MATIUS 8:22 - KITAB NU TUMPU ALLA LELE MA'IMAI'

²² Panyo i Yesus nontaami, “Batuki na Aku, ka' pojohokmo na mian anu sinilakamo molamun miannyo anu sinilakamo.”

MATIUS 8:22 ပူးပေါင်းရင်းမြစ်များ

1 TOMU-TOMUNDO' 19:20

Sahingga pinala'ianmo i Elisa na sapi'nyo haha aijo' ka' nopadeka'mo nololoi' i Elia, ka' notatae, “Pobee' pe'e mae na aku mamba hi tu'anyongku momoita da nu pobee' mae na aku, lapas aijo' aku mombatukije belento Tuuma.” Tinaaman i Elia, “Ii' lako' pe'e. Madi' ku tewa' na beleyum.”

MATIUS 8:21

Lantas samian na anu saja' mombatuki sangga'at notatae, “Kita Tuuma, poloas pe'e na aku minsusule' molamun Tuumangku.”

MATIUS 9:9

Lapas aijo' i Yesus nompala'imo tampat aijo'. Hau-haunyo i lumajang, Ia nontoa samian topo tagi hasin, sanggonyo i Matius, hau-haunyo suha-suhang i kanton nu anu montage hasin. I Yesus notatae hi ia, “Imbo' batuk mae na Aku!” I Matius tinuminjo ka' nombatuki Yesus.

MARKUS 2:14

Hau-haunyo i Yesus i lumajang nokiijo', Ia nontoa samian na anu saja' montage hasin, sanggonyo i Lewi, anak i Alfeus, hau-haunyo suha-suhang i Kanton nu Hasin “Batukimo na aku”, koonyo i Yesus hi ia. Sahingga i Lewi tinuminjo ka' nombatuki Yesus.

LUKAS 15:24

Kalana anakku aiya i natemo, aiya tinumuu'mo mule'; ia nolapusmo, uuka i humpakkumo mule'.’ Balo aha nombau bau-bauon.

LUKAS 15:32

Panyo kita tionyo mombau-bauon ka' balame-lame', kalana utusum ise' aijo' sinilakamo, panyo uuka po'ule'mo tinumuu'; ia nolapusmo, panyo uuka po'ule'mo kinabot.’ ”

LUKAS 9:59

Lantas i Yesus notatae hi samian anu sangga'atan, “Batuki na Aku.” Panyo mian aijo' notatae, “Kita Tuuma, pobee' pe'e mae na aku minsusule' mamba molamun tuumangku.”

LUKAS 9:60

I Yesus nontaami, “Pojohok na mian silaka molamun miannyo anu silaka. Panyo beleyum lako' ka' songkohakon na lele saba' Tumpu montampu'unimo mompalentah.”

YOHANES 1:43

Dodododopnyo i Yesus nompatikolomo namba i Galilea. Ia siningkabot ka' i Filipus, ka' notatae hi ia, “Imbo' batuki na Aku!”

YOHANES 21:19

(Tiba potatae aijo' i Yesus nompoto'imo mosia na i Petrus silaka saidi' mae mompopodaka' Tumpu.) Lapas aijo' i Yesus notatae hi Petrus, “Batuki mae na Aku!”

YOHANES 21:22

I Yesus nontaami, “Maluannyo Ku kahanda'i ia satumuu'nyo sampe Aku toka, aijo' misa' ponsumbu'anum. Panyo beleyum batuki mae na Aku!”

EFESUS 2:1

Naipuan mae rohani miu i natemo kalana komiu binala dosa'mo ka' nolanggaimo to pale-palentah nu Tumpu.

EFESUS 2:5

sahingga tempo'nyo kita daagi' nate na rohaninto kalana kita saja' mombau kasala'an, Ia po'ule'mo nompotumuu' kita hingga-hinggat tiba i Kristus. Jadi, ola kalana ka'ima'an nu kinyonyoa nu Tumpu sahingga komiu pinosalamat-Nyomo.

EFESUS 5:14

Kalana iwi-iwi' anu manasamo na otoa, aijo' majingka. Mokonyo aijo' tinaloakonmo, “Hee pobulamo na beleyum anu hoyot, ka' anu sinilakamo, po'ule'mo tumuu'! I Kristus monjingkaimo beleyum.”

KOLOSE 2:13

Naipuan mae komiu natemo na kapalesaya'an kalana komiu binala dosa'mo, ka' kalana komiu madi' sinunat nu adat nu dunia. Panyo uuka aiya Tumpu nompotumuu'mo komiu hingga-hinggat tiba i Kristus. Tumpu nongampunimo iwi-iwi' na dosa'to,

1 TIMOTIUS 5:6

Panyo balu anu mongka'oho' tumuu' ola basana-sanang, ia natemo mau mule' ia daagi' tutuu'.