MATIUS 8:20 - KITAB NU TUMPU ALLA LELE MA'IMAI'

²⁰ I Yesus nontaami, “Pojek ko liangnyo, ka' tomonsi' ko petaanyo, panyo Anak nu Mian madi' ko kamale'an.”

MATIUS 8:20 ပူးပေါင်းရင်းမြစ်များ

MAZMUR 104:12

Madi' majo'on ikiijo' na to tomo-tomonsi' mimpeta; aha lewa'mo umonyi' i olo-olot nu hon nu kau'.

MAZMUR 104:17

Ikiijo'mo na to tomo-tomonsi' mimpeta tomonsi' ranggung mimpeta aita' mae i tuu'nyo.

MAZMUR 109:22

Kalana aku kasiasi ka' sinansalamo, ka' kinyonyoangku binelaonmo naleengmo hondo.

MAZMUR 40:17

O'amalakon da iwi-iwi' na mian anu monsombah Belento bilahimo ka' lame'mo ka' iwi-iwi' na anu mongka'ima'i kasalamatan lengkat mae hi Belento tataap motatae, “Memang ahi' talasanggo na Tumpu!”

MAZMUR 69:29

Bakas da sanggo nu aha bolimo opotulis i uno nu kitab popontulisan mian anu tumuu'; ka' madi'mo otulis i uno nu daputan popontulisan mian anu hodi' na kinyonyoanyo.

MAZMUR 84:3

Kinyonyoangku talalo hondo saja' monginau' Laigan nu Belento, santuu'ku ka' butongku montaligalaimo Tumpu anu tumuu'.

DANIEL 7:13

Anu tinoangku pihi-pihi aijo', tinoangku daagi' ko anu susumo manusia. Ia tinoka mae sinaput nu kundom lantas nambamo hi Ia anu tumuu' sampe toka sidu-sidutu' ka' pinoto'imo na sanggonyo hi ia.

MATIUS 12:32

De mian montaloakon hahan anu mombahakon Anak nu Mian, ia timbali o ampuni, panyo de ia mongambangimo Roh nu Tumpu, ia madi'mo o ampuni, mau tempo' uuka, mau pe'e i sinaa anu imihinyo mae!”

MATIUS 12:40

I Yunus jinojoong tolunsinaa ka' tolumpahu i uno nu kompong nu ikan daka'. Sumo aitumo na Anak nu Mian jojoong tolunsinaa tolumpahu i uno nu kompong nu tano'.

MATIUS 12:8

Kalana Anak nu Mian mongkuasai sinaa nu Sabat.”

MATIUS 13:37

I Yesus nontaami, “Mian anu monsa'u bine' anu ma'ima', aijo'mo na Anak nu Mian.

MATIUS 16:13

I Yesus namba nokiijo' i da'erah ohani kota Kaisarea-Filipi. I kiijo' Ia nompokilawa hi anu saja' mombatuki Ia, “Koonyo nu mian. Ihe na Anak nu Mian aijo'?”

MATIUS 16:27

Madi'mo pin Anak nu Mian, mohingga-hinggatmo tiba to mala-malaikat-Nyo tokamo mae tiba kuasa nu Tuuma-Nyo. Tempo'nyo aitu Ia mombalosimo toto samian sitimbang tiba i palabuatannyo.

MATIUS 17:9

Salatan aha nintatau'mo lengkat mae i bungkutnyo aijo', i Yesus nompo'ingat aha, “Boli mompoto'i mau mule' pa' hi hehemo apaa na anu tinoa miu, de ma'isa pe'e Anak nu Mian po'ule' opotumuu' lengkat i kasilakan.”

MATIUS 19:28

I Yesus notatae hi aha, “Palesayamo: I Dunia Bu'ou, Anak nu Mian sumuhangje i kasuhangan-Nyo anu talasanggo. Tempo'nyo aitu, komiu anu saja' mombatuki Aku, sumuhangje i sampulu' ka' ohua' na kasuhangan anu talasanggo, ka' momputusi sampulu' ka' ohua' na tulunan nu bansa Israel!

MARKUS 8:38

De toto samian ma'ambang na mongakui Aku ka' pangajalan-Ku, i tempo' nu duluhaka ka' ka'idekan aiya, Anak nu Mian suele ma'ambang na mongakui mian aijo', tempo'nyo Ia po'ule' toka tiba kuasa nu Tuuma-Nyo, tiba to mala-malaikat anu susi'.”

LUKAS 12:8

“O inau' ma'i-ma'ima': Mian anu mongakui i ahop nu mian da'isan tukoonyo ia anu saja' mombatuki Aku, ia o akui suele nu Anak nu Mian i ahop nu to mala-malaikat nu Tumpu.

LUKAS 18:8

Palesayamo: Ia malia-lia' montinjohi palakala nu aha! Panyo de Anak nu Mian tokamo, pa' daagi' okabot na mian palesaya hi Ia, i dunia aiya?”

LUKAS 2:12

Aiyamo na tandanyo: Komiu mambaje montoa samian na bungamea' anu sinabutan nu hude, ka' pinomale' i uno nu pompakanan domba.”

LUKAS 2:16

Lia-lia' na aha namba, ka' nonsingkaboti i Maria tiba i Yusuf, tiba mule' bungamea' anu pinomale' i pompakanan domba.

LUKAS 2:7

Ia nohampeakon samian na anak mo'ane, anaknyo anu tumpe. Anak aijo' sinabutannyo nu hude, ka' pinomale'nyo i tampat pompo'una'an hemput; kalana aha madi' nohumpak panumpangan.

LUKAS 21:36

Saja' bajaga-jaga ka' balado'a, da komiu mahoson na mongahopi iwi-iwi' na anu saidi' mae timbali, ka' komiu moko ala mangadap hi Anak nu Mian.”

LUKAS 8:3

singkona i Yohana bengkele' i Khuza, anu ko kalaja i laigan daka' hi Herodes; i Susana, ka' manjoo' mule' na boune sangga'at. Posi ongkos nu aha na montulungi Yesus ka' anu saja' mombatuki Ia.

LUKAS 9:58

I Yesus nontaami, “Pojek ko liangnyo, ka' tomonsi' ko petaanyo, panyo Anak nu Mian madi' ko kamale'annyo.”

YOHANES 1:51

Koonyo i Yesus mule', “Totu'u, palesayamo, beleyum montoaje langit tontuhea', ka' to mala-malaikat nu Tumpu moliba' mintau' hi Anak nu Mian.”

YOHANES 12:34

Mian da'isan aijo' notatae hi Ia, “De koonyo nu Kitab nu Atulan mami, Tomundo' anu Momposalamat tumuu' sidu-sidutu'. Mosia ka' Beleyum timbali montaloakon Anak nu Mian tionyo ohangkat tangka-tangkas i bawo nu dunia? Ihe na Anak nu Mian aijo'?”

YOHANES 13:31

Pinalus na i Yudas, i Yesus notatae, “Uuka Anak nu Mian opopodaka'mo, ka' suele Tumpu opopodaka' kalana Ia.

YOHANES 3:13

Ma'isa toho' ko samian pe'e anu noliba'mo i suluga', ola ahi' Ia anu nintatau' i Dunia aijo'mo Anak nu Mian.

YOHANES 3:14

Susumo i Musa noliba'akon ulo tambaga i sangkau na kau' bololang i padang bolaa, sumo aitu mule' Anak nu Mian tionyo oliba'akon,

YOHANES 6:27

Boli mokalaja de ola da mohumpak anu okaan anu timbali mingkot ka' mawa'i. Bakalaja da pohumpakan anu okaan, anu madi' toho' mawa'i ka' anu mombee'i kantumuu'an anu talakana' ka' sampe toka sidu-sidutu'. Anu okaan aijo' nubee'je nu Anak Mian hi beleyum, kalana Ia i hangkatmo nu Tumpu, Tuuman-To.”

YOHANES 6:53

Lantas i Yesus notatae hi aha, “Palesayamo: De komiu madi' mongkaan butong Anak nu Mian ka' monginum baso'-Nyo, komiu totu-totu'u madi' tumuu'.

YOHANES 6:62

Pa' mosia na katimbaliannyo saidi' mae de komiu montoamo Anak nu Mian moliba'mo minsusule' i tampat pinolengkatan-Nyo mae?

SISIKON NU TO RASUL-RASUL 7:56

“Toa,” koonyo i Stefanus, “aku nontoamo suluga' tinontuhea'mo ka' Anak nu Mian tinuminjomo i sasu koanan nu Tumpu!”

2 KORINTUS 8:9

Kalana osumbu' miu hondo kita talalo nukalibosi i Yesus Kristus Tumpunto. Ia kaya, panyo Ia nompotimbalimo butong-Nyo kasiasi kalana kapentingan miu da kalana Ia kinasiasimo aijo', komiu timbalimo kaya.