MATIUS 8:18 - KITAB NU TUMPU ALLA LELE MA'IMAI'

¹⁸ Manjoo' hondo na mian anu montikubi Yesus. Salatan i Yesus nontoamo aha iwi-iwi', Ia nompokaumo anu saja' mombatuki motaapmo i dowiwi.

MATIUS 8:18 ပူးပေါင်းရင်းမြစ်များ

MATIUS 14:22

Lapas aijo' i Yesus nonsaimo anu saja' mombatuki Ia da sumake'mo i duangan, ka' momonanyo motaap pe'e i dowiwi, hau-haunyo Ia nonsaimo mian da'isan aijo' da minsusule'mo.

MATIUS 8:1

I Yesus nintatau' mae lengkat i bungkutnyo, ka' da'isan na mian anu nombatuki Ia.

MARKUS 4:35

Mamalom sinaa aitu mule', i Yesus notatae hi aha anu saja' mombatuki Ia, “Imbo'mo da kita talabut mokiijo' i santoa nu dowiwi.”

MARKUS 5:21

I Yesus ninsusule' mule' nokiijo' i santoa nu dowiwi. I biwi nu dowiwi aijo', da'isan na mian anu toka mogombu ka' montikubi i Yesus.

MARKUS 6:45

Lapas aijo' i Yesus lia-lia' nonsai anu saja' mombatuki Ia namba imoona tiba duangan mokiijo' i Betsaida i santoa nu dowiwi, hau-haunyo aijo' Ia nonsaimo mian da'isan aijo' da ninsusule'mo.

MARKUS 8:13

Lantas i Yesus nompala'i aha, ka' ninsoop i uno nu duangan; lapas aijo' nambamo i santoa nu dowiwi aijo'.

LUKAS 8:22

Daagi' ko sansinaan i Yesus tiba anu saja' mombatuki Ia sinumake' i duangan. “Imbo' da kita mamba i santoa nu dowiwi,” koonyo i Yesus hi aha. Lantas aha nambamo.

YOHANES 6:15

Nusumbu' i Yesus na aha toka mompakisa Ia da timbalimo tomundo nu aha. Aijo' na sababnyo Ia inamba nompalaiyakon butong-Nyo i bungkutnyo.