palesaya hi belengku!” Lapas aijo' i Yesus tinuminjo ka' nonsegai mombun tiba dowiwi aijo'. Lantas dowiwi aijo' nolinomo hondo.

MATIUS 8:26 ပူးပေါင်းရင်းမြစ်များ

MAZMUR 65:7

Kalana kahosonan nu Belento, pinotinjomo nu Belento, na to bungku-bungkutnyo bau pompotoa kakuasa'an nu Belento anu moko ala hondo mombau apa-apaa.

MAZMUR 89:9

O, Tumpu, Tumpu Anu Daka' na Kuasa-Nyo, ihe na anu susumo Belento na kohosonnyo? Belento manonong hondo i han iwi-iwi' o, Tumpu.

YESAYA 63:12

Iyamo mae na Tumpu anu nonsangaluimo i Musa, nu lima-Nyo maho-mahoson hondo ka' nombagimo ohua' na uee i ahop nu aha da sanggo-nyo talasanggo sampe toka sidu-sidutu'?

NAHUM 1:4

Ia nonsegaimo ambai ka' nompo 'otimo iwi-iwi' na kaunyo pinojadimo notiis na ueenyo. Bungkutnyo nu Karmel ka' iwi-iwi na padang anu kiijo' i Basan madi'mo na omuk ka' kiijo' i Libanon nagayoumo iwi-iwi' na bunga-bunga.

HABAKUK 3:8

O Tumpu, pa' kalana ambai sahingga Belento pinusamo? Kabai o pa' kalana to Kau-kaunyo na nonsaduakon sahingga belento pinusamo? Sinake'anmo nu belento na kundom susumo ajahan, ka' kareta anu bau pahampate, salatan mian nu Belento anu pinalesayamo binee'anmo ka untungan nahampate.

MATIUS 16:8

I Yesus monsumbu' apaa na anu binisalakon nu aha. Jadi Ia notatae, “Kadaka' komiu mombisalakon kalana madi' ko roti? Komiu madi' talalo palesaya!

MATIUS 17:20

I Yesus nontaami, “Kalana komiu madi' talalo palesaya. O inau'! De komiu palesaya totu-totu'u kodaka'nyo sumo batu nu sasawi, komiu timbali motatae hi bungkutnyo aiya, ‘Polalin mokiijo' mae!’ tantu bungkutnyo aiya timbali molalin. Madi' ko sa'angu' pe'e na anu madi' opoko ala obau miu! [

MATIUS 6:30

Hemput i padang tumuu' sinaa aiya, ka' dodop o papui mingkotmo. Panyo Tumpu mompakei hemput aijo' kino ima'nyo. Apaa mule' komiu! Panyo komiu madi' talalo palesaya!

MATIUS 8:27

Anu saja' mombatuki Yesus binangang. Aha notatae, “Mian apaa na Ia aiya, sampe mombun ka' bokon mohongo palentah-Nyo!”

LUKAS 4:35

“Hokot!” sinegaan i Yesus na roh ma'idek aijo'. “Posabatmo lengkat hi mian aiya!” Lantas roh ma'idek aijo' nonsapahakon mian aijo' i ahop nu aha iwi-iwi', lapas aitu nosabatmo lengkat hi mian aijo', madi'mo nompasakiti.

ROMA 4:20

Ia tataap palesaya ka' madi' bata-bata i janji' nu Tumpu Allah. Ola o kalana palesayanyo nompotimbalimo ia da mompaka pahoson, sahingga ia saja' mompuji' Tumpu.

ANU PINOTO'I HI YOHANES 10:2

I limanyo daagi' ko sa'angu' na lulunan nu kitab ise' anu tinabuka'mo. Tengkenyo koanan peja-peja' i ambai, ka' tengkenyo kowi peja-peja' i katano'an.