MATIUS 8:25 - KITAB NU TUMPU ALLA LELE MA'IMAI'

²⁵ Lantas anu saja' mombatuki nambamo hi Ia ka' nombulakon Ia. “Kita Tuuma! Tulungi! Silakamo na kita!” Loboo' nu aha.

MATIUS 8:25 ပူးပေါင်းရင်းမြစ်များ

2 TAWARIKH 14:11

Lantas i Asa binalado'amo hi Tumpu Allah-nyo, “O Tumpu, olamo belento na timbali montulungi mian anu madi' mahoson mongewa anu mahoson. Tulungi mae na kami uuka aiya, O Tumpu Allah mami! Samata-mata olamo hi belento na patisehan mami, ka' hi sanggo nu Belento na kami nambamo mahampate mongewa gombuan nu suludadu anu manjoo' hondo aiya. O Tumpu belentomo na Tumpu Allah mami. Boli opobee' na butong nu Belento nu patundu'mo nu samian na manusia.”

2 TAWARIKH 20:12

Belentomo na Tumpu Allah mami! Hukumo na aha, kalana kami aiya madi' moko ala mongewa suludadu anu talalo hondo manjoo' aijo', anu kahanda'mo montumbuhi mae kami. Madi'mo osumbu' mami pa' mo sia na mombau, kalana aijo' kami toka hi belento momoita tulung.”

MAZMUR 10:1

Kadaka' Belento najo'onmo, o Tumpu, ka' natisulukmo tempo'nyo kami tinokanmo nu kasusa'an?

YUNUS 1:6

Tempo'nyo kapiten nu kapan aijo' nintatau' nintatau sasu akaong i lunasa'nyo tinoanyomo na i Yunus hau-haunyo hoyot. Lantas ia notataemo, “Tetimbali tohoyot na beleyum i unonu han anu sumo aiya? Dongan pobula! Balado'a hi pilogot nu beleyum ka' momoita tulung. Ihe na monsumbu', Ia mongkalibosi mae kita, sahingga kita madi' silaka.”

MATIUS 8:2

Tempo'nyo aitu tinoka na samian anu ko panyakit kilit anu o kabuhuk. Ia tinolodupu i ahop i Yesus, lantas notatae, “Kita Tuuma, de kita Tuuma mongka'oho', kita Tuuma timbali mompa'alin aku.”

MATIUS 8:24

Monti-montiik baleba' makansang anu talalo hondo nontintipmo dowiwi, sahingga duangan aijo' sinambuanganmo nu bokon. Tempo'nyo aitu i Yesus hau-haunyo hoyot.

MATIUS 9:18

Hau-haunyo i Yesus notatae hi anu saja' mombatuki Yohanes anu Mompalamandikan, tinokamo na samian anu monjagai laigan pogalejaan. Ia tinolodadupu i ahop hi Yesus ka' notatae, “Anakku boune sala'je sinilaka. Panyo de timbali toka mae kanyangakon, da ia po'ule' tumuu'.”

LUKAS 8:24

Anu saja' mombatuki Yesus nambamo hi Ia, ka' nombulakon Ia. Aha notatae, “Tuumangku Gulu', Tuumangku Gulu', kita silakamo!” I Yesus nobula ka' nonsegai baleba', ka' bokon anu hau-haunyo kumelembuang aijo'. Baleba' ka' bokon aijo' binelenti ka' dowiwi aijo' tinendamo hondo.